مساعدين جديدة صيني ولا استيراد فيات 128

[ashraf_sms]

انا ياجماعة معايا عربية 128 المساعدين اللي ورا بايظة والميكانيكي قالي هاجيبلك جوز مساعدين استيراد ب 230 بس مش عارف هل السعر ده حلو والمساعدين نفسها حلوة هو بيقولي انا اللي هجبها ومتخافش ولا اجيب صيني عشان الميزانية ياريت نصايحكو بسرعة عشان انا اديتله الفلوس وقولتله هات الاستيراد فلو فيه حاجة اقوله قبل ما يجيب وشكرا مقدما يارجالة

[emad_2020]

ومال الميكانيكي و المساعدين شوف عفشجى كويس وهو هيقول ليك استيراد ولا جديد
انا لسه سائل عفشجى عن مساعدين 131 الخلفى وقال ليا استيراد احسن

[ashraf_sms]

ومال الميكانيكي و المساعدين شوف عفشجى كويس وهو هيقول ليك استيراد ولا جديد
انا لسه سائل عفشجى عن مساعدين 131 الخلفى وقال ليا استيراد احسن

اصل انا الميكانيكي بتاعي بيفهم في العفشة وكان بيظبطها ايام ما كان معايا الشاهين وهو اللي هيركبهم

[emad_2020]

نسيت اقول ليك على سعرهم الاتنين 140 لما سئلت العفشجى اوك

[ashraf_sms]

نسيت اقول ليك على سعرهم الاتنين 140 لما سئلت العفشجى اوك

يعني كدة هما سعرهم غالي ولا ايه

[emad_2020]

اصل انا الميكانيكي بتاعي بيفهم في العفشة وكان بيظبطها ايام ما كان معايا الشاهين وهو اللي هيركبهم

طلما واثق فيه وعارف انو عنده ضمير خليها على الله وركب
بس انا شايف 230 كتير شوية انا كان معايا 28 وفاكر انى غيرت المساعدين 160 استيراد بس مش فاكر قدام ولا وارا

[ashraf_sms]

طلما واثق فيه وعارف انو عنده ضمير خليها على الله وركب
بس انا شايف 230 كتير شوية انا كان معايا 28 وفاكر انى غيرت المساعدين 160 استيراد بس مش فاكر قدام ولا وارا

معلش يا عمدة طيب انا لو جبت الصيني هيكون احسن ولا الاستيراد ولا معندكش فكرة

[emad_2020]

ولا يهمك يا باشا تحت امرك
انا بتعامل مع عفشجى ديما يقول عن الصينى ملوش لزمه انتا اتعب شويه ولو لقيت غير الصينى يكون احسن ولو مفيش خليك فى استيراد بس يكون من حد واثق فيه او لى هيشترى يكون بيفهم

[ashraf_sms]

معلش انا تعبتك معايا يا عمدة تسلم ياكبير

[emad_2020]

ولا يهمك يا كبير احنا هنا كلنا اخوات

[Abo-Yousef]

الاستيراد افضل من الصينى بكتييييييير طبعاً ... انا رأيى انك تنزل الوكالة ( World Trade ) تلف وتسأل عالأسعار الأول وفى برضو فالتوفيقية محلات للمساعديين انا فاكر كان محل فى اخر الشارع عاليمين محل كبير كده بس متيهيألى بيبيعو حاجات اصليه ايطالى او المانى باين جديد بس غاليين شوية

[ashraf_sms]

الاستيراد افضل من الصينى بكتييييييير طبعاً ... انا رأيى انك تنزل الوكالة ( world trade ) تلف وتسأل عالأسعار الأول وفى برضو فالتوفيقية محلات للمساعديين انا فاكر كان محل فى اخر الشارع عاليمين محل كبير كده بس متيهيألى بيبيعو حاجات اصليه ايطالى او المانى باين جديد بس غاليين شوية

تسلم ياسموح بس انت عارف الجديد جامد طبعا بس جامد اوي علي الجيب هههههههههه
هخلي الراجل يجبهم احسن عشان يبقوا علي مسئوليته

[Abo-Yousef]

تسلم ياسموح بس انت عارف الجديد جامد طبعا بس جامد اوي علي الجيب هههههههههه
هخلي الراجل يجبهم احسن عشان يبقوا علي مسئوليته

المشكلة لو لاقدر الله طلعو سكة وعلى مسئوليته هل هيجبلك مكانهم على حسابه ؟؟ مش عارف
لو انت واثق فيه اتكل على الله وربنا يسهل الامور ان شاء الله

[ashraf_sms]

المشكلة لو لاقدر الله طلعو سكة وعلى مسئوليته هل هيجبلك مكانهم على حسابه ؟؟ مش عارف
لو انت واثق فيه اتكل على الله وربنا يسهل الامور ان شاء الله

لا هو مش هيجيب علي حسابه هو هيرجعهم تاني للراجل اللي جايب منه وهوه اساسا اللي مشتريلي العربية

[Abo-Yousef]

لا هو مش هيجيب علي حسابه هو هيرجعهم تاني للراجل اللي جايب منه وهوه اساسا اللي مشتريلي العربية

اذا كان كدة ... مااااااااشى