موضوع للنقاش لعمل تربو صغير للفلتر الاسبور

[ashraf_sms]

السلام عيلكم
وانا بقلب علي النت لقيت صورة لمروحة بتركب ما بين الفلتر والكربراتير وديه صورتها وعلي فكرة سعرها غالي







ايه رايكو لو نفكر سوا نعمل حاجة زي كده اعتقد انها سهلة وهتفرق جامد ف سحب الهواء للفلتر وبالتالي قوة السحب بتاع العربية هتزيد جامد
كل اللي عنده فكرة يقولها بحيث نوصل لنتيجة كويسة لو انتم شايفين انها تستاهل شاركوا وقولو رايكو ايه
دلوقتي احنا محتاجين موتور صغير طبعا مش بتاع اللعب عشان يستحمل الفولت بتاع العربية وليكن موتور مكنسة سيارة
مثلا او اي حاجة شبيهة ونجيب مروحة هي ديه بقي ممكن نجيبها منين ونجمعهم جوا ماسورة pvc مثلا
يلا يا رجالة وروني الابداع بقي

[Abo-Yousef]

فى ناس على فكرة قالت ان المروحة دى مش حلوة وملهاش لازمة وبالعكس بتقلل من سرعة دخول الهوا مع السرعات الكبيرة

[Honda_lover]

كل عربية بتسحب القدر الكافي لها من الهواء حتى لو زودت دخول الهواء من رايي ملهاش لازمة خالص

[aliabdo]

و لا حتعمل اى حاجه خالص دى مجرد اشتغاله و مفيش اى مقارنه بتاتا بينها و بين التربو
للعلم الهواء الى العربيه بتسحبه اكتر من الى المروحه دى ممكن تدخله

[ashraf_sms]

طيب حد يعرف التربو يعمل كام

[Abo-Yousef]

طيب حد يعرف التربو يعمل كام

انا شوفته من كام يوم فى محل قطع غيار بس نسيت اسأله بكام

[ana]

طيب حد يعرف التربو يعمل كام

اقل تيربو 8000 و ممكن يوصل 30000 الف على حسب العربيه لان تركيب تيربو هتغير حاجات كتير فى العربيه سواء فرامل او عفشه او جنوط كبيره او اجزاء من الموتور نفسه او او ووجع دماغ و قرف و الموتور مش هيعيش معاك كتير

[Abo-Yousef]

باشا أشرف ميقصدش التربو الماتور يقصد التربو اللى هوا الشكمان الديفل اعتقد وكل القصة انه يعمل صوت حلو للماتور عن طريق الفلتر الرياضى والديفل التربو ادى كل القصة ولا ايه يا بو اشرف
انت فين يا عم انت نمت فى الكهف ولا ايه