fm transmitter من راديو شاك

[MuhamedNabil]

السلام عليكم

يريت يا جماعة العنده ال fm transmitter من راديو شاك يقولى ايه اخباره عشان عايز اشترى واحد و يعمر شوية. اغلب الجبتهم مش بيكملوا شهر على بعضه

انا شايف في منه اتنين موديل واحد ممكن تشحن منه اى حاجة USB فيه اتنين مخرج USB و التانى مجرج واحد بس عشان تشغل منه فلاش

Buy online in Egypt CAR FM TRANSMITTER WITH STEERING REMOTE CONTROL for only 129 EGP the best price

Buy online in Egypt Radioshack CAR FM TRANSMITTER WITH STEERING REM CNTRL-CHRGING for only 139 EGP the best price

يريت الحيقول رايه يقول برده هو بقاله اد ايه بيستعمله و لو ليه عيوب.

[Dragon78]

هو شكله حلو بصراحه ياباشا .. بس للأسف أنا مااعرفش ايه جودته بالظبط لأني ماجربتوش

لكن اللي فيه بلوتوث ده لو فعلا شغاله كويس يبقى جميل أوي

وياريت لو هاتشتريه ياباشا .. تعرفلنا هو ممكن يقلب فولدرات من ريموت الطاره ولا لأ

بالتوفيق ان شاء الله

[akmm]

محدش فعلا شافهم قيل كده بالجوده دى ................

[jackal]

hi

hi , its very good i have one and it was so nice and good quality

[shifoo2008]

انا معايا اللى بـ 139 من شهر 2 اللى فات وشغال معايا زى الفل سعات بشغل من الـusp او الموبايل بيكون معاه وصلة mp3 اتكل على الله واشتريه لما تشتريه خلى اللراجل يفتحلك العلبة ويوريك الحاجات اللى معاه (الجهاز ,ريموت,ريموت طارة,وصلة mp3 )

[MuhamedNabil]

شكرا على كل الردود

hi , its very good i have one and it was so nice and good quality

ليه was هو ودع خلاص !!

[hossam_elwani]

المهم نقاء الصوت اخباره ايه ؟؟

[BAssAMAmR]

هو معلش انا شايف انه مفيش فيه اتنين يو اس بى .. هى واحدة بس بتدعم انها تشحن عن طريقها ؟؟
يا ريت بس لو نتأكد من النقطة ديه ..
حاجة تانية هو يا ترى فيه تقليب فولدرات وكده ولا ؟؟ وهل لو بطلت العربية ودورت تانى هيبدأ من نفس ما كنت مشغل ولا من الاول خالص ؟
يا ريت لو حد جرب الجهاز يقولنا

[صعيدي]

انا جايبو من 4 شهور
ممتاز وصوته نقي جدا
وفيه تقليب فولدرات ومميزات كتيييييير
توكل علي الله وهاتو يستاهل تمنه
عيبوه ان ريموت الدريكسيون مش بيشتغل

[medomezo]

عيبوه ان ريموت الدريكسيون مش بيشتغل

[kareem_eg]

زي مهو مكتوب .. هو رائع و صوته حلو ..انا معايا من سنة تقريبا .

مشكلته ان ريموت الطارة مش بيشتغل الا لو العين ( الحتة اللي لونها احمر) متوجهة نحيت fm transmitter
و طبعا ده معناه انك مش حتقدر تستعمل الريموت الا في وضع معين للدركسيون (اللي انت ركبت فيه الريموت بحيث انه يكون متوجه ناحية الfm transmitter )

[Dragon78]

طيب ما ده طبيعي ياجماعه انا الريموت مش هايشتغل إلا لو متوجه ناحية الميديوليتور
أنا معايا برضه ميديوليتور بريموت طاره وفعلا لازم يكون متوجه .. بس ده مش معناه انه وحش
وماتنسوش كمان ان الريموت ده شغال بالإنفرا ريد ... يعني لازم يكون في توجيه

حلها بقى لو عملوا ميديوليتور بريموت شغال بالبلوتوث .. وأعتقد مافيش حاجه زي كده
أو طبعا الحل الأحسن ان الطاره يكون فيها مالتي فنكشن ( في العربيات الحديثه طبعا )

فطبعا قياسا على صعوبة الحلين السابقين .. يبقى الميديوليتور أبو ريموت انفرا ريد نعمه (أي حاجه تمشي الحال وخلاص ) , أنا عن نفسي شغال بيه ومافيش مشاكل .. أنا ظابط الريموت انه متوجه ناحية الميديوليتور في حالة مايكون الدريكسيون معدول (بمعنى لازم تكون العربيه ماشيه في خط مستقيم) وأعتقد ان ده أهم حاجه .. أصل برضه الواحد مش معقول هايحتاج يغير الأغنيه أو يعلي الصوت أو يوطيه أو أي حاجه وهو بيلف بالعربيه (ماحبكتش يعني ) :))

[mtc_46]

بس هل اللى فيه بلوتوث ده بيشتغل ازاى؟؟
يعنى اوصل الموبايل بيه و استقبل مكالمات و اشغل اغانى من غير وصلة و كده؟؟
و هل فيه امكانية انى اشغل وصلة الموبايل؟؟

[HRH_Sameh]

طب سؤال بعد إذنكم:
انا عايز اشتريه بس مفيش فرع في بلدنا :(
لقيت ولقيت موديل عبارة عن قطعتين:
1- القطعة الرئيسية بتتثبّت في الطارة وفيها الـ transmitter لكن فيها بطارية موبايل نوكيا
2- شاحن ولاعة وممكن يتشحن usb
ده سعره 30ج

ايه رأيكم فيه؟ هيكون عملي والا هيبوظ على طول؟

[MuhamedNabil]

طب سؤال بعد إذنكم:
انا عايز اشتريه بس مفيش فرع في بلدنا :(
لقيت ولقيت موديل عبارة عن قطعتين:
1- القطعة الرئيسية بتتثبّت في الطارة وفيها الـ transmitter لكن فيها بطارية موبايل نوكيا
2- شاحن ولاعة وممكن يتشحن usb
ده سعره 30ج

ايه رأيكم فيه؟ هيكون عملي والا هيبوظ على طول؟

الانواع الرخيصة دى همرها مقعدت معايا اكتر من شهرين ثلاثة. هو موجود كمان عند computer shop بس معرفيش حيكون عندك فرع هناك ولا لا