تقشير في الدركسيون الفيبر الاصلي ...

[MinaLove_1]

اصدقائي الكرام ..

دلوقتي عندي مشكلة في الدركسيون ( التاره ) الفيبر الاصلي
إن لونها من الوسط ابتدي يــِــجِــرب جامد ... مكان ايدي
كأنه متقشر ولونه مبقاش اسود بقي علي اسود فاتح كده علي رصاصي غامق
شكله فعلا سيء جداااا .... ومش عارف اعمل ايه افيدوني
وقولت لــو حعمله بورنيش سائل حيبقي فرق اللون باين وواضح ومش حينفع اساساً
قولت استشيركم يمكن يكون حد عنده اي فكره او مر بالموضوع ده ......
وشكراا للرد مقدماً .

[ahmedalaahosny]

فرش جلد للطارة من عند جينز كار وشكرا على كده

[saddam]

صديقي المواطن
تفك الطارة وترشها لون قريب جدا للفبريكة يعني تخلي البوهيجي يتعب ويضربلك كذا لون وبسيطة والموضوع بسيط ولا تقلق وبنعملها كتير حتى مع بعض أنواع الطبلوه ومش حتزيد تكلفتها عن 70 جنيه وبالتوفيق وإلى اﻷمام ومن نصر إلى نصر ودمتم للنضال

[MinaLove_1]

فرش جلد للطارة من عند جينز كار وشكرا على كده

علي فكرة دا مش Cover للتاره
انا كنت بتكلم ع التاره نفسها ودي مينفعش عليها استيكر طبعا

[MinaLove_1]

صديقي المواطن
تفك الطارة وترشها لون قريب جدا للفبريكة يعني تخلي البوهيجي يتعب ويضربلك كذا لون وبسيطة والموضوع بسيط ولا تقلق وبنعملها كتير حتى مع بعض أنواع الطبلوه ومش حتزيد تكلفتها عن 70 جنيه وبالتوفيق وإلى اﻷمام ومن نصر إلى نصر ودمتم للنضال

العميد : صــــدام

كلام جميل بس مفيش حل غير موضوع الرش ده اللي اكيد حيقشر تاني مكان الايد !!!

[amr011111]

احسن حل اعملها كسوه جلد عند اى سروجى
زى اللى فى الصوره ديه

[akmm]

موجوده تقريبا المشكله دى في كتيير من العربيات .... ومالهاش حل جزرى حتى الان حاول تتعايش معاها مؤقتا .

[profimh]

اسلم حل فى الوقت الحالى الكسوة الجلد

[tito29]

صديقي المواطن
تفك الطارة وترشها لون قريب جدا للفبريكة يعني تخلي البوهيجي يتعب ويضربلك كذا لون وبسيطة والموضوع بسيط ولا تقلق وبنعملها كتير حتى مع بعض أنواع الطبلوه ومش حتزيد تكلفتها عن 70 جنيه وبالتوفيق وإلى اﻷمام ومن نصر إلى نصر ودمتم للنضال

ده كلام سليم 100%
بس خد بالك من البرفانات أللي علي أيدك لأنها ممكن تطبع لون البوية عل أيديك.

الجلد يتم رشه بالبوية زي الصاج بالضبط بس المفروض أن له مثبت خاص به علشان يطول عمر الدهان و نظرا أن المثبت ده غير متوافر يتم رش المثبت العادي أو حتي وش بوية شفاف.

[MinaLove_1]

احسن حل اعملها كسوه جلد عند اى سروجى
زى اللى فى الصوره ديه

علي فكره انا الجزء المقشر عندي اللي هو مكان mp3 يمين وشمال زي الصوره وبس مش التاره الداير
وللاسف مفيش ف اللانوس الشياكة دي والكماليات دي
والجزء اللي مكسي جلد مفهوش مشكله تماما وبيتكسي طبعا عادي من بتوع الاكسسوارات كسوه دركسيون جاهزه ب 25 ج او أكثر .

لم تحل المشكله تماما وشكرا للمساعده من الجميع

[Honda_lover]

انت بتتكلم عن عربية لانوس يا راجل يا طيب غير الطارة بواحدة استيراد بحالة الزيرووووو ارخصلك بكتييير من اللي هتعمله

[MinaLove_1]

انت بتتكلم عن عربية لانوس يا راجل يا طيب غير الطارة بواحدة استيراد بحالة الزيرووووو ارخصلك بكتييير من اللي هتعمله

فعلا كانت تايهه عني ازاي دي اغيرها خالص فعلا أغيرها بواحده تانية وخلاص معاك حق لانوس بقي ...

شكرا للاضافة .