فاميه الفوانيس

[mshmshm3]

السلام عليكم و رحمة الله
الاعضاء الكرام
من فتر شوفت عربيات مفيمة الفوانيس اللي ورا فاميه اسود مط و شوفت منه درجة فاتحة و درجة غامقة
المهم بدور علي اليوتيوب لاقيت سبراي بيعمل كدة اسمه Plasti dip و ده عبارة عن سبراي اسود مط بيترش عادي علي الفانوس ولما بينشف بيبقي لزق تقدر تشيله بسهوله و دي صورته


المشكلة لو مالقتش الاسبراي ده ممكن ارش الفانوس باسبراي اسود مط العادي ؟؟؟؟؟؟ولا هايعمل مشكلة لو جيت اشيله بتنر مثلا هايبوظ لون الفانوس
العربية فيرنا

[حسام السويدي]

متابع

[mshmshm3]

رشيت فانوس و طلع وحش جدا و هو منور
مطفي جدا
شيلته بتنر و الحمد لله رجع زي ماكان
الفكرة سيئة جدا جدا انك تطفي نور الفوانيس وحشة اوي اوي
مش كا شكل لا انت بتلغي وظيفة الفانوس
حبيت انقل لكم التجربة
ممكن التعديل في شكل الفانوس ليدات و كدة

[FAR!D]

على قد معرفتي لو رشيت مط عادي صعب انه يطلع و بعدين مش حتعرف تشيله تاني من الفانوس و حيتجرح منك او لونه يبهت خليك في اللي بيتلزق

[FAR!D]

طب تمام انك جربت بنفسك و كان نفسي اقولك حيبقى شكله وحش بس ديه ازواق بس الاجمل انك ترش دواخل الفانوس الامامي وبرضوا مش بيليق على اي عربيه واي لون

[michohat]

الفانوس عندي مكسور فبفكر افيمه وعندي الفامية وعاوز اعمله بايدي بس مش عارف شكلي ف الاخر هرجع لحد بتاع اكسسوار

[mshmshm3]

طب تمام انك جربت بنفسك و كان نفسي اقولك حيبقى شكله وحش بس ديه ازواق بس الاجمل انك ترش دواخل الفانوس الامامي وبرضوا مش بيليق على اي عربيه واي لون

انا شفته علي الميني كوبر لونها احمر كانت تحفة عشان لونها و غير كدة الفانوس اللي ورا صغير
فعلا انا بفكر في اللي قدام العربية لونها شامبين اعتقد هايليق

[madaxman]

علي فكره اللي بيتكلم عليه الراجل غير ال حضراتكم تقصدوه كلكم
فعلا في اسبراي بيترش علي وش الفانوس من براااااااااا مش جوا
وبعد ما بينشف بيبقا حته واحده كأنك لازق عليه فاميه وبيتحول لزي لزق يعني لما بتشيله بيطلع حته واحده كأنك كنت مفيمه لزق
غير الرش العادي اللي بيطلع ب تنر
بس دا لسه تقريبا محدش جابه ف مصر

[mshmshm3]

علي فكره اللي بيتكلم عليه الراجل غير ال حضراتكم تقصدوه كلكم
فعلا في اسبراي بيترش علي وش الفانوس من براااااااااا مش جوا
وبعد ما بينشف بيبقا حته واحده كأنك لازق عليه فاميه وبيتحول لزي لزق يعني لما بتشيله بيطلع حته واحده كأنك كنت مفيمه لزق
غير الرش العادي اللي بيطلع ب تنر
بس دا لسه تقريبا محدش جابه ف مصر

الله ينور عليك
هو مش موجود فعلا لحد دلوقتي
انا اختصرت و رشيتهم و طلع بالتنر و لا كان حاجة حصلت
امتي بقي نشوف الحاجات الجميلة دي متادولة بكل سهولة

[Abo-Yousef]

رجالة انا شوفت ناس كتير عاملة الموضوع ده فى الشارع وقربت من عربية مفيمة الفوانيس قدام وورا واكتشفت انهم بيجيبو الفاميه بتاع الزجاج العادى بإى درجة بقى سواء فاتحة او غامقة وبيتزلق عالفانوس كله بحيث تغطيه من اوله لأخره والأفضل لو مش هتعرف تعمله عشان ميبقاش معبى هوا او فيه ثنيات او اى حاجة خلى حد متخصص يركبه افضل

[mshmshm3]

رجالة انا شوفت ناس كتير عاملة الموضوع ده فى الشارع وقربت من عربية مفيمة الفوانيس قدام وورا واكتشفت انهم بيجيبو الفاميه بتاع الزجاج العادى بإى درجة بقى سواء فاتحة او غامقة وبيتزلق عالفانوس كله بحيث تغطيه من اوله لأخره والأفضل لو مش هتعرف تعمله عشان ميبقاش معبى هوا او فيه ثنيات او اى حاجة خلى حد متخصص يركبه افضل

بالظبط
بس هو مش نفس فاميه الازاز
نوع تاني مرن اكتر عشان لو في تعرجات في الفانوس