غير شكل الجنوط الحديد

[رامي مصطفى]

السلام عليكم
انا شوفت حاجه كده زي رينجات نيكل بتركب على الجنوط الحديد بتحلي شكلها خالص لغاية ماربنا يفتح علينا ونجيب جنوط محترمه ودي صورها ياريت لو حد يعرف بتتباع فين وبكام وشكلها حلو ولا فلاحي

[mahmoud_ali]

باشا انا مش عايز ازعلك من رائى بس انا بشوفها فى العربيات النص نقل فقط وقليل منها فى الملاكى

[waleedrahmy]

والتاكسيات ايضا

[saddam]

صديقي المواطن
الموضوع ده بقاله أكتر من 30 سنة وجت فترة كده من 20 سنة التكسي لما يحب يروشن عربيته لو محطش اﻹطواق النيكل دي يبقه كأنك مش حاطط سكر في الشاي وكانت مهمه جدا في عالم الشد بره مصر وكانت بتركب كتير خصوصا في العربيات الفيكترا وفيه منها أنواع كتير ودرجات في الجودة وكمان أحجام ومغيش غير أحجام 13 و 14 و 15 وموجودة في التوفيقية بكثرة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Car's Sniper]

بغض النظر عن شكل العربية تاكسى او لا وهى واقفة ..لكن شكلها وهى ماشية على سرعة بتبقى جميلة جدااااااا واشيك من جنوط سبور كتير

[HADEDA]

السلام عليكم
انا شوفت حاجه كده زي رينجات نيكل بتركب على الجنوط الحديد بتحلي شكلها خالص لغاية ماربنا يفتح علينا ونجيب جنوط محترمه ودي صورها ياريت لو حد يعرف بتتباع فين وبكام وشكلها حلو ولا فلاحي

شكلها فعلا حلو وبفكر اجيبها ياترى بكام؟

[رامي مصطفى]

باشا انا مش عايز ازعلك من رائى بس انا بشوفها فى العربيات النص نقل فقط وقليل منها فى الملاكى

اولا : شكرا جدا لكل ايللي رد ولو حد عارف اسعارها يبقى تمام
ثانيا : مافيش زعل ولا حاجه اومال انا طلبت رأي حضراتكم ليه
انا نفسي في اي تعديل على الجنوط الحديد لو عند حضرتك افكار طاسات اللانوس مش ظريفه

[Ayman-Ahmed]

الطقم ده شفته فى التوفيقية من حوالى اسبوعين من 90 ل 110 مقاس 14.

شفته عند اتنين :

واحد فى المول القديم فى الدور التالت او الرابع (محل جديد او متجدد) لف فى الدورين شوية.

واحد جنب توكيل اريون فى الشارع اللى اوله السينما وده عنده طاسات كتير وطاسات اشكال جنوط.

[J A G U A R]

انا بشوفها على طول فى تاكسيات اللادا