عايز أجيب حامل موبايل للزجاج

[Dragon78]

أنا كنت جبت قبل كده حامل زجاج للموبايل كتير ويااما بيتكسر يااما مش بيمسك كويس ... يااما بيكون شكله كبير ويلخم في السواقه .

بس شوفت مره في عربيه حامل موبايل كان منه للقزاز على طول .. يعني مافيهوش تطويله كده .. فعجبني فكرته وشكله مش كبير يلخم وهو الواحد سايق .

حد يعرف ألاقيه فين ده ؟

[أشرف العدوي]

لو انت قريب من فيصل او الهرم
في محل بعد شارع ضياء منن شارع فيصل بشوية هتلاقيه داخل لجوة شوية عن الشارع
جبت منه حامل مرة من حوالي سنة و شوية و في نفس المواصفات الي انت عايوها كان ساعتها بـ 25 جنيه
و دي صورته

[ahhazem]

ياباشا الحاجات دي في اليومين دول تقلق
مش المفروض تحط الموبيل في وش الحرامي
المفروض في ظروفنا دي نخبي الموبيل في حته متداريه

وربنا يسترها علينا وعليك

[El Prince]

دارى على موبايلك يرن !!! :)

[kar!m]

أنا برضه كنت عاوز واحد بالشكل ده.

[akmm]

فيه في التوفيقيه كل الأشكال .....................

[adelghanem]

وده لو بيلزق فى الازاز ,ودراعه قصيره , مش ممكن يكون بعيد على أيدك؟

[أشرف العدوي]

انا حاطة جنب مراية الصالون و قريب جداًُ ( شيفروليه افيو )
و ده افضل مكان بعد تجارب سنوات
اول ميزة انه بيبقى قريب
ثانياً بيبقى بعيد عن الشمس شوية
ثالثأً أمان علشان حد يوصله حتى لو في زحمة لازم يدخل جوة العربية
رابعاً المكان ده فعلاً اسهل مكان تقدر تتحكم فيه
و المكان ده يناسب الحامل الي بدراع قصير

[A.Saad]

بلاش الا لو كنت على طول مشغل التكييف او قافل الزجاج وبرده هيشد العين والحرامية

[migo9898]

التوفيقية فيها كل حاجة

[Dragon78]

لو انت قريب من فيصل او الهرم
في محل بعد شارع ضياء منن شارع فيصل بشوية هتلاقيه داخل لجوة شوية عن الشارع
جبت منه حامل مرة من حوالي سنة و شوية و في نفس المواصفات الي انت عايوها كان ساعتها بـ 25 جنيه
و دي صورته

الله ينور عليك ياباشا .. هو ده بالظبط اللي أنا عايزه , وياترى بيمسك الموبايل كويس بقى ولا ممكن يتزحلق منه ؟

[Dragon78]

ردا على الاخوه اللي بيقولوا بلاش على القزاز ... أنا معظم الوقت بابقى قافل القزاز عشان التكييف يااما فاتح ناحيتي انا بس
وكمان انا دلوقتي معظم الوقت باحط الموبايل في الدرج اللي تحت الكاسيت .. لكن انا الحامل ده هاينفعني لما أحب اشغل الـ gps او مثلا لو عايز أتكلم وانا سايق .
وكمان انا في نيتي احطه جنب مراية الصالون زي ما الأخ أشرف قال .. وده هايساعد كتير لما اشغل الـ gps .

[أشرف العدوي]

اه هو بيمسك الموبايل جامد جداً يعني عمره ما وقع و لا اتهز حتى من مكانه
و كمان الشفاط بتاعه الي بيمسك في الزجاج ممتاز جداً
و بينفع لاحجام كتير
انا جربت عليه نوت 1

[Dragon78]

اه هو بيمسك الموبايل جامد جداً يعني عمره ما وقع و لا اتهز حتى من مكانه
و كمان الشفاط بتاعه الي بيمسك في الزجاج ممتاز جداً
و بينفع لاحجام كتير
انا جربت عليه نوت 1

طيب ده كده يبقى حلو جدا ياباشا .. ماشاء الله ربنا يباركلك فيه

بس هو اللي مع حضرتك زي اللي في الصوره بالظبط ؟

وياريت لو تعرف مكان تاني ألاقيه فيه بدل الهرم ده أحسن انا بعدي عليا شويه

أو لو حضرتك أكدتلي انه لسه موجود في نفس المكان اللي انت جبت منه ممكن أبقى أروحله

وشكرا لتعبك معايا

[أشرف العدوي]

هو نفس صورة الي محطوط فيه الموبايل
هو حضرتك ساكن فين
انا هعدي عليه اكيد يوم الجمعة الي جاية
لو عايزني اجيبهولك و اقابلك في حتة قريبة ليك مافيش مشاكل خالص