دمي محروق! "غسيل التابلوه بالصابون"

[Anti_virus_abdo]

كنت بغسل العربية النهاردة "مش بعملها غير كل سنة مثلا من الانشغال و الكسل" في بنزينة وطنية العند مسجد السلام, و في مرحلة الغسيل الخارجي البيمسك فيها خرطوم بيطلع صابون و يعمل بيها العربية لقيتة فتح الباب و عمل التابلوة رش علية كلة! استغربت طبعا بقله بتعمل ايه عشان بيقلي عشان مترب يا باشا اوي و متقلقش, فقلة ايوة بس كدا غلط الصابون فيه مواد كيميائية و كدا مينفعش قلي يا باشا عيب و انا حافظ العربيات و بعملها علي طول و صداع, قلتله طب خلاص بس امسحا اول حاجة و قلت ربنا يستر بقي, عملها و خلاص مركزتش عشان الدنيا ليل لما روحت و لما فتحت باب العربية لقيت حتت كتير اوي مبعقة في الطابلوة و لونها متغير من فوق و من الامام!!
اعمل ايه دلوقتي التابلوة ليه حل؟ و اعمل ايه في العامل العمل كدا؟!

[horas3000]

للاسف عندنا دار افتاء واحده و 90 مليون مفتي
اقترح تجيب ملمع طابلون كويس و تعيد علي الطبلون كله و حاول تستعجل

[saddam]

صديقي المواطن
في اﻷول تحاول تنظفه بفوطة مبلولة بمياه وأصبر عليه شوية.لو منفعش فيه منظف جلد خاص تشتريه وتطري فيه الجلد وبعدين يدعك بالراحة وشوف وأكيد حيتحل ثم يا مواطن الطبلوه حتى لو مش بتنظف العربية ضروري كل أسبوعين على اﻷقل في شمس المحروسة.تمسحه من التراب وتحط عليه إسبربه ملمع من أبو 6 جنيه لزوم حمايته من التشققات ودمتم للنضال

[Besov]

1- تجيب جردل فيه ميه نظيفه و فوطه و تبل الفوطه و تعصرها كويس و تمسح الطابلون لحد متلاقى الفوطه خدت كل بواقى الصابون .

2- تنشف الطابلوه كويس جدا

3- تجيب ملمع الطابلوه Armorall هو افضل الملمعات و بيقدم حماية و لمه خفيفه مش زى الأنواع اللى بتخلى الطابلوه مزيت و مبيلمش تراب و تزود الجرعه شوه على الطابلوه و يفضل اسفنجه و توزع الملمع بطريقه دائريه بالأسفنجه و ان شاء الله هتكون كل البقع اختفت

و عاوز اقولك متصدقش حد - دى فلوسك - دى عربيتك - متتحرجش من صنايعى او حتى مدير ..لأن انت صاحب المال و عايز اقولك لو خنفسه فولكس مش هيدخل ميه عليها من جوا !!

[akmm]

1- تجيب جردل فيه ميه نظيفه و فوطه و تبل الفوطه و تعصرها كويس و تمسح الطابلون لحد متلاقى الفوطه خدت كل بواقى الصابون .

2- تنشف الطابلوه كويس جدا

3- تجيب ملمع الطابلوه armorall هو افضل الملمعات و بيقدم حماية و لمه خفيفه مش زى الأنواع اللى بتخلى الطابلوه مزيت و مبيلمش تراب و تزود الجرعه شوه على الطابلوه و يفضل اسفنجه و توزع الملمع بطريقه دائريه بالأسفنجه و ان شاء الله هتكون كل البقع اختفت

و عاوز اقولك متصدقش حد - دى فلوسك - دى عربيتك - متتحرجش من صنايعى او حتى مدير ..لأن انت صاحب المال و عايز اقولك لو خنفسه فولكس مش هيدخل ميه عليها من جوا !!

هى دى الخطوات الصحيحه .......... واعملها والتابلوه بعيد عن الشمس ومش سخن وكرر عمليه الارمورال اكتر من مره وعلى فترات متقاربه يومى يعنى وهتلاقى كل شىء تمام ان شاء الله .

[smsm_nabawy]

مبدئياً العربية نوعها ايه؟؟ و التابلوه جلد أيه؟؟ ولا بلاستيك كله فايبر زي العربيات القديمة ولا أيه؟؟

[amr011111]

حاول تعملها الاول بميه وفوطه

[mahmoud_afifi]

ربنا يعوض عليك وان شاء الله حل armor all يجيب نتيجه.
على فكره حصل معايا حاجه زي كده بس اتضحلي في الاخر ان الشمس أكلت الطابلوه قبل التنضيف بفتره وماكنتش باينه عشان التراب كتير على الطابلوه.

