هركب زينون بي ام و عاوز مساعدة ضروري

[Abdo Taha]

السلام عليكم ان شاء الله هيجي لوالدي مكنة زينون " module " زينون بتاع بي ام و هيركبه في الفيكترا سي فسؤال بسيط هل هيركب عادي بدون مشاكل ؟

ثانيا : عايز اجيب لمبة تكون كويسة و بتفرش و عايز يكون لونها و كفاءتها زي الفبريكة بالظبط يعني بيبقى كام حرارتها ؟
4300 ام 6000 كيلفن لأن بشوف زينون ازرق ولكنه مش كفاءة لكن الابيض بيفرش كويس معلش هتعيكم و يا ريت الرد سريعا عشان هيركبو بكره او بعده ان شاء الله .

[Mr_revenger]

السلام عليكم ان شاء الله هيجي لوالدي مكنة زينون " module " زينون بتاع بي ام و هيركبه في الفيكترا سي فسؤال بسيط هل هيركب عادي بدون مشاكل ؟

ثانيا : عايز اجيب لمبة تكون كويسة و بتفرش و عايز يكون لونها و كفاءتها زي الفبريكة بالظبط يعني بيبقى كام حرارتها ؟
4300 ام 6000 كيلفن لأن بشوف زينون ازرق ولكنه مش كفاءة لكن الابيض بيفرش كويس معلش هتعيكم و يا ريت الرد سريعا عشان هيركبو بكره او بعده ان شاء الله .

بص يا كبيير،،بالنسبه لموضوع لزينون مش حفتيلك فيه بصراحه،، اخلى الاساتذه اللى عندهم خبره اكتر منى يفيدوك،،،،،انما بالنسبه لموضوع اللمبه الكويسه،،،فانا ارشحلك انك تركب لمبه فيليبس اصلى حتديكى اضاءه اقوى من الاصلى وشكل اشيك كتير،،،واضائتها ابيض تلجى نقى

بص على اللينك ده وانت تعرف انواع اللمبات ايه بس انا شخصيا حركب الفيليبس اكستريم فيوجن وارشحهولك بقوه

الفرق بين موديلات لمبات فيليبس | crazycarblog

شوف كده وقولى وتوكيل لمبات فيليبس موجود فى شارع البطراوى متفرع من عباس العقاد

[Abdo Taha]

بص يا كبيير،،بالنسبه لموضوع لزينون مش حفتيلك فيه بصراحه،، اخلى الاساتذه اللى عندهم خبره اكتر منى يفيدوك،،،،،انما بالنسبه لموضوع اللمبه الكويسه،،،فانا ارشحلك انك تركب لمبه فيليبس اصلى حتديكى اضاءه اقوى من الاصلى وشكل اشيك كتير،،،واضائتها ابيض تلجى نقى

بص على اللينك ده وانت تعرف انواع اللمبات ايه بس انا شخصيا حركب الفيليبس اكستريم فيوجن وارشحهولك بقوه

الفرق بين موديلات لمبات فيليبس | crazycarblog

شوف كده وقولى وتوكيل لمبات فيليبس موجود فى شارع البطراوى متفرع من عباس العقاد

اللمبة دي زينون يا باشا ؟

[hamisa08]

لا دى لمبة هالوجين عااادى بس هتجتاج تركبلها كتاوت

و فيها كمان ميزة لو الفوانيس عندك مفيهاش عدسات هى هتقوم بردة بالواجب

[Abdo Taha]

لا دى لمبة هالوجين عااادى بس هتجتاج تركبلها كتاوت

و فيها كمان ميزة لو الفوانيس عندك مفيهاش عدسات هى هتقوم بردة بالواجب

طب انا عايز لمبة زينون نضيفة تبقى زي بتاعة الفبريكة ممكن تعمل كام ؟ و للعلم عندي عدسات و نوع اللمض h7

[horas3000]

للافاده و بعد استئذان الباشمهندس عبد الرحمن هنقل الحوار اللي دار ما بينا علي الخاص بخصوص الموضوع ده

السلام عليكم اولا

لو سمحت يا باشا ان شاء الله هيجيلي مكنة " module " زينون بتاع بي ام 320 موديل 2007 هل لو ركبت على الفيكترا سي هيبقى فيه مشاكل و لا هتركب على طول و لو عاوز اجيب لمبة محترمة زي الفبريكة بتاعتها الاقيها فين و ممكن النوع و لو تقدر تفيدني كام حرارة اللمض الاصلي اللي بتخلي النور باين كده 4300 ام 6000 لو تقدر حضرتك تفيدني يبقى ليك جزيل الشكر .

