حد عاوز حاجه من الصين ..؟!

[DOJY]

بصوا..انا ليا واحد قريبي نازل الصين قريب.. هو اساسا شغال ف استيراد قطع الغيار و رايح الصين يجيب بضاعه لنفسه. انا قولتله ينفع تجيبلي كاست معين زي ده, يركب ف العربية

و فانوسين كربون مثلا على علامة اللانسر الي زي دول..حتى الطقم اللزق الكربون لاقيت منه متقطع جاهز للعربية صيني



اكيد الموضوع حيوفر معايا " بضعت مئات من الجنيهات" , ده غير اني حضمن ان في حد حيستلمها لو في بتتجرب وقت الشراء..و بعدين ماهو اساسا كل الحاجه اللي ف السوق دلوقتي صيني من غير حاجه..المهم جودتها ايه قصاد سعرها

و الفكرة جتلي و انا قاعد مره هنا بشوف حاجه على المنتدى.. ليه مانجمعش طلبات من الاعضاء لحاجات زي كماليات المخصوصه لأنواع العربيات ممكن تبقى حاجات بسيطه لكل واحد بس حتفرق معاه ف عربيته و مش لاقيها مثلا او في منها الصيني بسعر معقول و نبعت نجيبها مره واحده..ساعتها نعملها ف طلبيه واحده و اكيد حتوفر معانا ف الشحن والجمارك..و تبقى بالتنسيق مع المنتدى لضمان الجدية

ايه رأي اشباب..تمشي الفكرة دي

[Haitham Basha]

أنا معاك يا ريس وش طبعاً ...

[saddam]

المشكلة.يا صديقي المواطن في الثقة يعني أنا عاوز طقمين جنوط وأنا سائل عليهم في الصين الطقم.ب 380 دولار بس إزاي الواحد يضمن الشخص المقابل خصوصا إن عندنا في مصر إيصالات اﻷمانة لا قبمة لها إلا بعد سنتين ثلاثة من بعد ميصدر فيها حكم ودمتم للنضال وتلاقي كله بيحط لازم مكسب 120% معدش حد زي زمان يجيب حاجة ب 100 يبيعها ب 120 بقت تتجاب ب 100 وبيبعها ب 210 وكلامي عن تجارب جايز صاحبك محترم لكن اﻷعم الغالب في مصر كده

[DOJY]

المشكلة.يا صديقي المواطن في الثقة يعني أنا عاوز طقمين جنوط وأنا سائل عليهم في الصين الطقم.ب 380 دولار بس إزاي الواحد يضمن الشخص المقابل خصوصا إن عندنا في مصر إيصالات اﻷمانة لا قبمة لها إلا بعد سنتين ثلاثة من بعد ميصدر فيها حكم ودمتم للنضال وتلاقي كله بيحط لازم مكسب 120% معدش حد زي زمان يجيب حاجة ب 100 يبيعها ب 120 بقت تتجاب ب 100 وبيبعها ب 210 وكلامي عن تجارب جايز صاحبك محترم لكن اﻷعم الغالب في مصر كده

وجهة نظر مهمه..بالنسبة لموضوع الثقة هو فعلا المشكلة سواء من التاجر او من الناس اللي حتشتري خصوصا لو مافيش اتصال مباشر مبينهم
علشان كده انا بتكلم اننا نعمل الموضوع ده بالتنسيق مع ادارة المنتدى
يعني مبدأيا ممكن كل واحد يجيب المواصفة اللي هوا عايزها بنفسه (الصورة, الابعاد, المواصفات الفنية...و كده) للحاجه اللي هو عايزها و يبعتها هنا و انا حوصلها لقريبي علشان يجيب عليها عرض سعر و اقوله للي طالبها, اكيد هو حيحط الشحن و المصاريف بتاعته و يقول على السعر النهائي و حايجبها بعد قد ايه..لو السعر مناسب يبقى تمام

نيجي للمشكله اللي بعد كده..ازاي حنظم موضوع الدفع و الاستلام, ده اللي بقترح انه يكون عن طريق ادارة المنتدى , لو حد من المشرفين او الادارة مشكورا يتولى تجميع الطلبات و كمان ياخد دفعه مقدمه من الناس و يبقى هو على اتصال مباشر بالراجل اللي حيسافر..هو تاجر ف اسكندريه و ليه مكتبه و مخازنه و ماعتقدش ان الحكايه دي حتدايقه

عموما انا لسه بفكر معاك بصوت عالي

[saddam]

وجهة نظر مهمه..بالنسبة لموضوع الثقة هو فعلا المشكلة سواء من التاجر او من الناس اللي حتشتري خصوصا لو مافيش اتصال مباشر مبينهم
علشان كده انا بتكلم اننا نعمل الموضوع ده بالتنسيق مع ادارة المنتدى
يعني مبدأيا ممكن كل واحد يجيب المواصفة اللي هوا عايزها بنفسه (الصورة, الابعاد, المواصفات الفنية...و كده) للحاجه اللي هو عايزها و يبعتها هنا و انا حوصلها لقريبي علشان يجيب عليها عرض سعر و اقوله للي طالبها, اكيد هو حيحط الشحن و المصاريف بتاعته و يقول على السعر النهائي و حايجبها بعد قد ايه..لو السعر مناسب يبقى تمام

نيجي للمشكله اللي بعد كده..ازاي حنظم موضوع الدفع و الاستلام, ده اللي بقترح انه يكون عن طريق ادارة المنتدى , لو حد من المشرفين او الادارة مشكورا يتولى تجميع الطلبات و كمان ياخد دفعه مقدمه من الناس و يبقى هو على اتصال مباشر بالراجل اللي حيسافر..هو تاجر ف اسكندريه و ليه مكتبه و مخازنه و ماعتقدش ان الحكايه دي حتدايقه

عموما انا لسه بفكر معاك بصوت عالي

على فكرة يا صديقي المواطن إدارة.المنتدى تاس برضو زيي وزيك مهماش مازنجر يعني بس هم ناس خدومين ومحترمين من اﻷخ كريم وإنت نازل بس جايز صاحبك يقول وأنا إيه يجبرني عامة يا راجل يا طيب أنا معاك قلبا وقلبا نسقوا عملية الدفع وأنا محتاج 3 أطقم جنوط نيكل لميع 22شبه بعض مع 8 فرد كاوتش ليهم مع طقم جنط 20 بكاوتشهم لما يبقه الكلام جد يبقه نتكلم في المواصفات والشكل والحجم ودمتم للنضال

[rotanamasoud]

استاذ saddam سؤال يلح على من فتره بسبب كلمتين
صديقى المواطن
دمتم للنضال
هو حضرتك مش من الشعب من القيادات مثلا
واسف لخروجى عن الموضوع