[Anti_virus_abdo]

للاسف عندنا دار افتاء واحده و 90 مليون مفتي
اقترح تجيب ملمع طابلون كويس و تعيد علي الطبلون كله و حاول تستعجل

كلامك صح جدا بخصوص الفتي للأسف, و هعمل كدا ان شاء الله

صديقي المواطن
في اﻷول تحاول تنظفه بفوطة مبلولة بمياه وأصبر عليه شوية.لو منفعش فيه منظف جلد خاص تشتريه وتطري فيه الجلد وبعدين يدعك بالراحة وشوف وأكيد حيتحل ثم يا مواطن الطبلوه حتى لو مش بتنظف العربية ضروري كل أسبوعين على اﻷقل في شمس المحروسة.تمسحه من التراب وتحط عليه إسبربه ملمع من أبو 6 جنيه لزوم حمايته من التشققات ودمتم للنضال

معلش اصلي المواطن كان مشغول و بيكسل بصراحة يروح يغسل العربية و كدا, شكرا لردك يا باشا و لو الملمع مجبش نتيجة هعمل كدا

1- تجيب جردل فيه ميه نظيفه و فوطه و تبل الفوطه و تعصرها كويس و تمسح الطابلون لحد متلاقى الفوطه خدت كل بواقى الصابون .

2- تنشف الطابلوه كويس جدا

3- تجيب ملمع الطابلوه armorall هو افضل الملمعات و بيقدم حماية و لمه خفيفه مش زى الأنواع اللى بتخلى الطابلوه مزيت و مبيلمش تراب و تزود الجرعه شوه على الطابلوه و يفضل اسفنجه و توزع الملمع بطريقه دائريه بالأسفنجه و ان شاء الله هتكون كل البقع اختفت

و عاوز اقولك متصدقش حد - دى فلوسك - دى عربيتك - متتحرجش من صنايعى او حتى مدير ..لأن انت صاحب المال و عايز اقولك لو خنفسه فولكس مش هيدخل ميه عليها من جوا !!

الف شكر يا باشا علي الخطوات دية, هعملها بكره ان شاء الله و اجرب, انا عملت بالمية بس بس للأسف مطلعش حاجة.
كلامك مليون في المية صح دي غلطتي قبل ما تكون غلطتة اني اتحرجت اقولة يشيل الصابون علي طول في ساعتها

هى دى الخطوات الصحيحه .......... واعملها والتابلوه بعيد عن الشمس ومش سخن وكرر عمليه الارمورال اكتر من مره وعلى فترات متقاربه يومى يعنى وهتلاقى كل شىء تمام ان شاء الله .

هجرب و يا رب يجيب نتيجة

مبدئياً العربية نوعها ايه؟؟ و التابلوه جلد أيه؟؟ ولا بلاستيك كله فايبر زي العربيات القديمة ولا أيه؟؟

جراند بونتو, فية حاجات فيبر من فوق بس من الامام مش فيبر

[hotamse]

تروح البنزينة وتطلع عينهم

[monamize4]

بعد اذن صاحب الموضوع

فيه منظف جلد خاص تشتريه وتطري فيه الجلد

ياريت يا باشا تقولى اسم منظف مخصص للتابلوة الجلد الطبيعى
لان بقالى فترة كبيرة بدور عليه و للاسف كل اللى بشوفة
بيكون مخصص للتابلوهات البلاستيك

[akmm]

بعد اذن صاحب الموضوع



ياريت يا باشا تقولى اسم منظف مخصص للتابلوة الجلد الطبيعى
لان بقالى فترة كبيرة بدور عليه و للاسف كل اللى بشوفة
بيكون مخصص للتابلوهات البلاستيك

منتجات سوناكس للعنايه بالجلد هى منتجات المانيه وغاليه ........... او زيت البرافين النقى من اى صيدليه رخيص وهما الاتنين مفعولهم كويس .

[msolimantaha]

افضل علاج لمشكلتك
تروح الصيدليه تجيب ازازة زيت برافين ايوه هو اسمه كده وبقطنه او سفنجه ناعمة تحط شوية زيت على القطنه او السفنجه وتمسح بيه التابلوه كله وتدوس كويس
مميزاته
ماده طبيعيه مش بتشقق التابلوه
بتمتص اى حاجة على اتابلوه
جرب فى حتع صغيرة وهاتشوف الفرق تدعى لى

[newnewegypt]

بنزينه وطنيه من اسوء الاماكن لتنظيف السيارات عن تجربه
العامل الهناك ( الهو عسكرى غلبان اصلا ) كسرلى المرايه الفى الجنب
دة غير البهدله والظروطه
الاحسن تتعامل معاهم فى البنزين اما التنظيف فتروح لمكان كويس احسن

[sasatony]

قدر الله وماشاء فعل وده نصيبك واديك اتعلمت اهو عشان محدش يعملها تاني معاك
وباذن الله الحلول تجيب نتيجة معاك يارب