Tweet
أنا زهقت خلاص
السلام عليكم
الموضوع يا جماعة اننا خلاص زهقت بقالي شهر ونص بدور على سماعات كينييود 400 الإندونيسي اللي كلنا أو أغلبنا عارفينها..وعارفين إن الإصدار دا من أحسن الإصدارات اللي كينييود نزلته وسماعات محترمة جدا..
المهم نزلت من شهر التوفيقية عند سيمفوني اللي قدام المول ودخلت أسأل لقيت موجود الــ 400 بس صيني مفيش اندونيسي خالص..الــ 500 بس هي اللي اندونيسي..قولت لو طيب هتيجي امتى قالي كمان اسبوع كدا..مشيت وروحت عند البركة بعديه بشوية وموزع معتمد بردو ملقيتش الإندونيسي بردو لقيت الــ 400 صيني وكانت عاملة 270 للعلم..بس فتحتها اشوفها معجبتنيش خالص تقفيلها زبالة..والمغناطيس بتاعها صغير جدا..دا المغناطيس بتاع السماعات الــ 16 اللي عندي أكبر منها..المهم الراجل قعد يحاول يقنعني يقولي هي هي والتانية مضروبة ومش عارف ايه سيبته ومشيت.
نزلت الخميس أول امبارح كنت بشتري كام حاجة من التوفيقية وعديت على سيمفوني دا وكانت الصدمة انو قالي الكينييود 400 الإندونيسي مش هتنزل تاني خالص الصيني بس اللي موجود..روحت عند البركة نفس الكلام..
قولت خلاص مبدهاش اروح توكيل كينييود اللي في المهندسين أكيد هلاقيها عندو بس أغلى 30 جنيه ولا حاجة زي ما احد الأعضاء قالي..كلمتو في التيليفون عشان اخد منو العناون بالظبط..وسألتو على السماعات قالي موجودة ومش هتلاقيها برا خالص..فرحت وقولت طب اشطه..بكام ياعمي؟ راح قالي مش هينفع نقول أسعار في التيليفون لازم تيجي بنفسك!!
قعدت احلف لو اننا مش تاجر واننا واقف في الشارع وعايز اعرف السعر عشان اجي اشتريها..اجيبه يمين شمال ابدا راسه وألف سيف مش قايل حاجة..قولت أمري لله اروح وخلاص..
روحتلو على 8 بالليل كدا كانت الدنيا رايقة..سلمت وقولت لو انا اللي كلمتك في التيليفون عشان السماعات..بكام بقى؟ وكانت الصدمة قال 540 جنيه!!
قولت نعم؟ السماعات ال400 وات بــ 540 جنيه!! ليه ياعم؟ قالي عشان دي الإندونيسي ومفيش منها في السوق!! قولت لو عنها متركبت وقومت ماشي بعد ما دبيت مشوار ساعة ونص على الفاضي.
هي سعرها معروف للجميع من زمان بـ 370 جنيه يعني انا قولت يوم ما هيزود هتبقى ب 400 ولا حاجة مش مشكلة..لكن يخليها 540 جنيه دا استغلال بشع..أنا ازود على ال 540 دول واجيب حاجة 600 دبل بيز.
على فكرة سبب اصراري على السماعات دي عن الـ 500 وات..لأني سمعت الإتنين لقيت الــ 400 صوتها جامد جدا كـبيز لكن الــ 500 ضعيفة بس صوتها أوضح لأنها 5 واي..لكن الموضوع دا مش فارق معايا أوي لأني عندي سماعات الأبواب كدا كدا..فعايز سماعات جبارة ورا وتطلع بيز محترم على جي إم 350 وات..لأني مش هركب صب أو بازوكا نهائي لان الشنطة مش مكفية أصلا فبالتالي عايز أعوض البيز في السماعات.
كمان ياجماعة الــ 400 وات بتطلع 100 Rms لكن الـ 500 بتطلع 90 Rms بس..وبالتالي تبقى الــ 400 أقوى..مع إن في ناس قالتلي ان السماعات ال 500 بتطلع 120 Rms وكنت هشتريها فعلا لكن لما لقيت مكتوب عليها 90 صرفت نظر.
