مساعد في تزبيط (Verna)

[EdoAmeen]

يا جدعان انا اشتريت فيرنا على الزيرو وكنت عايز ازبطهااااااا من جديد واعمل كـ الأتي : لو حد يعرف ايه التكاليف يقولي

المطلوب تركيبه ومعرفة سعره واضراره :

كنت عايز ادهنها من تاني باللون البرتقالي ولا اسيبها باللون بتاع المصنع ؟

وعايز اركب جنوط

وهركب شكمان ديفل بس عايز اعرف ليه اضرار على الماتور ولا لا ؟

وعايز احطلها فاميه اسود

وعايز اهبط العربية هل دا بيعمل مشاكل في المطبات ؟

وعايز اعدل الفوانيس الي ورا والي قدام عايز اعرف تكليفهم .

وعايز اعمل شوية شغل في البودي زي كدا





وعايز اغير الشبكة بتعت العربية اعملها زي كدا



________________________________
ومن ورا عايز اركب حاجة زي كدا "مش عارف اسمه " تقريباً "Bumper Plate"
مع العلم الي اني شفت ناس كتير عاملة الحركة دي في مصر بس مش عارف بيتباع فين الجزء دا الي يعرف يقوللللل :


___________________________________________

وعايز اعمل بيبان طيارة بس عايز اعرف بالزبط بكام وهل ليه ضرر على الباب مع الفتح والقفل :

____________
وعايز اركب عدة صوت حلوة جي ام وبازوكا وسمعات وكدا عايز اعرف نوع يكون حلو ومش غالي قوي ولا رخيص قوي ... حاجة متوسطة
_______________________

وعايز برضوا اركب احسن نوع سينسور بارك

_____________________

وعايز اعرف ايه احسن جهاز انذار للفيرنا وسنتر لوك ............ ولو في اي جهاز برضو يخليني اعرف اشغل العربية من على بعد بزرار
_____________________

واخيراً مرة ركبت تاكسي وكان عامل حركة حلوة جداً جداً عامل على حولين كل فتحة تكيف حاطط جزء نيكل كدا حولينها الصراحة محلية الشكل فـ عايز اعرف بيتباع فين ....


ومعلش لو كنت طولت عليكم بس ارجووووو الرد بسرعة عشان انا استفيد والكل يستفيد ..

ومحدش يخش يقولي سيبها بحالة المصنع


ملاحظة : الفلوس متوفرة والحمد لله

[EdoAmeen]

طقم طابلوه نيكل للألنترا

اهو هي دي اخر حاجة كنت عايزها اسمه طقم نيكل للطابلوه الفيرنا

كنت عايز اعرف بيتباع فين

[saddam]

صديقي المواطن
أحب أقلك إنت إنتهيت خلاص وححاول أجاوبك حسب ما أتذكر
بص يا مواطن

عدة الصوت المحترمة تبدأ من أول 2200 جنيه
السنتر حتركب وولف ب 75 جنيه من التوفيقية

جهاز اﻹنذار العادي والفاشل يبدأ من 150 و 250 جنيه والمحترم ب 450 في التوفيقية وشارع دمشق به خاصية تدوير المحرك عن بعد

طقم نواكل الداخل في التوفيقية أنواع من 75 إلى 120 جنيه

تعديل فوانيس أمامية وخلفية 1600 جنيه من غير زينون تعديل متطرف وحديث

الجنوط المحترم يبدأ من 3000 جنيه مقاس 16 وكاوتشاته قول 3000 فإنت الجنوط تحطلها من من 5 إلى 7 آلاف نيكل كروم وممكن طبعا تركب الأحجام الحقيرة بتاعت هيا نلعب يا أطفال 13 و 14 دي بالكاوتش مش حتزيد عن 3 آلاف بس خد بالك زيك زي سواق التكسي

الديفيل بيكلف من 900 حتى 1600 حسب الكماليات اللي حتحطها من غير علبة البيئة دي لوحدها لو جديدة ب 850 لو إستيراد تعمل 200 جنيه

توطية العربية من أعمال الفشل وحتكرهك بالعربية وبنفسك ولت تصلح لشوارع المحروسة وممكن تعمل خداع توطية زي إنك تنحت زوايد فيبر أو صاج تغطي بيها نص اﻹطار الخلفي حتبان العربية ساقطة للأرض

