عاوز اشيل التجليد من على العربية

[ahmedtoma]

انا عندى العربية كلها متجلدة وعاوز اشيل التجليد دة عند حد كويس وياريت يكون فى مدينة نصر
اصل انا كنت مركبة فى الاسكندرية وبصراحة مكسل اروح المشوار
برجاء الافادة ضرورى جدا جدا جدا يا جماعة

وشكرا

[momo44]

متابع

[azwoz65]

متابع .... متابع .... متابع

[Car's Sniper]

وزود عليهم واحد متابع وصلحه

المهم لما حضرتك تلاقى الحل وتشيبه ابقى احكيلنا عن التجربة دى وهل ازالته فعلا شالت معاه طبقة البوليش من الدهان؟؟ ومتركب بقاله قد ايه؟؟
ربنا يوفقك

[azwoz65]

ايه الاخبار انا لسة متابععععععععع

[smsm_nabawy]

جلد ايه؟؟

قصد حضرتك الستيكر؟؟؟؟

ولا جلد ملزوق على العضم بتاع العربية؟؟؟؟؟؟؟؟؟؟؟؟!!!!!!!!!!!!!!

[azwoz65]

متابع .... متابع .... متابع

[ahmedtoma]

الحمد للة ياجماعة اخيا شلت الكربون من يومين عند واحد فى مدينة نصر بس خد شغل كتير بصوا بقى :-
1- اولا العربية خدت شغل 3 ايام لان العربية كانت معمولة كلها
2- ابتدى يشيل الكربون بطريقتين السخان الكهربائى ، المياة الساخنة
3 - المشكلة بقى فى اللصق ( الغراء) اللى كان على صاج العربية هو اللى اخذ غلبة
4- جاب 8 لتر بنزين علشان ينطف العربية كلها من اللصق
5- طبعا كان باقى بعض الحاجات على الصاج وقالى هتطلع مع البوليش
6- رحت عملت العربية كلها بوليش
7- وبعدين بتاع البوليش قاللى لازم ترح تغسل العربية فى كار كير من الخارج
والحمدللة دلوقتى زى الفل .
واللى عاوز اى استفسار يكلمنى على الموبايل 01006676180
علشان انا عارف انة ممنوع الاعلان عن اى حد فى المنتدى طبقا لقوانين المنتدى

[azwoz65]

طيب خد منك كام ؟؟

[bmya]

انا كنت عامل السقف بس وشيلته بنفسي ومسبش اثر
الفكره انه لازم يتشال وهو سخن وهتلاقيه بيطلع معاك كله حته واحده عشان لما بيسخن بيطرى وبالتالي بيتشال على طول
انا وقفت العربيه في الشمس وسيبتها ساعتين كده وشيلته في ثانيه

[elloco_lobo]

فى شارع المطبعه ممكن تشليه

[adelghanem]

للاخ bmya انت شلت التجليد بعد ماسبت العربيه فى الشمس وبعدين عملت ايه فى بقايا اللزق ؟

[bmya]

ايه ياباشا بقاسا اللزق دي ؟
انا كنت عامل السقف فقط اسود حاولت اشيله في الاول عشان كان عندي فحص لقيته بيطقع وبيتهري
بالصدفه كنت راكن في الشمس في مره وبعدين وانا واقف كده بشيل حزء لقيته بيطلع زي السكينه في الحلاوه قلت قشطه روحت واقف في الشمس شويه وشايله طلع كله حته وحده