سؤال بقى محيرني جدا ياجماعة:
دلوقتي ناس كتير اقترحو على السماعات الكينييود الــ 400 وات بس الــ 7*10 (الدبل بيز)..ايه رأيكو فيها هي أقوى ولا الـ 400 العادية؟
أنا بصراحة مكنتش مقتنع بيها نهائي لسبب واحد ازاي سماعة جبارة زي دي تطلع 80 Rms بس!! دي المفروض أقل واجب 130..بس بصراحة الناهرده اتفرجت عليها عند محل غيرت رأيي 180 درجة مسكتها لقيتها نضيفة جدا جدا وأكبر من العادية..لأ واللي شدني المغناطيس بتاعها أكبر من كف ايديك ضخم جدا جدا
مش زي العاديين مغناطيس لعبة أطفال..يعني أكيد طالما المغناطيس بالحجم دا هيدي صوت جبار عشان ملف الصوت كبير..
فأنا دلوقتي محتار بين الإتنين دول أنهي أقوى الــ 400 العادية الإندونيسي ولا الدبل بيز 400؟
هي المفروض كمقارنة نظري تبقى الــ 400 العادية أقوى لأنها بتطلع 100 ار ام اس لكن الدبل بيز بتطلع 80 بس ودا اللي مجنني..
يعني الــ 400 العادية على جي ام هتشغلها 80 ار امس عشان متتحرق لكن التانية هتشغلها 60 من 80 بس وبالتالي هيبقى الباور اللي واصلها مش قد كدا مقارنة بالتانية..فعايز حد يفهمني النقطة دي..
يعني الكاسيت عندي سوني سمعت ان الإصدارات الجديدة بقت تطلع 22 ار ام اس..فهشتري جي ام بــ 400 جنيه عشان ازودها 40 ار ام اس بس!!
اخر حاجة ياريت تقوليولي مكان مضمون اشتري منه سواء الــ 400 أو 400 دبل بيز بس يكون بنفس اسعارهم او اسعار معقولة مش ضعف تمنهم!!
وهي الــ 400 دبل بيز بقت بكام دلوقتي؟
وقدامي طقم مستعمل 6 شهور على 250 جنيه بس انا بصراحة عايز اجيب جديد احسن..ياترى المستعملة هتبقى كويسة ولا هتكون ضعفت مع الإستخدام وفيها مشاكل؟
ياريت النصيحة ياجماعة..وآسف جدا اني طولت عليكم بس كنت مخنوق شوية عشان موضوع السماعات دا بقالي شهر ونص مش عارف اجيب ايه..كمان بعتذر اني عملت الموضوع في المنتدى العام عشان قسم الصوتيات نايم جدا اليومين دول ومحدش هيرد عليا بصراحة.
وشكرا مقدما.
الموضوع يا جماعة اننا خلاص زهقت بقالي شهر ونص بدور على سماعات كينييود 400 الإندونيسي اللي كلنا أو أغلبنا عارفينها..وعارفين إن الإصدار دا من أحسن الإصدارات اللي كينييود نزلته وسماعات محترمة جدا..
المهم نزلت من شهر التوفيقية عند سيمفوني اللي قدام المول ودخلت أسأل لقيت موجود الــ 400 بس صيني مفيش اندونيسي خالص..الــ 500 بس هي اللي اندونيسي..قولت لو طيب هتيجي امتى قالي كمان اسبوع كدا..مشيت وروحت عند البركة بعديه بشوية وموزع معتمد بردو ملقيتش الإندونيسي بردو لقيت الــ 400 صيني وكانت عاملة 270 للعلم..بس فتحتها اشوفها معجبتنيش خالص تقفيلها زبالة..والمغناطيس بتاعها صغير جدا..دا المغناطيس بتاع السماعات الــ 16 اللي عندي أكبر منها..المهم الراجل قعد يحاول يقنعني يقولي هي هي والتانية مضروبة ومش عارف ايه سيبته ومشيت.
نزلت الخميس أول امبارح كنت بشتري كام حاجة من التوفيقية وعديت على سيمفوني دا وكانت الصدمة انو قالي الكينييود 400 الإندونيسي مش هتنزل تاني خالص الصيني بس اللي موجود..روحت عند البركة نفس الكلام..
قولت خلاص مبدهاش اروح توكيل كينييود اللي في المهندسين أكيد هلاقيها عندو بس أغلى 30 جنيه ولا حاجة زي ما احد الأعضاء قالي..كلمتو في التيليفون عشان اخد منو العناون بالظبط..وسألتو على السماعات قالي موجودة ومش هتلاقيها برا خالص..فرحت وقولت طب اشطه..بكام ياعمي؟ راح قالي مش هينفع نقول أسعار في التيليفون لازم تيجي بنفسك!!
قعدت احلف لو اننا مش تاجر واننا واقف في الشارع وعايز اعرف السعر عشان اجي اشتريها..اجيبه يمين شمال ابدا راسه وألف سيف مش قايل حاجة..قولت أمري لله اروح وخلاص..