و عليكم السلام يا زعيم

مبدايا كده الزنون اللي بينزل فابريكه في البي ام و المرسيدس الموديول بيكون built in في الفانوس نفسه و حتي اللمض غير
فمش عارف ازاي هيجيلك و ازاي هتركبه
بس عموما لو الموديول معاه canbus او error canceller مش هيعمل مشاكل ان شاء الله

و بالنسبه للمض بقي
انا جبت لمض عاديه من فيليبس بس بيتميزوا بلون قريب للزنون و جبتهم للعالي عندي جنب الزنون
اللي انا مركبهم عندي اسمهم diamond vision دول اضائتهم 5000k عشان الزنون عندي كده و بالتجربه فهما قريبين جدا منه و عملت 165 جنيه و جبتها من محل جنبي في مدينه نصر و عموما متوفرين عند بتوع الاكسسوارات
في موديل تاني اسمه crystal vision و ده اضائته 4300k زي الزنون الاصلي (مصفر)
دول حسب كلام فيليبس المفروض بيدوا اضائه اقوي 40% عن الاصلي بس بالتجربه الفرق 10-15% بالكتير
و في ال extreme vision و دول اصفر عادي بس اضائه اقوي 100% و دول في مواضيع عنهم كتير في المنتدي سواء هما او الاورسام

و اورسام برضه عندها نفس الحوار بتاع اللمبات اللي شبه الزنون و اسمهم cool blue تقريبا
بس انا فضلت الفيليبس لان الفابريكا عندي فيلبس و سمعت ان عمرهم اطول

اولا مشكور جدا يا باشا على تعبك ثانيا الموديول مفكوك من الفانوس و انا كنت بسأل على لمبة زينون مش هالوجين لأني عاوز اركبها على الموديول فهمتني كده؟ و بشكرك مرة ثانية على تعبك معايا:10d5c8w1107:

العفو يا زعيم
و برضه مش فاهم ازاي الموديولات مفكوكه من الفوانيس
اصل الفوانيس الزنون الستوك نظامها غير العادي و الموديول زي ما قلت من ضمن الفانوس نفسه و اللمبه مختلفه تماما عن العادي بس ما علينا

فحسب بقي نظام الموديول اللمبه هتتحدد
لو تقدر تجيب صوره ليه اقدر اساعدك اكتر

مبدايا الزنون الفابريقه عاده اللمبه بتبقي نوعها يا d1s يا d2s و دول بيبقي فيهم جزء مكمل للموديول
الزنون العادي او ال aftermarket نوع اللمبه بيتحدد حسب نوع اللمبه الفابريكه عندك h1,h4,h7 للعالي و الواطي او h8,h11 للفوجات و هكذا

و اللون ده بيتحدد بالكيلفن و الفابريقه عموما بيكون 4300 كلفن و ده بيكون ابيض مصفر كل ما تطلع البياض بيزيد و الزرقان يحل محل الصفار
و عموما في مصر غالبا مش هتلاق الا ال 6000 و 8000 لان دول اكتر لونين منتشرين و الناس هنا بتحبهم

اتمني اكون ساعدتك المره دي

ان شاء الله هحاول ابعتلك صورة للموديول بليل فمثلا لو لقينا الموديول كويس هل ممكن اجيب لمبة زينون اركبها عليه زي اوزرام مثلا و ممكن تكون تكلفتها في حدود كام ؟

اكيد طبعا
اللمبه الصيني العادي في حدود ال 150 جنيه +/- بس ده لللمض العاديه
و مش عارف الاورسام او الفيليبس يعملوا كام
ال d1s هتكون اغلي انا جايبهم لعربيه والدي من الكويت الجوز كان عامل 900 جنيه
اعتقد هنا هيكونوا اغلي
و في انتظار الصور

نعم 900 جنية !!!!! انا توقعت مثلا لمبة زي الاصلي في حدود ال250 او 350 طب الصيني النضيف ممكن يعمل كام انا بس نفسي يبقى فارش و كويس اصل انا مغير زينون عشان كده و لو تقدر تقلي ايه افضل نوع و يبقى قريب من الفبريكة معلش تعبتك جدا معايا بس اصل والدي مسافر قريب و عايز نور كويس لأن اللمبة الهالوجين عمرها قصير و اضائتها بقت خفيفة . بشكرك مرة تانية و اسف اني ازعجتك يا باشا .

