منين اجيب المراية بلوتوث اللي بكاميرا ؟

[MaZaGAngeE]

شوفت عربية فيها مراية بلوتوث بكاميرا خلفية و بتشغل فلاشة ..
دي اجيبها منين و هل هي عملية ؟
هل تخرج العربية من الضمان ؟
هل فيها سماعات و لا بتتوصل على سماعات العربية؟
هل عي عملية و مفيدة و لا اي كلام ؟

ياريت لو حد جربها يفيدني

[MaZaGAngeE]

هل لازم تتوصل على الكاسيت و لا مش لازم ؟

[Ahmed_BYD_F0]

متابع

[hosar]

على حد علمى و بدون تجربتها أن فيها نوعان أحدهم المراية بيبقى فيها Fm modulator و دى مش محتاج أى تعديلات بتولف المراية على الكاسيت و تظبط الموجة بدون أى توصيلات خارجية سوى للكهرباء بس
و فية نوع تانى رخيص بيبقى فية توصيل للصوت على الكاسيت بكابل آخر بالإضافة لكابل الكهرباء

[MaZaGAngeE]

عايز تفاصيل اكتر
انا عارف ان المراية دي موجودة من فترة

[ana]

المرايا دى افضل دى فى دى و اكثرهم عمليه و انا مركبه فى عربيتى وعربيه والدى و الزجاج بتاعه فاميه بفكره المرايا التعتيم و بيشتغل مرايا وانا موصل عليها كاميرا خلفيه و البلوتوث بتاعها حلو و اى شاشه مرايا سواء كانت رخيصه او غاليه مش بتفرق لان كلهم واحد و محصلين بعض وممكن تنزل التوفيقيهو شارع الازهر وتلف وتفاصل و على فكره كلهم بيتوصلو بالكاسيت عن طريق الfm واللى بالبلوتوث ب 320 واللى من غير بلوتوث ب 250

[MaZaGAngeE]

المرايا دى افضل دى فى دى و اكثرهم عمليه و انا مركبه فى عربيتى وعربيه والدى و الزجاج بتاعه فاميه بفكره المرايا التعتيم و بيشتغل مرايا وانا موصل عليها كاميرا خلفيه و البلوتوث بتاعها حلو و اى شاشه مرايا سواء كانت رخيصه او غاليه مش بتفرق لان كلهم واحد و محصلين بعض وممكن تنزل التوفيقيهو شارع الازهر وتلف وتفاصل و على فكره كلهم بيتوصلو بالكاسيت عن طريق الfm واللى بالبلوتوث ب 320 واللى من غير بلوتوث ب 250

الف شكر يا باشا
بس ممكن صورة للمرايا و الكاميرا عشان ادور على نفس الموديل بتاعك

[Land_Cruiser]

متابع ..

[ana]

حاضر باذن الله الصبح وانا رايح الشغل اصورلك الشاشه انما الكاميرا بتاعتى مفيش زيها فى مصر وبالتالى تصويرها هيبقى بدون جدوى

[luckyman]

انا مركبها ومتوصله بكاميرا للرجوع وممكن تعرض عليها فيديو بفلاشه واغاني والصوت عن طريق سماعات العربيه تظبط موجه اف ام وفيها بلوتوث ممكن توصلها بالموبايل وترد علي الموبايل من غير ما نشغل علي الطريق وتعرض رقم المتصل علي المرايه تركيب بالكاميرا اظن كلفت معايا 600 جينه في التوفقيه

[Dragon78]

متابع بشده

أنا بصراحه كانت عاجباني أوي فكرة الدي في دي في المرايه دي .. بس للأسف مارضتش أجيبها عشان موضوع التركيب وانها لازم تتوصل بكهربة العربيه وتتوصل بالكاسيت من ورا وكده .. لكن طبعا اللي فيها التوصيل عن طريق الإف إم دي تحفه طبعا .. وياريتهم بالمره يعملوها بتشتغل على كهربة الولاعه .. عشان الواحد بيقلق من أي حاجه تيجي جنب ضفيرة العربيه .

[ana]

باشا هى بتتوصل اصلا بالباور بتاع الكاسيت و مفيش تقطيع فى الضفيره ولا حاجه وبعدين كله بيتوصل بالاف ام و سعر الشاشه فى التوفيقيه بالبلوتوث 320

[Dragon78]

باشا هى بتتوصل اصلا بالباور بتاع الكاسيت و مفيش تقطيع فى الضفيره ولا حاجه وبعدين كله بيتوصل بالاف ام و سعر الشاشه فى التوفيقيه بالبلوتوث 320

طيب ان كان كده يبقى حلو فعلا .. بس هايفضل في عيب صغير .. انها لو بتركب وصعب الواحد يشيلها كل اما ينزل من العربيه

لأن بصراحه الواحد بقى يترعب يسيب قلم في العربيه من ساعة ما اللاب توب بتاعي اتسرق من العربيه ( وكنت حاطه في الشنطه كمان مش في الصالون )

بس من ناحية سعرها هي حلوه جدا 320 جنيه بالبلوتوث .. انا عندي شاشه في العربيه وفيها تليفزيون بس من غير بلوتوث ومش بتركب على المرايا وكنت جايبها بـ 500 جنيه , بس فعلا ندمت اني ماجبتش اللي بتركب على المرايا .

[hbadawi]

هي بتاخد الكهرباء منين وهل بيبقى في سلك باين عشان وصلة الكهرباء .. وهل تخرج الكهرباء من الضمان؟

[bondjames]

تحت البيت - كسروا زجاج الباب ونتشوها من غير مابفتحوا العربية - فى الفجر - لأن صوت الإنذار لم يدل على فتح الباب إعتقدت إنها قطة نطت على العربية - لكن لما نزلت الصبح لقيت العربية مكسورة - اللى بتركب بعيد عن المرايا أفضل