روحتلو على 8 بالليل كدا كانت الدنيا رايقة..سلمت وقولت لو انا اللي كلمتك في التيليفون عشان السماعات..بكام بقى؟ وكانت الصدمة قال 540 جنيه!!
قولت نعم؟ السماعات ال400 وات بــ 540 جنيه!! ليه ياعم؟ قالي عشان دي الإندونيسي ومفيش منها في السوق!! قولت لو عنها متركبت وقومت ماشي بعد ما دبيت مشوار ساعة ونص على الفاضي.
هي سعرها معروف للجميع من زمان بـ 370 جنيه يعني انا قولت يوم ما هيزود هتبقى ب 400 ولا حاجة مش مشكلة..لكن يخليها 540 جنيه دا استغلال بشع..أنا ازود على ال 540 دول واجيب حاجة 600 دبل بيز.
على فكرة سبب اصراري على السماعات دي عن الـ 500 وات..لأني سمعت الإتنين لقيت الــ 400 صوتها جامد جدا كـبيز لكن الــ 500 ضعيفة بس صوتها أوضح لأنها 5 واي..لكن الموضوع دا مش فارق معايا أوي لأني عندي سماعات الأبواب كدا كدا..فعايز سماعات جبارة ورا وتطلع بيز محترم على جي إم 350 وات..لأني مش هركب صب أو بازوكا نهائي لان الشنطة مش مكفية أصلا فبالتالي عايز أعوض البيز في السماعات.
كمان ياجماعة الــ 400 وات بتطلع 100 Rms لكن الـ 500 بتطلع 90 Rms بس..وبالتالي تبقى الــ 400 أقوى..مع إن في ناس قالتلي ان السماعات ال 500 بتطلع 120 Rms وكنت هشتريها فعلا لكن لما لقيت مكتوب عليها 90 صرفت نظر.
سؤال بقى محيرني جدا ياجماعة:
دلوقتي ناس كتير اقترحو على السماعات الكينييود الــ 400 وات بس الــ 7*10 (الدبل بيز)..ايه رأيكو فيها هي أقوى ولا الـ 400 العادية؟
أنا بصراحة مكنتش مقتنع بيها نهائي لسبب واحد ازاي سماعة جبارة زي دي تطلع 80 Rms بس!! دي المفروض أقل واجب 130..بس بصراحة الناهرده اتفرجت عليها عند محل غيرت رأيي 180 درجة مسكتها لقيتها نضيفة جدا جدا وأكبر من العادية..لأ واللي شدني المغناطيس بتاعها أكبر من كف ايديك ضخم جدا جدا
مش زي العاديين مغناطيس لعبة أطفال..يعني أكيد طالما المغناطيس بالحجم دا هيدي صوت جبار عشان ملف الصوت كبير..فأنا دلوقتي محتار بين الإتنين دول أنهي أقوى الــ 400 العادية الإندونيسي ولا الدبل بيز 400؟
هي المفروض كمقارنة نظري تبقى الــ 400 العادية أقوى لأنها بتطلع 100 ار ام اس لكن الدبل بيز بتطلع 80 بس ودا اللي مجنني..
يعني الــ 400 العادية على جي ام هتشغلها 80 ار امس عشان متتحرق لكن التانية هتشغلها 60 من 80 بس وبالتالي هيبقى الباور اللي واصلها مش قد كدا مقارنة بالتانية..فعايز حد يفهمني النقطة دي..
يعني الكاسيت عندي سوني سمعت ان الإصدارات الجديدة بقت تطلع 22 ار ام اس..فهشتري جي ام بــ 400 جنيه عشان ازودها 40 ار ام اس بس!!
اخر حاجة ياريت تقوليولي مكان مضمون اشتري منه سواء الــ 400 أو 400 دبل بيز بس يكون بنفس اسعارهم او اسعار معقولة مش ضعف تمنهم!!
وهي الــ 400 دبل بيز بقت بكام دلوقتي؟
وقدامي طقم مستعمل 6 شهور على 250 جنيه بس انا بصراحة عايز اجيب جديد احسن..ياترى المستعملة هتبقى كويسة ولا هتكون ضعفت مع الإستخدام وفيها مشاكل؟
ياريت النصيحة ياجماعة..وآسف جدا اني طولت عليكم بس كنت مخنوق شوية عشان موضوع السماعات دا بقالي شهر ونص مش عارف اجيب ايه..كمان بعتذر اني عملت الموضوع في المنتدى العام عشان قسم الصوتيات نايم جدا اليومين دول ومحدش هيرد عليا بصراحة.
وشكرا مقدما.
Comment