سؤال فى فيميه البيربريز

[Patrickologyy]

مساء الفل يا رجاله و رمضان كريم علينا كلنا :)
كنت عايز أعرف تفييم البيربريز اللى قدام و اللى ورا بيعتم الدنيا على السواق جداً ولا إيه ؟!
لو حاجه زى الدرجه اللى فى الصوره دى هايبقى إيه نظامها أو لو أقل منها شويه علشان ماتعتمش الرؤيه قوى !
و شكراً :)

[Gelgel2004]

لو عاوز تفييم فاتح و يعزل 60 % من الحرارة يبقى لومار الامريكى و بيكلف حوالى 2500 للعربيه
عامل عندى البرابريز الامامى و الخلفى و عامل معايا نتيجة كويسه جدا - بس انا عامله فاتح علشان الرؤيه
تحياتى

[Patrickologyy]

طب معلش يا ريس اللى فى الصوره ده ممكن يبقى كام فى الميه علشان أعرف أقيم اللى عند حضرتك هايبقى عامل إزاى :)
2500 جنيه للعربيه أعتقد ده كتير جدااااااااااااا :o
ده الرول ب 15 جنيه .. نقول العربيه من أولها لأخرها فاميه و تركيب و حاجه ساقعه كمان مش هاتجيب 200 جنيه !!
ولا ده عازل حرارى قوى ولا إيه ؟!
معلش تعبت حضرتك :)

[michaelsamir]

لومار الامريكى او صن تك امريكي بردو دول عازل حرارى بيعزل حوالى 50 % من الحرارة وعزل للاشعة فوق بنفسجية عشام كدا بيبقو اسعارهم غالى شوية مش زي الفامية العادي خااااااااااااااالص ،، دا للتوضيح فقط

[Patrickologyy]

لومار الامريكى او صن تك امريكي بردو دول عازل حرارى بيعزل حوالى 50 % من الحرارة وعزل للاشعة فوق بنفسجية عشام كدا بيبقو اسعارهم غالى شوية مش زي الفامية العادي خااااااااااااااالص ،، دا للتوضيح فقط

غالى شويه إيه يا ريس ده 10 أضعاف السعر :d
و ده بيبقى بالرول زى العادى ولا ايه ؟!

[Gelgel2004]

السلام عليكم
اللى قصدته انه فيه عازل حرارى و درجه الفيميه متنوعه و ده بخلاف الرول الفيميه فقط
يعنى تعزل - يقلل - نسبة الاشعه و الحرارة اللى داخله العربيه بنسبة تصلرالى من 50 الى 60 % و فى نفس الوقت تختار درجه اللون الغامق اللى حضرتك عاوزها
انما الفيميه العادى بدون عزل حرارى - كلامك فيه مضبوط الرول بيبدا من 15 جم و طبعا تلاقيه عند ابراهيم بشارع دمشق
بس سؤال هتعرف تسوق ازاى باللون الغامق ده ؟؟؟

[Patrickologyy]

ما هو ده اللى أنا بسأل عليه هل درجه غامقه كده ممكن تعتم الرؤيه جامد ولا إيه !

[smsm_nabawy]

اه.. انا حاطط ألترا دالك عندي في الباب الي ورا يمين.. و صباح المزاولة... لو الدنيا صبح.. بتبقى جميييييييلة و كل شيء تمام..

لكن لو لليل... و ألص من الشبك مثلاً و أنا طالع من شارع جانبي.. مش بشوف حاجة لو الشارع ظالمة.. و مش حشوف الا لو العربية الي جاية قلبتلي نور!!
من الآخر دخ تحطه لو مشاويرك كلها الصبح و الظهر.. بالليل حيخننقك!!

[Hossam_hassan4]

فعلا بالصبح اكنك لابس نضاره شمس لكن بليل الموضوع هيبقي صعب :d

[Patrickologyy]

طب معلش يا رجاله هو اللى فى الصوره ده ألترا دارك ولا إيه الدرجه دى ؟!

[smsm_nabawy]

ultra!! :)

[demonarundo]

انا عندى مشكلة مع الإضائة , بالنهار فى الشمس وخصوصا لما بتتعكس على العربيات اللى قدامى مبعرفش أبص قدامى , وبليل لما العربيات المقابلة بتعلى الكشاف بتعمى وبقف بالعربية لحد ميعدى , انا بقيت حاطط نظارة شمس فى العربية مخصوص للنهار , مش عارف اعمل ايه

[Patrickologyy]

انا عندى مشكلة مع الإضائة , بالنهار فى الشمس وخصوصا لما بتتعكس على العربيات اللى قدامى مبعرفش أبص قدامى , وبليل لما العربيات المقابلة بتعلى الكشاف بتعمى وبقف بالعربية لحد ميعدى , انا بقيت حاطط نظارة شمس فى العربية مخصوص للنهار , مش عارف اعمل ايه

ممكن نفيم بس بدرجه خفيفه قدام :)

[FAR!D]

بلاش عشان لاقدر الله ميكونش سبب في كارثه وترجع تندم ولونه هوا شكله مغري

[Patrickologyy]

بلاش عشان لاقدر الله ميكونش سبب في كارثه وترجع تندم ولونه هوا شكله مغري

اه هو مغرى جدا .. ممكن افيم درجه قليله مش لازم الترا