الاستيكر بتاع العدادات

[mrghost]

السلام عليكم ورحمة الله وبركاته
كل سنه وانتوا طيبين ورمضان كريم ياجماعه
كنت عاوز اسأل على الاستيكر اللى بيتلزق على العدادت بتاعه العربيه من جوه زى الاسبور وانا عربيتى شاهين فياريت اللى يعرف يقوللى وشكرا

[2hmed_7osam]

معندكش صورة ليه شكله عامل ازاي ؟؟؟

[mrghost]

شكرا على الرد بس دى صورة بتاعه الجولف مش بتاعه الشاهين

[michohat]

كنت سمعت ان فى ناس فى الحرفيين بيغيروا كارتة العداد بالشكل اللى انت تحبه
بس معرفش مين
انا برضه بدور ازاى اخلى العدادات بتاعت العربية باينة لان عندى مش واضحه قوى وكان نفسى اخلى الارضية سودا زى ماهيه واخلى العلامات هيا اللى بتعكس النور او بتنور

[mrghost]

السلام عليكم ورحمة الله
انا شفتها فى عربيه شاهين & 128 عباره عن استيكر بس مش عارف بيتباع فين

[MoMohsen]

بص الحوار دة فية اكتر من طريقة.انا كان عندى النور بتاع العدادات ضعيف رحت غيرت الاضاءة بأقوى و غيرلى اللون كمان هى كانت اضاءة خضراء و بقت حمراء الان و فعلا الفرق جامد اوى سواء كمنظر او وضوح او قوة اضاءة.

و الطريقة التانية انك تجيب حاجة زى الاستيكر بتركب على العدادات و بتبقى هى نفسها بتنور بيسموها illumination او عدادات بلازما ودى اجمد بكتير بس المشكلة انها بتنزل لانواع محدودة من العربيات يعنى لانسر او هوندا بس اللى عرفته بعد كدة ان فيه ناس بتعملها عمولة زى مخل اسمة ENZO فى مدينة نصر وراء اولاد رجب.

[mrghost]

الف شكر للرد ياباشا بس ممكن تقوللى تكلفه الاستيكر ده حوالى كام وشكرا لانى غيرت نور العدادات وبرضه الضوء مش قوى

[MoMohsen]

اعتقد انة بيتكلف حوالى 300 جنية و دة عشان هيتعمل عمولة .لكن لو لقيته جاهز هيبقى ارخص طبعا

[mrghost]

شكرا ياباشا على المتابعه

[HeMa_LanCeR]

طيب ممكن اعرف لما ركبت المبات الحمرا دي جبتها ايه
لأني في صيني الواحد تقريبا بجنيه
وطبعا لونها بيروح مع الوقت
وضؤها سيء للغايه

[mrghost]

السلام عليكم ورحمة الله وبركاته
انا فكيت اللمبات اللى جوه العداداه وهى لمبات صفراء وامامها بلاستيك اخضر انا فكيت البلاستيك الاخضر وشلته خالص وبعد كده رشيت اللمبات باسبراى احمر بيتباع ب7 جنيه عند اى حد بتاع لوازم البويات وركبتهم تانى بس برضه الاضاءه ضعيفه الحل انك تركب ليدات بيضاء او زرقاء عند اى كهربائى انا شوفتها فى تاكسياتن كتير بس انا بدور على الاستيكر علشان الشكل مش اكتر ولو عاوزنى اعملهملك انا فى الخدمه ممكن تشرفنى فى اى وقت وانا اعملك الحوار ده لانى بحب الكهرباء (ماتخفش مش هاخد فلوس منك ) هههههههه انا اصلا مهندس كهرباء وليا فى الحوارات دى

[MoMohsen]

لا يا upnemo باشا انا ركبت لمض عادية اعتقد انها صينى بردة بس اقوى.بس على فكرة انت معاك لانسر و هى ليها استيكر بيتباع انا كنت شفتة فى عربية واحد صاحبى و كان منظرة تحفة فعلا.
بص يا عم mrghostانت اللى عملته صح وزى الفل بس هو فية حاجة بسيطة هى اللى فرقت معاك و هى انك بدل ما ترش اللمبة المفروض كنت فكيت الاستيكر الاخضر و ركبت مكانه احمر و هو مش حوار لانه اصلا بيبقى حاجة زى السوليفان و دة هيفرق جامد فى الاضاءة و شوف لو لقيت لمبة اقوى من اللى عندك هيبقى احسن و احسن.
لكن حوار الاستيكر هيبقى احسن طبعا لو متوفر لموديل عربيتك لانه بيبقى عبارة عن استيكر بتوصل بالكهرباء العادية بتاعت العدادات و بيخلى الاستيكر كلى ينور اكنة فوسفور.
وشوف كدة لو وصلت لحل كويس فى حوار اليدات ابقى قولى عشلن نعمله مع بعض:)

[HeMa_LanCeR]

لا يا upnemo باشا انا ركبت لمض عادية اعتقد انها صينى بردة بس اقوى.بس على فكرة انت معاك لانسر و هى ليها استيكر بيتباع انا كنت شفتة فى عربية واحد صاحبى و كان منظرة تحفة فعلا.

الف شكر ياحج
بس ممكن تسأل صحبك جابه منين وبكام
وهو مجرد استيكر ولا بينور الشرط بدل اللمبات الخلفيه

[MoMohsen]

هو فية منة اشكال منها اللى موجود فى الصورة اللى بعتها و منها اللى بيكون الخلفية كلها منورة عدا الارقام و الشرط بس .يعنى من الاخر مفيش شكل ثابت و هو كان جابة من امبير عباس العقاد و كان تقريبا بـ200 جنية بس دة من كام سنة.و انا كنت شفتة بيتباع عند اغلب محلات الاكسسوارات النضيفة بس مسألتش على سعره.

[mrghost]

السلام عليكم ورحمة الله
بالنسبه لنور تابلوه الشاهين الجزء الاخضر عباره عن نصف كوره بلاستيك اخضر وليس سلوفان وبالتالى انا اضطررت انى اشيله لانه مفيش منه الوان حمراء وباذن الله لما اعمل الليدات هقولقوا عليها ان شاء الله