الفاميه اﻷسود 200 جنيه وأحيانا أقل

الرش بلون تاتي الكفته ب 1200 المحترم يوصل 2000 جنيه شامل فك اﻷكر وغيرها عشان الرش يبان فبريكة والخامات سكنس وممكن تلاقي حد فاشل يرشهالك ب 900

أعمال البودي فايبر عند الناس العادية اﻹكصدام 400 جنيه عند الناس المشهورة والمتطورة وكفاءة شغل وخامات اﻹكصدام ب 1000 جنيه

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ملحوظة
أنت إرتكبت جريمة بحق لغتنا العربية بكتابتك كلمة تزبيط والصح تظبيط ولذلك إقتضى التنويه

[EdoAmeen]

ماشي يا مواطن .___.

[EdoAmeen]

صديقي المواطن
أحب أقلك إنت إنتهيت خلاص وححاول أجاوبك حسب ما أتذكر
بص يا مواطن

عدة الصوت المحترمة تبدأ من أول 2200 جنيه
السنتر حتركب وولف ب 75 جنيه من التوفيقية

جهاز اﻹنذار العادي والفاشل يبدأ من 150 و 250 جنيه والمحترم ب 450 في التوفيقية وشارع دمشق به خاصية تدوير المحرك عن بعد

طقم نواكل الداخل في التوفيقية أنواع من 75 إلى 120 جنيه

تعديل فوانيس أمامية وخلفية 1600 جنيه من غير زينون تعديل متطرف وحديث

الجنوط المحترم يبدأ من 3000 جنيه مقاس 16 وكاوتشاته قول 3000 فإنت الجنوط تحطلها من من 5 إلى 7 آلاف نيكل كروم وممكن طبعا تركب الأحجام الحقيرة بتاعت هيا نلعب يا أطفال 13 و 14 دي بالكاوتش مش حتزيد عن 3 آلاف بس خد بالك زيك زي سواق التكسي

الديفيل بيكلف من 900 حتى 1600 حسب الكماليات اللي حتحطها من غير علبة البيئة دي لوحدها لو جديدة ب 850 لو إستيراد تعمل 200 جنيه

توطية العربية من أعمال الفشل وحتكرهك بالعربية وبنفسك ولت تصلح لشوارع المحروسة وممكن تعمل خداع توطية زي إنك تنحت زوايد فيبر أو صاج تغطي بيها نص اﻹطار الخلفي حتبان العربية ساقطة للأرض

الفاميه اﻷسود 200 جنيه وأحيانا أقل

الرش بلون تاتي الكفته ب 1200 المحترم يوصل 2000 جنيه شامل فك اﻷكر وغيرها عشان الرش يبان فبريكة والخامات سكنس وممكن تلاقي حد فاشل يرشهالك ب 900

أعمال البودي فايبر عند الناس العادية اﻹكصدام 400 جنيه عند الناس المشهورة والمتطورة وكفاءة شغل وخامات اﻹكصدام ب 1000 جنيه

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ملحوظة
أنت إرتكبت جريمة بحق لغتنا العربية بكتابتك كلمة تزبيط والصح تظبيط ولذلك إقتضى التنويه

بس انا شايف ان الأسعار دي مبالغ فيها شوية .......

يعني مثلاً الفاميه مثلاً 200 جنيه ليه ؟ انا لما كنت في السعودية كانت البكرة بتتباع ب 35 ريال يعني اعتقد في مصر مش هتعدي ال 70 جنيه والتركيب 50 يعني كله 120 ...

[EdoAmeen]

ومن ورا عايز اركب حاجة زي كدا "مش عارف اسمه " تقريباً "bumper plate"
مع العلم الي اني شفت ناس كتير عاملة الحركة دي في مصر بس مش عارف بيتباع فين الجزء دا الي يعرف يقوللللل :


___________________________________________

وعايز اعرف دا بيتباع فييييين للفيرنا 2013

[saddam]

بس انا شايف ان الأسعار دي مبالغ فيها شوية .......

يعني مثلاً الفاميه مثلاً 200 جنيه ليه ؟ انا لما كنت في السعودية كانت البكرة بتتباع ب 35 ريال يعني اعتقد في مصر مش هتعدي ال 70 جنيه والتركيب 50 يعني كله 120 ...

