عملت فرش جلد لدواسة العربية

[Karim_Monir]

امبارح يا جماعة نزلت عملت فرش جلد (دواسة للعربية بتاعتي) الجدية -الكرولا
انا عملتة عن حمادة اللي في الحرفيين وده اشهر واحد سروجي في الحرفيين وبيشتغل في الريكارو والتبطين للتابلوه
وطارات الجلد الطبيعي
ولد فنان بجد وعنده صنايعية محترفين
انا كنت عملت عنده فرش للهيونداي اكسيل من 4 سنين كان كل اللي يشوفها يوقفني يسال عليه عاملة فين

انا عملت الدواسة امبار جلد مش مشمع ولا الجلد المخطط ده
لاء عملتها الجلد الالماني زي اللي بيتعمل في الكراسي
واتفصل ف ي الارضية صح
خياطات علي الحروف فقط
وعملت دواسة كمان لشنطة العربية
الاكسسوار اتشال بمنتهي الاحتراف واتركب نفس الطريقة
مش هاقولكم الدواسة دي عملية اد ايه في الطين والمطرة ومع الاولاد والايس كريم والبيبسي
ولا رمل الشواطئي في المصايف والسفر
فوطة مبلولة تخليها قشطة

الموضوع بيتكلف 300 جنية وبتاخد وقت 6 ساعات
عشان خاطري اتعملت ب 250 جنية بس
ونفس التمن لجميع اعضاء نايل موتورز


كريم منير

[أبو_حمزة]

استاذ كريم
انا بجد عايز اعمل الموضوع ده
و فرصه ان شاء الله فى القابله الجايه لشوفه فى عربيتك
ياريت توصف لى السروجى مكانه فين

[شريف]

مبروك على الدواسة الجلد
حمادة انا رحت لة من اكتر من شهر عشان موضوع شد الجلد على التابلوة لعربيتى الشاهين
وكان طالب 280 على التابلوة بس :roll:
و مش فاكر كام زيادة عشان الكونسول
طبعا بالسعر دة انا مرضيتش اعملة

انت يا كريم الموضوع دة اخد منك كام متر جلد *140 سم
و السعر دة شامل الخامات طبعا صح كدة

[Abdallah]

حاسس ان السعر عالى شوية يا كريم , انا عملتها قبل كدة فى الكورولا اتكلفت حوالى 170 جنيه.

[Karim_Monir]

هيا خدت 5 متر جلد عرض 140
هو غاللي شوية بس مقابل الصنعة عشان بجد يعتبر احسن سروجي في الحرفيين
انا الريو كان واحد صاحبي جاملني فيها وعاملهاي عند سروجي في امبابة
خدها واحنا مروحين وجابها تاني يوم عشان كنا في رمضان
بس قاللي اتكلفت 180 جنية
رغم انها مش وحشة خالص
لكن للي بيهتم بالتفاصيل الفنية الدقيقة زييي حمادة احسن طبعا
الي جانب ان الجلد غلي عشان عاملها من سنة
بس الصنعة ثم الصنعة
علي فكرة لو كان شدلك تابلوة الشاهين كان هايعجبك
امبارح شوفت عندة تابلو بيجو 307 بيشدة كان تحفة
الواد بتاع ال 307 كان هايعيط
في التوكيل عشان الاير باج فتح طلبوا منه 35 الف تمن التابلوة كامل بجميع العدادات
بس طلع من تحت ايدة زي الفل
و 200 من 250 مش فارق
كان عايز يعملي نوعية جلد عاملة زي اللي بتركب في الميكروباصات التويوتا (اصلها ارخص)
قولتلة كدة اوقفها في رمسيس واشغلها بالنفر بقي :mrgreen: :mrgreen: :mrgreen:

وركبت الجلد اللي انا عايزة
انا تحت امر اي حد عايز يروح هناك اجي معاه

[Karim_Monir]

حذف للتكرار

٩١١

[Migo123]

ممكن صوره يا كيموووووووووووووووووووووووووووو

[Nader]

شكرأ يا كريم ويا ريت العنوان

[Karim_Monir]

http://www.nilemotors.net/Forum/viewtopic.php?t=3617

العنوان في اللينك ده
والصور هاحاول احطها النهاردة
بس الارضية سودة وداخل العربية بس هاحاول برضة
بس لما تتشاف بالعين حاجة تانية
انا كدة كدة حاطط عليهم الدواسات عشان سهولة التنظيف
بس دي اهم حاجة فيها منع تسرب السوائل للموكيت وعدم كالحانة وعدم وجود رائحة غير ظريفة بالسيار نتيجة القاذزورات التي تنتقل من الشارع للسياره

مش معقول هاتقول لكل واحد امسح رجلك
ها ها

[AlmAhAtmA]

كريم باشا الف مبروك علي الارضيه
بجد حتحس بقيمتها في المصيف
السعر معقول جدا
لان انا عملت جلد الماني في هوندا سيتي و اتكلف 230 جنيه
طبعا نراعي فرق الاسعار ما بين الاسكندريه و القاهره
ربنا يبارك لك فيها

[Karim_Monir]

هيا فعلا رائعة وفرق التمن زي ما قولت يمكن عشان فرق الصنايعي
انا عملتها قبل كدة علي حساب صاحبي ب 180 ومن اقل من سنة
بس المرة دي الشغل احلي فعلا
وانا عارف قيمتها كويس في المصايف
ولا الشتا وشوارع المحروسة والطينة والمية اللي بتتسرب من الدواسات ولا ينفع معاها دواسة حوض
ولا حتي دواسة بانيووووووووووو :mrgreen: :mrgreen: :mrgreen:

[tmz9111]

شكرا على المعلومات لو أنا عايز أعمل عربية برتون ويرا بالكامل تتكلف كام يا باشا

[Karim_Monir]

250 بالشنطة يا حبي

[SAbuhashem]

Do you know how much the leather recaro interiors costs (After the discount ofcourse ?)

[أبو عبدالله]

أولا مبروك يا كريم ويجعله مبارك ان شاء الله

في التوكيل عشان الاير باج فتح طلبوا منه 35 الف تمن التابلوة كامل بجميع العدادات

يا نهار أبيض ليه عربيه جديدة ربنا معاه