كسوة للفرش

[Mfbody80]

السلام عليكم
انا عربيتى لانوس 2013 وعايز اركبلها كسوة تكون كويسة
بس السؤال
اولا هل افضل القطن ولا الجلد وخصوصا انى سمعت ان الجلد فى الحر لايطاف

وثانيا تكلفته الماديه كام علشان مش عاوز ازود عن 300 ج بالكتير بالمصنعية والمكان اللى اشترى منه من غير مايضحك عليا

ثالثا هل ممكن يتركب فوق البلاستيك بتاع الزيرو ولا غلط

وشكرا

[مصطفى-حسن]

ج1 لو ركبت جلد هتكرة نفسك فى الحر
ج2 موجود فى التوفيقية باسعار تبدأ من 150ج
ج3 شيل البلاستيك قبل ما تركبة

[د.محمدعبدالعال]

الجلد له مميزاته وله عيوبه .. أهم مميزاته انه سهل التنظيف وعيبه انه بيحرر في الصيف بس دلوقتي الواحد مبيفكرش في الحكاية دي بسبب ان معظم العربيات بقت مكيفة وطالما عربيتك جديدة يعني فيها تكييف ف هاته جلد عشان هيبقى أقيم وهيبقى أسهل في التنظيف
وفي التوفيقية فيه أشكال وأنواع كتير بس نصيحتي زود شوية عشان 300 بالتركيب ده مش هتجيب حاجة محترمة
وطبعا البلاستيك لازم يتشال قبل ما تركب الكسوة

[Elsebily]

أولا اسمحلي اقولك بلاش قطن لاني القطن بيتوسخ بسرعه وبيبقي شكله مش حلو في العربيه لما يتوسخ وبيحتاج تفكه تغسله وشغلانه واحنا عندنا التراب في الجو في مصر مفيش اكتر منه فمن رأيي انك تجيب جلد وتجيب عراقات للكراسي في الحر وتشيلها في الشتاء انا عامل كده

[gmslem]

اللهم صل على محمد وعلى آله وصحبه أجمعين

الافضل هات جلد ؛؛؛ ذي ما الزملاء قالوا لحضرتك ..... انا جبت نوع ب 425 من التوفيقية ممتاز هو صيني ... لكنه حلو .... و ربنا يسهل الامور