صديقي المواطن
على فكرة بكرة الفاميه فيه حتى ب 12 جنيه ولكن إنت تعرف حد يركبلك فاميه ب 50 جنيه وميطلعش فيه غلطة
ثم أنا على فكرة حاطط أسعار على قد فلوسه يعني كل الناس غارفة إن سيستم الصوت أبو 2200 ده على قده إنت أقل واجب الدي في دي الدبل يبتدي من 3200 وخش عالجي إمات والسماعات أنا إديتلو المختصر على قد الفيرنا
بالنسبة ﻷعمال الفايبر أنا إديتلو سعر الكفته اللي بعد 3 شهور تبتدي يقشر ويبهوق وتبتدي تبان بيه فروقات على فكرة أنا إمبارح بسلم عربية من عربياتي تعديل فيبر ب 12 ألف جتيه بالعافية وجبر خواطر ومش حيعمل حاجات واو هو بس تعديل إكصدامين وتنفيخ 4 دواير رفرف وعمل أسبويلر ضخم يمكن ده بس اللي فيه شغل وزرع فواتيس في اﻹكصدام اﻷمامي مع عمل باكيتات شبح عريضة فقط لا غير ملحوظة رحت لواحد قال لي أعملهالك ب 3500 بس طبعا كفته وماركة زبالة بلس
بالنسبة للفوانيس فيه واحد بيعدلها اﻹثنين ب 400 جنيه ولكن أنا مش عايز أضحك الناس عليه

على فكرة عالم التعديلات مصيبة ممكن أحيانا تصرف على عرببة تعديلات وكماليات 50 و 60 ألف عادي
وممكن سواق تكس فارد شعره وحاط سلسلة يروشهالك كلها ب 1200 جنيه فيه ده وفيه ده

أما تقول أنا حاطط أسعار مبالغ بيها هو أنا حعملهاله مثلا أنا بس واحد عاشق للعربيات وعندي 9 عربيات وداخل في العاشرة وكل عربياتي مرميه في ورش تعديل حتى اللي راكبها تحت بيتي متلاقيش مكان تقعد ورا ولا في الشنطة كلها قطع غيار وكماليات لباقي عربياتي وأنا كل يوم كل يوم يا إما بشتري كناليات يا قطع غيار يا بشتري عربية بالقسط يا بتابع العربيات بالورش فأرجوك لا تتهمني بالمبالغات
إنت عارف فين المبالغة في تقييم سعر الرش مثلا إنت عارف أنا عندي عربية دخلت الكابينة حوالي 14 مرة كل مرة لحاسب 80 جنيه دي لوحدها ثمن رش عربية مخبوطة بمصنعياتها بخاماتها
ومش عارف فين المبالغة أنا ممكن أقلك على حاجة مبالغة ممكن مش تصدقها بس ممكن تسأل عليها في أدريان المطبعة أنا مركب عندهم في سنة 2010 سيستم صوت في عربيتي رقم 2 ب 23 ألف جنيه بالشاشات وإستخدمت العربية شهر بعدها وهي من يومها مرفوعة ومتغطية ومش بتمتع بالسيستم ولكن كانت الفكرة إني أكون صاحب أعلى سيستم صوت في عربية مصرية كانت دي جي متنقل بسماعات وتويترات خارجية

الحمد لله
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[EdoAmeen]

جميل الله يوفقك :]

[Dr/ P.K.Sh]

الغاوى ينقط بطقيته

[saddam]

صديقي المواطن
أعتذر نسيت أقلك
بيبان الطيارة من 1900 إلى 2500 ودي بتختلف جودتها من واحد لواحد وبتحتاج صيانه وشيالات كتير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[smsm_nabawy]

ربنا يعينك!!

بس تكاليف كتير على فكرة!! لو سوهاج قريبة منك و مش لاقي حد كويس بتاع كماليات عندكم.. قولي أدلك على محل في سوهاج ميا ميا و سيطه مسمع لحد عندنا في الأسكندرية!! :)

[EdoAmeen]

________________________________
ومن ورا عايز اركب حاجة زي كدا "مش عارف اسمه " تقريباً "bumper plate"
مع العلم الي اني شفت ناس كتير عاملة الحركة دي في مصر بس مش عارف بيتباع فين الجزء دا الي يعرف يقوللللل :


___________________________________________

برضو مستني حد يقولي الجزء دا اسمه ا يه وبيتباع فين وهل بيتعمل لأي عربية مخصوص يعني ممكن يتعمل لل فولكسفاجن بييتل 1970؟؟؟