ساعدوني بعد اذنكم سريعا محتاجة مساعدة سريعة

[nonoymm]

خبطت عربية كيا كارينز في الاكصدام الخلفي ناحية اليمين في الفيبر بتاع 3سم شرخ والفيبر اتقشر
عاوزة اعرف تكلفة تصليحها تقريبا كام لان صاحبها سال في التوكيل بتاعها وبيقولي رقم خيالي لان بسلامته عاوز يغيره كله ويجيبه اسود وبعدين يرشه وبعدين يركبه فانا بصراحة مش هقدر وقلت له نصلحه عند احسن ورشة في الحرفيين مرضيش وقالي عربيتي مودهاش ورشة وتوصلنا نحسب تكلفتها في الورشة وادفعهاله علما باني لما خبطتها غصب عني محدش شافني ابدا وبنفسي روحت كاتب له رقم تليفوني
الراجل منتظر مني تليفون فيدوني بالله عليكم وجزاكم الله خيرا

[muhmado_furp]

اولا انا عاوز احييك علي امانتك
انا واحد سواق تاكسي في الجراج من يومين كسرلي الاكصدام الي ورا
وجيه بيعتذر وعاوز يصلحه قولتله كفاية امانتك وانا مسامحك ولما ربنا يكرمني هبقي اغيره
بالنسبة لحضرتك الموضوع هيتكلف 150 جنيه فك الاكصدام ولحامه واعاده تركيبه
ولو هيرشه كله هيتكلف 150 اقصي حاجه
يعني اعلي حاجه 300 جنيه لانك زي مابتقول شرخ 3 سم
وممكن تكلمي كريم منير يقولك تقييمه ليها وممكن يعملها كام وهتطلع زي الفل

[Mamoud salah H]

مش اكتر من 300 جنيه
وبعديين هو ماله بيتنك لييه كدة اومال لو بي ام ولا ميرسيدس كان عمل اييه
المهم انا راي حضرتك ترميله 300 وتقوليلو هو دة المتاح ولو مش عايز بلاش خالص وابقي صلحوا علي حسابك

[دعبدالرحيم]

انا في رائي تشتيريله اكسدام وهو يركبه.. يرشه..انت كده عملتي اللي عليكي وذيادة ولو مرضيش ..قوليله اضرب راسك في الناحية التانية للاكسدام..

[nonoymm]

جزاكم الله خيرا
والله النهاردة الرجل عمل موقف وحش اوي رغم اننا متفقين على كل حاجة رجع سحب كلامه وخلى الامن بتاع النادي يكلم زوجي في التليفون ويدعي اننا مش سالين فيه وحسبي الله ونعم الوكيل
المهم بعد شد وجذب وهو مش راضي ياخد 400ج والله قلنا هندفعهم زوج بنته قال خلاص نروج للحرفيين عند واحد معرفته زوجي قاله لا عند ورشة واتنين وتلاتة وهما يحددوا التكلف كام وهندفعها وهيروحوا يوم السبت والله ياجماعة واضح ان الامانة والادب معدتش تنفع اليومين دوزل وربنا يخرجنا منها عل خير زوجي كان صعبان علي وهو عمال يقوله يا حاج محدش شافنا وكنا ممكن نمشي بس دة بيني وبين ربنا وقلت هنتفاهم ودي لية تشكي للامن يقوله ما انت مابتسالش في والرجل كداب لسة مكلمينه امبارح العصر وعرفناه التكلفة المبدئية وقلناله فيه اتنين لسة هناخد رايهم علشان نبقى سالنا كفاية وحسبي الله ونعم الوكيل بقى وربنا يبارك فيكم يارب

[Mamoud salah H]

والله انا راي حضرتك تجبيله اكصام وتسيبيه عند الامن وتسيبي رسالة مع الامن ان هو دة الي عندنا ولو مش عاجبك اتحرق انت وعربيتك

[start_wow]

لا حول ولا قوة الا بالله..الامانة دلوقتي بقت عقاب اكتر من احترامها وتقديرها :(

[nonoymm]

السلام عليكم ورحمة الله
والله يا جماعة مش عارفة اشكركم ازاي حضراتكم نورتوني جدا
النهاردة الصبح زوجي وزوج اختي اتقابلوا مع الرجل دة وزوج بنته وراحوا الحرفيين وللاسف الرجل زي ما قلت لكم رجل كداب وملاوع اكتشف زوج اختي ان الاكصدام من الجهة اللي اتخبطت مخبوط ومتصلح ومتمعجن ومرشوش قبل كدة وطبعا اباطرة الصنايعية فهناك اكدوا الكلام دة والرجل اتخرس خالص ووشه اسود من الاحراج ادام الناس ومفتحش بقه بكلمة تاني بعد ما كان مودي زوجي لواحد قاله 1800ج قبل زوج اختي ما يتقابل معاهم ويكتشف الموضوع دة !!
والناس اتلمت والصنايعية واصحاب المحلات حكموا ب500ج وقالوا نلمهاله وتبقى زي الفل ب400ج زوجي قال 500ج اهم الرجل الطماع الكداب يقوله طب 100كمان بصراحة الناس قالوله حرام عليك كدة كتير والرجل اللي هو زوجي معليهوش حاجة تانية والرجل دة غلط في زوج اختي لانه كشفه وبعد ماخلصوا يقوله انت جايبهولي منين والصنايعية حاشوا زوج اختي عنه الرجل الكداب الغلاط دة !! والله العظيم انا وزوجي متأزمين بقالنا كام يوم وخايفين نظلمه وهو عامل ازاي حسبي الله ونعم الوكيل وفي الاخر الناس بتقوله دة العوض يا حاج خلاص كدة يقول لا دة مش عوض ودة مش حقي معرفش والله هيقابل ربنا ازاي وهو كدة المهم الموضوع انتهى وجزاكم الله خيرا يارب

[Mamoud salah H]

والله حضرتك وزوجك عملته معااه الي عمر ما كان يحلم انه يحصل عشان كدة كان طمااع ويتنك عليكم
انا لو في مكانه اصلا ياما هرميلة 200 ا 300 جنييه في وشه واقولو مع نفسك ياما كنت هجيبله اكصداام كامل جديد بس دة في حاله انه يكون راجل محترم ومش طماع غيير كدة يروح يشرب من البحر

[mostafa magdy]

انا عربيتي واقفه في الشارع أوكتافيا فانتازيا .. واحد عنده مخزن في نفس الشارع .. محدش لا بيدخل ولا بيخرج من الشارع غير عربياته النقل ..
كنت مسافر و رجعت بعد يومين لاقيت الفانوس الخلفي متدغدغ .. و الأكصدام و الرفرف .. أبن الكلب الحيوان ربنا يدمر أهله كلهم .. قالي معملتش حاجه و مكلش حاجه عندي
في التوكيل قالولي 5000 ..
صلحتها انا ب 1000 بره بالفانوس بكله ..
و لو كان جه قالي أنا اسف غصب عني أي أبن كلب .. والله كنت قلتله خلاص ..
أشكال وسخه .. و الأمانه مفيش

[Yousef.Kamel]

الناس اغلبها مفيش ضمير

[احمد المصرى]

والله انا مصدوم من ال قريته دا احنا وصلنا للمرحله دى يعنى العربيه مش فبريكه اوى يعنى علشان يعمل كل الفليلم دا وكمان مش عاجبه فعلا احنا محتاجين ثوره فى الاخلاق

بس انتى وزوجك ناس محترمه جزاكم الله كل خير واوعى تنزلى من ال انتى عملتيه دا كله ثواب