انذار وولف بيعلق معايا

[medoampir]

السلام عليكم
من حوالى اسبوع كده جيت افتح العربيه (لانوس 2010) بالريموت (انزار وولف) مفتحش واللمبه بتاعه الريموت مبتنورش لكن باقى الزراير شغاله تمام.
جبت الريموت الاحتياطى واستخدمته وبكده اتأكدت ان الرموت القديم باظ.

بعدها بيومين كده نزلت من العربيه وكالعاده قفلت بالريموت وكل حاجه تمام - وباليل لقيت بتاع الامن بيندهلى يقولى ازاز العربيه مفتوح والعربيه نفسها مفتوحه.
المفروض ان لما بقفل العربيه بتتقفل والازاز يترفع ولو نسيت ومقفلتش الانزار بيشتغل بعد 10 ثوانى.
المهم قفلت العربيه بالريموت.

بعدها بيومين بدا الريموت الجديد يعلق برضه ساعات يشتغل وساعات لأ - بس الريموت ده بقى كل الزراير بتعلق.

حد يفيدنى يا جماعه لان انهارده نزلت من العربيه وقفلتها باعجوبه لانى معرفش اقفلها بالمفتاح العادى لو عملت كده الانزار بيشتغل بعد 10 ثوانى.

شكرا...

[lidosasa]

إحتمال تكون المشكلة فى الإنذار نفسه مش الريموت إنت مركب الإنذار بقالك أد أيه ؟

[medoampir]

إحتمال تكون المشكلة فى الإنذار نفسه مش الريموت إنت مركب الإنذار بقالك أد أيه ؟

حوالى سنتين

[ahmedsamy90]

اشتري واحد جديد وريح نفسك ..... الانذار وولف الجديد دلوقتي ضمان 5 سنين بـ 150 جنيه

[lidosasa]

اشتري واحد جديد وريح نفسك ..... الانذار وولف الجديد دلوقتي ضمان 5 سنين بـ 150 جنيه

وأنا أؤيد الرأى ده
وياريت كمان تركب الإنذار فى التوكيل بتاع شركة وولف عشان لو حصل حاجة تصلحها فى الضمان عندهم

[medoampir]

وأنا أؤيد الرأى ده

وياريت كمان تركب الإنذار فى التوكيل بتاع شركة وولف عشان لو حصل حاجة تصلحها فى الضمان عندهم

ماهو اللى بايظ دلوقتى ده متركب فى توكيل وولف اللى عند جسر السويس تقريبا وضمانه خمس سنين برضه.
بس مشوار محترم من الشيخ زايد لجسر السويس ههههههه

[akmm]

حتى لو مشوار للتوكيل اهو روح وشوف مشكله اللى راكب ولو لسه فى الضمان هيتصرفوا او تاخد واحد جديد بسعر اقل ...... افضل من المشاكل بتاعه الغلق والفتح وقلق انه لايعمل مره اخرى .

[lidosasa]

ماهو اللى بايظ دلوقتى ده متركب فى توكيل وولف اللى عند جسر السويس تقريبا وضمانه خمس سنين برضه.
بس مشوار محترم من الشيخ زايد لجسر السويس ههههههه

أنا كنت فاكرك مركبه عند كهربائى . دا كده تمام يبقى شد ع التوكيل والمشوار يستاهل طالما الإنذار لسه فى الضمان وأكيد حيتصرفوا أو على الأقل حيعملوا خصم محترم على الإنذار الجديد

[akmm]

أنا كنت فاكرك مركبه عند كهربائى . دا كده تمام يبقى شد ع التوكيل والمشوار يستاهل طالما الإنذار لسه فى الضمان وأكيد حيتصرفوا أو على الأقل حيعملوا خصم محترم على الإنذار الجديد

تمام كده ......................

[medoampir]

اوك
حد يعرف بقى العنوان او التليفون لان التليفون اللى معايا محدش بيرد عليه والموقع بتاعهم مش شغال.

[Elsebily]

اوك
حد يعرف بقى العنوان او التليفون لان التليفون اللى معايا محدش بيرد عليه والموقع بتاعهم مش شغال.

طيب مادام حضرتك من الشيخ زايد يبقي الافضل انك تروح المصنع بتاعهم اللي في سته اكتوبر وهو علي كل حال افضل من فرع جسر السويس لاني فرع جسر السويس مفيهوش كل حاجه

وده عنوانهم في 6اكتوبر المنطقة الصناعية الرابعة - قطعة: 26ب - شارع: 47
وده رقمهم 38335775