استشارة فنية من السادة اعضاء المنتدى !!!

[Abo-Yousef]

بسم الله الرحمن الرحيم

أولاً قولولى مبرووك مقدماً عالعربية

اتفقت مع صاحبها خلاص وهنزل يوم الجمعة اللى جاية ان شاء الله استلمها منه - فيات 128 موديل 1988 عاملة 15000 جنيه ( السعر ده كويس ولا لا ) ودى صورها

[shfaf2]http://www13.0zz0.com/2013/05/15/15/654751396.jpg[/shfaf2]
[shfaf2]http://www13.0zz0.com/2013/05/15/15/975472089.jpg[/shfaf2]
[shfaf2]http://www13.0zz0.com/2013/05/15/15/390734762.jpg[/shfaf2]
[shfaf2]http://www13.0zz0.com/2013/05/15/15/559160017.jpg[/shfaf2]
[shfaf2]http://www13.0zz0.com/2013/05/15/15/580321468.jpg[/shfaf2]
[shfaf2]http://www13.0zz0.com/2013/05/15/15/460213639.jpg[/shfaf2]
[shfaf2]http://www13.0zz0.com/2013/05/15/15/563778606.jpg[/shfaf2]

بس هوا فى مشكلة !!! هيه مش عويصة اوى يعنى صاحب العربية وضب العربية بس مكملش عشان العملية عجزت معاه وداخل على جواز
العربية الحمد لله متوضبه كويس بس محتاجة شوية فينش زي مثلا :

1- هوا شايل الاكصدامات ومركب كساحة قدام ومركبش ورا ( محتاج كساحة ورا وياترى بتتركب عمولة ولا بتتباع جاهزة ؟؟؟؟ وتتكلف كام وفين ؟؟؟ )

2- عاوز اركب سبويلر على الشنطة ورا بيدى منظر برضو جامد زى كدة
[shfaf2]http://www11.0zz0.com/2013/05/15/14/371259979.jpg[/shfaf2]
[shfaf2]http://www11.0zz0.com/2013/05/15/14/344274853.jpg[/shfaf2]
ولو فى شكل احسن حد يقولى وياريت لو يعرف اماكن بيعه وسعره كام

3- تابلوه اوبل كورسا شكله تحفه وبيخلى العربية من جوه ملهاش حل وكأنها عربية حديثة زى كدة
[shfaf2]http://www5.0zz0.com/2013/05/15/15/573261832.jpg[/shfaf2]
[shfaf2]http://www5.0zz0.com/2013/05/15/15/835246146.jpg[/shfaf2]
[shfaf2]http://www5.0zz0.com/2013/05/15/15/123169578.jpg[/shfaf2]
عاوز اعرف برضو مكان بيع التابلوه كامل بالعدادات وبكام

4- محتاج زجاج كهرباء ( التكلفة قد ايه ؟؟؟ المكنه بتاعته النضيفة بتتباع فين وبكام )

5- عاوز افتح الشنطة من جوة !! بيتعمل ازاى الموضوع ده ؟؟؟ ويتكلف كام

متهيألى كده اغلب الحاجات اللى هتظبط العربية وتخليها عروسة وباقى الفنش انا ممكن اعمله بنفسى
يعنى مثلا لاقيت تقفيل فرش الأرضيات زباله عامله عند صنايعية نص كم فا بفكر افكه كله واعمل عزل للأرضيات والشنطة واركبه تانى بس اما اخلص من الحوارات اللى فاتت دى الأول وابقى استشير حضراتكم برضو تانى لان خبرتى على قدى يعنى

وفى النهاية بشكر كل حد دخل وقرى الموضوع الطويل الممل ده وقالى رأيه
اخوكم سامح

[ashraf_sms]

الف مبروك ياباشا وربنا يديك خيرها ويكفيك شرها يارب
بس ياسيدي انا هقول اللي اعرفه بالنسبة للتابلوه بيبدا من 650 جنيه وبالنسبة للزجاج الكهربا ب 300 او 350 اما بالنسبة لحكاية الشنطة تتفتح بالكهربة ديه بتجيب قربة بتاعت سنتر وبتخلي كهربائي بيوصلها علي الانذار لو عندك لو مش عندك بتوصلها ف زرار ف التابلوه عندك القربة تقريبا ب 25 التركيب بقي حسب الصنايعي بالنسبة للاكصدام اللي ورا ده بيتركب فايبر عند اي حد بتاع فايبر بس بصراحة مش عارف سعره كام اما بالنسبة للاسبويلر ده بيبدا من 500 جنيه وانت طالع حسب الشكل والنوع يارب اكون افدتك والاسعار ديه تقريبية والله واعلم وشوف برده باقي الاعضاء معانا هيقولوا ايه تحياتي ليك ياباشا وتطلع زي ما انت عايز ان شاء الله

[Abo-Yousef]

شكرا ياباشا عالرد الجميل ده بس هوا التابلوه ب 650 جنيه فين ؟؟؟ وياترى بالعدادات ولا لا اصل اللى هشترى منه العربية قالى انه سأل عليه لقاه ب 1000 ومبهدل حالته مش حلوة وياريت ياباشا استأذنك لو تعرف أماكن بيع الحاجات دى اكون شاكر جداً ليك وشكراً على مرورك وتحياتى ليك

[ashraf_sms]

