إعـــــــلان

Collapse

.

,
See more
See less

عايز اركب انذار و سنتر لوك

Collapse
X
 
  • Filter
  • الوقت
  • Show
Clear All
new posts

  • عايز اركب انذار و سنتر لوك

    السلام عليكم ورحمة الله وبركاتة
    لو سمحت كنت عايز اسئل عن افضل نوع للانذار والسنتر لوك spy ولا wolf
    ولا فيه انواع تانية افضل وهل فيه مشاكل من الانذار والسنتر ولا لا مع العربيات القديمه
    انا هركبهم فى 127 مو85
    ومش عايز اركب وحده رفع عشان كل العربيات القديمه اللى مركباه بتعانى منه
    وخايف اركب السنتر والانذار ويعملي مشاكل
    لان بصراحة اتسرق من العربية حاجات كتير لاب توب وبطاريتيين وحاسس ان الحراميه مستقصديني
    ومش عايز اركب سنتر اقفله يعلق وميقفلش وتتسرق العربية كلها
    ربنا يستر ويبعد عنا الحراميه ولاد الهرمه

  • #2
    بص بالنسبة لل 127 وال 128 اول حاجه بيعملها الحرامى بيرفع حرف الكبوت ويشد الواير بتاع الكبوت ويفتحه ويفك قطاش البطارية ويسرق البطارية والاستبن لو جوا وطبعا الانذار هيكون ساعتها نايم فى العسل
    [SIZE=4][COLOR=blue]لا اله الا انت سبحانك انى كنت من الظالمين[/COLOR][/SIZE]

    Comment


    • #3
      المشاركة الأصلية كتبت بواسطة eng_hatemfathy مشاهدة المشاركة
      بص بالنسبة لل 127 وال 128 اول حاجه بيعملها الحرامى بيرفع حرف الكبوت ويشد الواير بتاع الكبوت ويفتحه ويفك قطاش البطارية ويسرق البطارية والاستبن لو جوا وطبعا الانذار هيكون ساعتها نايم فى العسل
      يعني ولا له اى لازمه ؟؟

      Comment


      • #4
        المشاركة الأصلية كتبت بواسطة محمود فرنسا مشاهدة المشاركة
        يعني ولا له اى لازمه ؟؟ :h_angry[1]:
        حماية 127 و128 كالاتى :
        1- الاستبن فى الشنطة مش فى مكانه فى الكبوت
        2-مفتاح فصل كهرباء عن البوبين تحت الدرج اليمين او تحت التابلوه
        3-افيز حديد بتيش طويل للبطارية وصامولتين على كل ناحية ووردة متكنتره تحتيهم والحمد لله على كده
        [SIZE=4][COLOR=blue]لا اله الا انت سبحانك انى كنت من الظالمين[/COLOR][/SIZE]

        Comment


        • #5
          المشاركة الأصلية كتبت بواسطة eng_hatemfathy مشاهدة المشاركة
          حماية 127 و128 كالاتى :
          1- الاستبن فى الشنطة مش فى مكانه فى الكبوت
          2-مفتاح فصل كهرباء عن البوبين تحت الدرج اليمين او تحت التابلوه
          3-افيز حديد بتيش طويل للبطارية وصامولتين على كل ناحية ووردة متكنتره تحتيهم والحمد لله على كده
          الاستبن حاطه ف الشنطة بس مفهمتش النقطة التانية ايه مفتاح فصل الكهربه ده بيعمل ايه بالضبط
          بالنسبة للنقطة التالتة عملت فعلاً خوص حديد ع البطارية وقفلته بـ قفل وصاموله متبرشمه وربنا يسترها علي الجميع

          Comment


          • #6
            قريت فكرة جميله من خلال تصفحي للمواضيع ف القسم
            وهي انى اعمل زرار فى الكبوت زي اللى بيبقى ف البيبان لما تفتح الباب ينور التابلوه
            بس يشغل الكلاكس
            هي فكرة حلوه اوى ممكن استبدلها بفكرة الانذار واركب سنتر بس السؤال هنا هل السنتر ينفع اخلي الريموت بتاعه هو هو مفتاح العربية ولا لازم يبقى منفصل

            Comment


            • #7
              رجاء الرد ف اسرع وقت
              لانى نازل كمان شويه ادريان عشان اركب السنتر وعايز اعرف هل فيه مشكلة
              انى اخلي الريموت هو هو مفتاح العربية
              وبالنسبة للنوع انا استقريت على الولف

              Comment


              • #8
                بركب مفتاح بيقطع الكهربا عن البوبينة -حضرتك عارفق ان مفتاح التشغيل بيوص كهربا للبوبينه فى التكه الاولى وبيدور المارش فى التكة التانية
                فالكهربائى بيقص السلك اللى داخل الكونتاكت وبدخله على مفتاح صغير مستخلى تحت الدرج او تحت التابلوه بحيث انك فاصله فلو دور للصبح مش هتدور حتى لو عمل كوبرى على سلك الكونتكت -لازم يعمل توصيله من بره
                وبالنسبه لعمل مفتاح فى الانذار فده موجود على حد علمى
                [SIZE=4][COLOR=blue]لا اله الا انت سبحانك انى كنت من الظالمين[/COLOR][/SIZE]

                Comment


                • #9
                  روحت للكهربائى بتاعى
                  قالى سعر الانذار بالتركيب + زرار للكبوت بـ 265 جنية
                  والسنتر التايوانى بـ 120 جنية وتركيبه 120 جنية + صنايعي البيبان هياخد 60
                  وقالى لو عايز تعمل زرار بس ف الكبوت يتوصل بالكلاكس قالى بـ 40 ج كل حاجه
                  بس بيقولي هيامنلك الكبوت بس انما الانذار هيوقف التدوير
                  فا مش عارف اعمل ايه و الاسعار دي اوفر ولا ايه

                  Comment


                  • #10
                    120 كتير على تركيب انذار خاصة ان بتاع الابواب هوا اللى هيركب السنتر والكهربائى يدوب هيشد سلك ووصله -حاول تفاصله واشترى انت الانذار اللى يناسبك من دمشق او التوفيقية ودور على ريموت بيركب فيه مفتاح وابقى اعمله عند اى بتاع مفاتيح
                    [SIZE=4][COLOR=blue]لا اله الا انت سبحانك انى كنت من الظالمين[/COLOR][/SIZE]

                    Comment


                    • #11
                      طب هو الولف الريموت بتاعه بينفع يركب فيه مفتاح ولا موديلات وموديلات

                      Comment


                      • #12
                        مش عارف بصراحة -احسن حاجه عدى على واحد بتاع مفاتيح الاول هيجيبلك المفيد
                        [SIZE=4][COLOR=blue]لا اله الا انت سبحانك انى كنت من الظالمين[/COLOR][/SIZE]

                        Comment


                        • #13
                          المشاركة الأصلية كتبت بواسطة eng_hatemfathy مشاهدة المشاركة
                          بص بالنسبة لل 127 وال 128 اول حاجه بيعملها الحرامى بيرفع حرف الكبوت ويشد الواير بتاع الكبوت ويفتحه ويفك قطاش البطارية ويسرق البطارية والاستبن لو جوا وطبعا الانذار هيكون ساعتها نايم فى العسل
                          طب هوة مش المفروض ان الانذار يشتغل اول ما الحرامى يرفع الكبوت ؟

                          Comment

                          Working...
                          X