سؤال عن عزل الزجاج حراريا

[FrozenFire]

السلام عليكم جميعا
بدون إطالة على حضراتكم أنا معايا هوندا سيتي 2010 وكنت عايز أعمل عزل حراري للزجاج لأن الشمس بتبهدلني وأنا سايق ومن كام يوم ركبت الأسرة معايا وكانت بهدلة لأن الشمس بتلسعهم وهما جوا العربية والتكييف مش بيعمل حاجة للموضوع ده.
فإن شاء الله نويت أعمل موضوع العزل ده.
هل حد هنا يقدر يفيدني بنوع ومكان كويس أعمله عشان مش عايز أرمي فلوس في الأرض. يعني مش عايز أعمل حاجة وتبقى ولا ليها لازمة.

وشكرا جزيلا والسلام ختام

[waleed alsudy]

هو تقريبا نوع واحد وبيجي من السعوديه دا اللي انا اعرفه علشان ركبته قبل كدا
وعملت عملت الزجاج كله والخلفي كمان بس هو بيكون خفيف يعني مش اسود غامق علشان في ناس كتير فاهمه انو بيكون غامق ومممكن صاحب المحل يركبله العادي ويقله دا نوع غامق منه
وانا عملته تقريبا من 9 شهور بحوالي 100 جنيه وكويس يعني وكمان تاثيره حلو مع التكييف هو الراجل يقولك بيعزل 100%
بس انا معتقدش وبعدين لو 100% وبعمله ب100 جنيه صعب
دا لما انا كنت في السعوديه عملت عزل للسياره ب2000ريال يعني 30000 جنيه
مطولش عليك المهم انه شغال يعني اعمله وتوكل على الله

[FrozenFire]

100 جنيه !!!!!!!!!!!!
انا اللي أعرفه ان العزل الكويس بيدأ من 2500
لكن عمري ما سمعت عن 100 دي

[mikology]

انا عملته عند واحد معرفه ب 1500 من سنتين
هو حلو جدا و شفاف و بيمنع حكايه اللسع دى و طبعا بينعكس ايجابيا على قدره التكييف

[FrozenFire]

انا عملته عند واحد معرفه ب 1500 من سنتين
هو حلو جدا و شفاف و بيمنع حكايه اللسع دى و طبعا بينعكس ايجابيا على قدره التكييف

طب هل ممكن تبعت لي على الخاص الإسم ورقم التليفون ؟؟؟

[hatemmohsen]

100 جنيه !!!!!!!!!!!!
انا اللي أعرفه ان العزل الكويس بيدأ من 2500
لكن عمري ما سمعت عن 100 دي

هو غالبا يقصد الفيميه العازل الحرارى وده بيبقى فى منه شفاف وفى غامق سنه وفى زى المرايه وده بيكون ورقته سميكه وانا ركبته فى اسيوط من سنتين كان بالتركيب فى حدود 140 تقريبا وده ميزتوه انه غير ملاحظ للمرور
اما بالنسبه للعزل الحرارى اعرف ان توكيله بجوار بنزينه وطنية اللى جنب سيتى ستارز وواحد تانى فى جسر السويس وال تقريباعربية بتتكلف فى حدود ال 3000

[ma7dy]

شوف أنا عندي سيتي ٢٠٠٦ و ركبت في كوول من ٥ سنين ، من تجربه لو بتسيب العربية في الشمس لمدة طويله يبا مش حتحس بفرق كبير اول ما تركب العربية لنو بيدخل ١٠% من أشعة الشمس بس مع الوقت الطويل إل١٠% بيكونوا ساخنووو العربية من جوا ، بس بعد التكييف ما يشتغل بيبا مية مية.

أنا ظهرتلي مشكة غريبة مع الفي كوول ، مع نضارة شمس معينة بتخلي الزجاج يلمع بالوان غريبة

[michohat]

ليا اصحاب ف السعودية خليتهم يسألوا لي ع الانواع الرخيصه قالوا لي ان الانواع بتبدأ ب 10 ريال للمتر المربع
وده عيبه انه لونه بيغير بعد فتره من الشمس
فهل لو جبته وجربته ومع رخص تمنه يعني لو ركبته ف الصيف مرتين او لو الازاز انكسر مش اكون خسران كتير
هل التفكير ده صح؟

[Karim_Monir]

أنا ظهرتلي مشكة غريبة مع الفي كوول ، مع نضارة شمس معينة بتخلي الزجاج يلمع بالوان غريبة

اكيد نضارة بلوريزد

[dr.hazem]

اكيد نضارة بلوريزد

ميه في الميه بولارايزد

ههههههههههههه


بس احساس مختلف للبولارايزد عن العاديه

Sent from my tab using Forum Runner