بصراحة موضوع التابلوه ده انا كنت منزل موضوع عايز اعرف سعره وناس قالتلي كدة بس والله معرفش هو عامل كام بجد

[Abo-Yousef]

شكراً ياباشا ولا يهمك عادى هوا عموما محصلش نصيب فى العربية ومخدتهاش خلاص وربنا يكرم بقى بعربية تانية حالتها تكون احسن وسعر كويس برضو

[ashraf_sms]

معلش ربنا يعوضك احسن منها ان شاء الله ومتزعلش انت مش عارف لو خدتها كان ممكن يكون فيها ايه ربنا كبير واكيد هتتوفق ف حاجة احسن ان شاء الله

[Abo-Yousef]

شكراً ياباشا ربنا يخليك عالرد الحلو ده وربنا يكرم ان شاء الله بعربية كويسة ... الحمد لله على كل شبئ

[Abo-Yousef]

شكراً ياباشا ربنا يخليك عالرد الحلو ده وربنا يكرم ان شاء الله بعربية كويسة ... الحمد لله على كل شبئ

[ابو لؤى]

بصراحه انا ماكنتش عايزك تاخد العربيه دى من البدايه لو تفتكر لمه قولتلك المرور هيرخم فى موضوع الكسحات ربنا يعوض عليك بأحسن منها وعلى فكره 15000 غاليه مش رخيصه يعنى هتلاقى كتير وبسعر اقل من كده

[smsm_nabawy]

مبروك عليك!!

السعر بيعتمد على حاجات تانية.. يعني لو العربية دي كمان موتورها كويس و كده تخلص على 13 الف!!

المهم خلي بالك من العفشة و الموتور و كده!!

و الكساحة دي مش عجباني و الموتور حيرخم عليك علشان الكساحة و السبويلر لو جبته!!!

[Abo-Yousef]

ياجماعة انتو بتتكلمو عالاسعار كأنكو مش عايشين فى مصر
محدش بيتابع الأسعار فى السوق ولا ايه ولا عالنت
فى موقع كونتاكت كار وموقع دوبيزل الموقعين دول يومياً بينزل عليهم اكتر من 1000عربية بالموديلات والانواع المختلفة ومفيش موديل 88 ب 13000 خالص ده موديلات سبعينات وبيعدلوها وبيطلبو فيها 16000 و 17000 يبقى موديل 88 هيبقى ب 13000 وكمان ماتورها 1300 سى سى وصارف عليها يبقى ازاى 15000 كتير هوا ممكن ينزل ل 14500 بالكتير او 14000 بالعافية بس مفيش الاسعار دى اليومين دول خالص
بصراحة انا كان نفسى فى فيات 131 موديل ثمانينات 1300 سى سى وتكون حالتها كويسة بس كل اللى بلاقيه سعره عالى واقل سعر لاقيته 20000 جنيه ومستغرب ازاى وفى ناس بتوصل ل 27000 و 28000 و 30000 مش عارف ازاى رغم ان واحد صاحبى كان جايب واحدة من سنتين موديل سبعينات ب 13000 وحالتها كويسة عاوزة مصاريف قليلة

[smsm_nabawy]

أسعار المستعمل غلت على فكرة!! :-\

[Abo-Yousef]

السعر بيعتمد على حاجات تانية.. يعني لو العربية دي كمان موتورها كويس و كده تخلص على 13 الف!!

كان زمان تخلص بالسعر ده ياباشا لكن دلوقتى الأسعار رفعت يعنى 15000 كويس ومش موجود كتير وخصوصاً عربيات حالتها كويسة ومصروف عليها ومتعدلة حلو ومش محتاجة مصاريف

[Abo-Yousef]

أسعار المستعمل غلت على فكرة!! :-\

لسة واخد بالك :d
بقالها كتير ياباشا
الزفت الدولار ده من ساعت ما رفع باكو الباسكوت ابو ربع جنيه بقى بجنيه دلوقتى
يبقى العربيات مش هتغلى

[ابو لؤى]

ياجماعة انتو بتتكلمو عالاسعار كأنكو مش عايشين فى مصر
محدش بيتابع الأسعار فى السوق ولا ايه ولا عالنت
فى موقع كونتاكت كار وموقع دوبيزل الموقعين دول يومياً بينزل عليهم اكتر من 1000عربية بالموديلات والانواع المختلفة ومفيش موديل 88 ب 13000 خالص ده موديلات سبعينات وبيعدلوها وبيطلبو فيها 16000 و 17000 يبقى موديل 88 هيبقى ب 13000 وكمان ماتورها 1300 سى سى وصارف عليها يبقى ازاى 15000 كتير هوا ممكن ينزل ل 14500 بالكتير او 14000 بالعافية بس مفيش الاسعار دى اليومين دول خالص
بصراحة انا كان نفسى فى فيات 131 موديل ثمانينات 1300 سى سى وتكون حالتها كويسة بس كل اللى بلاقيه سعره عالى واقل سعر لاقيته 20000 جنيه ومستغرب ازاى وفى ناس بتوصل ل 27000 و 28000 و 30000 مش عارف ازاى رغم ان واحد صاحبى كان جايب واحدة من سنتين موديل سبعينات ب 13000 وحالتها كويسة عاوزة مصاريف قليلة

البايع يطلب اللى هو عايزه ياباشا انا شوفت واحد طالب فى عربيه توب 127 اتنين باب 17 الف ليه يعنى