استفسار عن الاستيكرات و اللصق الكاربون

[mohamedsaber2]

السلام عليكم يا شباب المنتدى

انا ان شاء الله هاستلم الكروز الفضي بتاعتي الاسبوع الجاي وكنت عاوز استفسر عن الاستيكرات و اللصق اللي شبه الكاربون.

والأسئلة كالتالي:-

هل اللصق ده فعلا بيحافظ على البويا ولا كلام فاضي؟
هل متوفر منه ألوان غير الأسود؟
الأسعار و أماكن الشراء منين؟
هل في مشاكل مع المرور بسبب الملصقات او الكاربون؟ ولو في مشاكل, ممكن نعرف ايه هي العواقب؟
هل عند ازالة الكاربون بيسيب مكانه لزق زي السلوتب ويبوظ العربية؟

وياريت يا شباب لو اي حد عنده اضافة يقولي عشان انا محتاج اعرف الكلام ده ضروري. شكرا ليكم.

[AbdelRa0uf]

هل اللصق ده فعلا بيحافظ على البويا ولا كلام فاضي؟
اه طبعا بس خلى بالك على حسب النوعية و الخامات

هل متوفر منه ألوان غير الأسود؟
اسود - ابيض - فضى - ازرق - مووف - رمادى

الأسعار و أماكن الشراء منين؟
الاسعار على حسب المكان لكن متوسط السعر الاكصدام ب100 جنيه و اماكن الشراء انا ساكن فى 6 اكتوبر و بتعامل مع محل اسمو Turbo و انصحك بيه نضيف فى شغله و هيزبطك

هل في مشاكل مع المرور بسبب الملصقات او الكاربون؟ ولو في مشاكل, ممكن نعرف ايه هي العواقب؟
لو نفس لون العربية عادى لكن لو لون تانى هيبقى على حسب الضابط :D و لو فى لجنة و اتخالفت عليه هتدفع 50 جنيه زيو زى الفاميه

هل عند ازالة الكاربون بيسيب مكانه لزق زي السلوتب ويبوظ العربية؟
مش بيسيب اى اثار خالص و لما تشيلو العربية يبان انها فبريكة مفيهاش اى خربوش و بردو على حسب نوع الخامة يعنى ابقى اشترى الغالى مش تسترخص و فى الاخر تنتدم انك عملت كدة :)

و اى استفسار تانى انا تحت امرك :)

[mohamedsaber2]

هل اللصق ده فعلا بيحافظ على البويا ولا كلام فاضي؟
اه طبعا بس خلى بالك على حسب النوعية و الخامات

هل متوفر منه ألوان غير الأسود؟
اسود - ابيض - فضى - ازرق - مووف - رمادى

الأسعار و أماكن الشراء منين؟
الاسعار على حسب المكان لكن متوسط السعر الاكصدام ب100 جنيه و اماكن الشراء انا ساكن فى 6 اكتوبر و بتعامل مع محل اسمو Turbo و انصحك بيه نضيف فى شغله و هيزبطك

هل في مشاكل مع المرور بسبب الملصقات او الكاربون؟ ولو في مشاكل, ممكن نعرف ايه هي العواقب؟
لو نفس لون العربية عادى لكن لو لون تانى هيبقى على حسب الضابط :D و لو فى لجنة و اتخالفت عليه هتدفع 50 جنيه زيو زى الفاميه

هل عند ازالة الكاربون بيسيب مكانه لزق زي السلوتب ويبوظ العربية؟
مش بيسيب اى اثار خالص و لما تشيلو العربية يبان انها فبريكة مفيهاش اى خربوش و بردو على حسب نوع الخامة يعنى ابقى اشترى الغالى مش تسترخص و فى الاخر تنتدم انك عملت كدة :)

و اى استفسار تانى انا تحت امرك :)

الله واكبر, ربنا يخليك يا ريس ويجعلك سند للمزنوقين اللي زي حالاتي

انا ان شاء الله لما اجي اركبه هبقى اقولك عشان اعملهم عند المحل اللي انت تنصح بيه, اهم حاجه يظبطني زي مانت بتقول, شكرا يا باشا.

[mohamedsaber2]

معلش بقه, في سؤال كمان كان محشور بس طلع دلوقتي :)

هو اللصق السقف البانوراما لو عملته اسود والعربية فضي يحصل مشاكل فالمرور؟ وهل الراجل بتاعك عنده الكلام ده ولا لا؟

[AbdelRa0uf]

الله واكبر, ربنا يخليك يا ريس ويجعلك سند للمزنوقين اللي زي حالاتي

انا ان شاء الله لما اجي اركبه هبقى اقولك عشان اعملهم عند المحل اللي انت تنصح بيه, اهم حاجه يظبطني زي مانت بتقول, شكرا يا باشا.

انا تحت امرك يا معلم بس ابقا قولى قبليها علشان افضيلك نفسى لان انا فى 3 ثانوى و ما ادراك 3 ثانوى بقا انت عارف :)

[AbdelRa0uf]

معلش بقه, في سؤال كمان كان محشور بس طلع دلوقتي :)

هو اللصق السقف البانوراما لو عملته اسود والعربية فضي يحصل مشاكل فالمرور؟ وهل الراجل بتاعك عنده الكلام ده ولا لا؟

بص انت لو معاك وسطاء ممكن تسبت 2 لون فى العربية يبقا اسود و فضى و فى الحالة دى ولا اكبر لواء يقدر يتكلم معاك علشان مثبوتة فى الرخصة و متقلقش المحل دة عنده كل حاجة تتخيلها بخصوص العربيات :)
ودة الاكونت بتاعو على الفيس ادخل و شوف العربيات اللى عملها و الهوندا السيفيك اللى لونها احمر دى عربيتو :)

https://www.facebook.com/turbocarsaccessories?hc_location=stream

ودة البيج

https://www.facebook.com/Turbocaraccessories

اتفرج و قولى :)

[mohamedsaber2]

الله ينور يا حبيب قلبي, ميه ميه

بدال انت في تالته سنوي يبقى انا لا يمكن اتصل بيك لاني لو اتصلت بيك هقولك حاجه واحدة بس "ربنا يوفقك ويعينك".

مش عاوز اعطلك, المهم انا هشوف الفيس واقولك

شكرا يا جميل

سلام