نظارة الازاز الامامي

[weels74]

عاوز نضاره اللى بتغطى الازاز والطابلوه , انا عندى واحدة بس ازاز العربية الجديدة كبير ومش بتكبس عليه وبتقع , السيارة سيراتو 2011 , اجيبها منين دى ولا فى حل تانى انا خايف على الطابلوة والصالون من الشمس

[michohat]

اقلب الشماسات عليها علشان تمسكها
او ممكن حل اسهل انك تجيب كارتونه من بتوع الشيبسي او كده و تحطها ع الازاز من بره و ثبتها بالمساحات
دي كفيله بانها تحجز قدر كبير من الحرارة ومش تدخلها العربية
انا بعمل كده حتى وانا حاطط الشماسة علشان بسيب العربية كتير في الشمس وانا في الشغل

[smsm_nabawy]

مش فاهم قصدك ب "نضارة"!!

[weels74]

مش فاهم قصدك ب "نضارة"!!

ياباشا النضارة دى اقصد بيها الستارة اللى بتتلم وتتطبق , اللى بتتحط على الازاز الامامى من جوة , انا مش عارف اسمها ايه لكن اعتقد كدة وضحت , عندى واحدة بس صغيرة مش بتوقف على الازاز وعاوز اعرف لو فى منها احجام ومقاسات وفين

[m.farouk]

اسمها شماسة وموجوده فى شارع دمش عند بتوع الكماليات

[weels74]

اسمها شماسة وموجوده فى شارع دمش عند بتوع الكماليات

شماسه عمال ادور على الاسم ده من زمااااااااااان , شكرا على الرد ياباشا
شماسه شماسه شماسه شماسه

[Honda_lover]

اسمها نظارة مش شماسة ودي سعرها من 15 الي 20 جنيه

[azwoz65]

متابع ........

[Elsebily]

طيب في الاخر هتطلع ايه نضاره ولا شماسه انتو شككتو الواحد في معلوماته انا اللي اعرفه انها شماسه

[hosar]

شماااااااااااااااااسه و الله

[mado83]

اسمها شماسه نظاره ماتزعلوش نفسكو

[adelghanem]

انا عملت فكره . جايب اتنين شفاطات من اللى بيلزقوا على الازاز وهمه عباره عن اربعه بيتباعوا مع بعض ....تلاقى سواقين التاكسى والميكروباس بيعلقوا فيهم علامة الاودى الاربع حلقات .المهم هما شفاطات تحطهم على الازاز يمين وشمال وليهم لوك زى الخطاف وتعمل خرمتين فى الشماسه يمين وشمال ويستحسن تعملهم بسجاره مولعه يعنى تلسعهم بسرعه علشان بتخرموا واطرافهم يتلحموا...وتعلق فيهم الشماسه وبعدين تشيلهم مع الشماسه (معلومه لو ليك واحد صاحبك دكتور بتجيله هدايا شركات ادويه عباره عن شماسات بس حجمها كبير تنفع عندك لانها نافعه عندى فى الكارينز وشكرا )