فرش سيارات في أكتوبر او المهندسين

[SERGIOOO90]

السلام عليكم شباب
حد يعرف محل يكون ممتاز و ليه سمعة طيبة في فرش السيارات و الكسوة
ويكون في مدينة 6 أكتوبر أو زايد او حتى المهندسين
أرجوا الإجابة و لكم مني جزيل الشكر

[SERGIOOO90]

يمكن حد رائع يشرفني

[hamada amer]

فى محل اكسسوارات فى
الشيخ زايد جنب المستشفى التخصصى

[O.M.S]

وعليكم السلام ورحمه الله و بركاته

باشا دي عصاره تدويري ولفي على السروجيه في اكتوبر انا جبت فرش جاهز من عند واحد مشهور بس مش فاكر اسموا بس هو في سنتر الحجاز جنب السرساوي بتاع قطع الغيار جنب مستشفى الصفوه وعندوا طبعا تركيب وكل حاجه بس هو بيطول قوي قالي التركيب بعد اسبوع والتفصيل في خلال شهر بس شغلوا نظيف جدا وشوفتوا راكب عند جماعه اصحابي بس انا الوقت مكانش نافعني فاخدته ورحت عند واحد اسموا النور المحمدي في سنتر وادي الملوك في السادس بعد المرور وخليتوا يظبطلي الفرش على العربيه وفصل في حجات وسلمها شبه تفصيل شغل عالي بصراحه وده بردوا عندوا تفصيل وفي واحد جنبوا عندوا نفس الحوار بس ماشفتش شغلوا بس قالولي عليه حلو وكان زحمه قوي بردوا اداني معاد بعد اسبوعين اسموا الحرمين

المهم اكون افادتك وانا تحت امرك اليوم الي تحب تنزل فيه انا ممكن انزل معاك لو سمح ليه الوقت
اخوك مصطفى

[yasserelsayad]

فى واحد فى الاردنية فى الحى السابع جنب قسم اول اكتوبر دا بيفصل فرش وعنده كسوة وكمان هو ليه زى ورشة تفصيل وكل الفرش اللى عنده من انتاجه .. اسمه عمرو واخوه اسمه اسامة لو عايز تروح ممكن اوصى عليك هناك مفيش مشكلة الناس حبايبى يعنى

[hamada amer]

على فكره المحل الى فى الشيخ زايد.عنده فرش تفصيل جميع الخامات وعنده فرش جاهز لكل العربيات مصرى والمانى والاسعار على حسب امكانياتك يرتدى من 250 لغاية 1200

[الجنرال]

هل في حد منهم زي جينز كار كده؟؟ بصراحة انا شفت جينز كار ويستاهل كل جنيه يدفع فيه

هل في حد زيه فى اكتوبر ولا اروح لجينز كار على طول؟

[dodeto]

روح جينز كار عند الحج احمد انسان محترم وشغله راقي ومش هتندم لانه بيطلع شغل عالي جدا خصوصا دبل خياطة روعة انا ميعادي معاه الثلاثاء

[kasko]

فين جينز كار ده؟