ههههههه
حضرتك ال 900 جنيه دول للمبات مش اصلي بس جوز يعني الواحده 450 جنيه
الاصلي هناك كانت عامله 1750 جنيه للواحده
و هنا التوكيل بيبعها ب 3000 جنيه للواحده

و عشان كلامي يكون واضح ده للمبه ال d1s اللي بتجي مع الزنون الفابريقه و دي صورتها عشان تقدر تعرفها



اللمض الزنون العاديه هي اللي ارخص
و طبعا حسب النوع و زي ما قلت الصيني بيلعب في حدود ال 150 و معنديش فكره الفيليبس و الاورسام يعملوا كام

و دي صوره ليهم



و زي ما انت شايف الفرق ان ال d1s فيها جزء زياده زي الموديول

بالنسبه لموضوع الفرش فده يعتمد علي هل عندك عدسه و لا لا
و لو معندكش حسب تصميم الفانوس و العاكس
بس عموما الزنون اضائه اعلي من الهالوجين العادي 400% فمتقلقش من الموضوع ده
كاضائه الزنون لا يعلي عليه

عموما لسة مكلم بتوع اوزرام و قالولي ممكن نديك لمبة h7 6000k ب 350 لو جبتها من عن طريقهم اما لو من بره ممكن يدوهاني بأغلى من كده مش عارف بقى هما قصدهم ان اللمبة الواحدة ب 350 ام اللمبتين .

طب تمام
و غالبا السعر للجوز بس يستحسن تتاكد
و مش فاهم يعني ايه عن طريقهم و لا من بره
و الكلام ده لمض جديده و لا استيراد ؟؟
الفكره كلها انك بتقول الموديول مفكوك من عربيه bmw
و ده اللي هيحدد نوع اللمبه اللي تركب عليه لو زي ال bmw الفابريكه و لا ده حاجه تاني
ثم انت اصلا عربيتك فيها لمبات h7 و لا نوع تاني

للأسف ال 350 طلعو لللمبة الواحدة و انا متأكد ان الفيكترا سي h7 لأن والدي كان مغير اللمض في التوكيل و لقيت اللمبة القديمة h7

مممممم للاسف

و بص يا زعيم
بعد جوله بسيطه علي جوجل لقيت شكل الموديولات الاصلي
و طبعا مختلفين تماما عن العادي و اللمض بتاعتهم لازم d1s زي ما وضحت

و دي الصور





فلو الموديول اللي جايلك بالمنظر ده فاللمض ال h7 مش هتنفع للاسف
ولازم تشوف برضه اللمض ال d1s هتنفع تركب في الفانوس عندك و لا لا من اساسه لان طبعا السوكيت بتاعهم مختلف

فاللي هيحدد الحوار كله الموديول اللي جايلك شكله ايه

طيب عموما اما يجيلي هصورهولك و ابعتلك رسالة بيه اسف جدا ازعجتك و دايقتك بالرسائل الكثير بس بجد مش عارف اشكرك ازاي على تعاونك و انتظر مني رسالة قريب ان شاء الله .

[Mr_revenger]

ابقى طمنا يا عبدو باشا فى الاخر وصلت لايه لما يجيلك الموديول بالسلامه

اما بالنسبه لحورس باشا خادم الكل،،،،كنت عاوز اسال سيادتك،،،،لمبات الفوج لايت بتبقى h7 ولا h11 !? وهل بتفرق من عربيه لعربيه ،،،يعنى انا بدور مثلاً على لمبات تبقى اضائتها ابيض تلجى لفوانيس الفوج فى الانسيجنيا،،،،فدى نظامها ايه وهل بتبقى plug and play ولا فيها تعقيدات !؟؟

وتصحيح معلومه،،،اعتقد ان الفيليبس extream viosion اضائتها ابيض تلجى قريب للزينون مش صفراء وبيدى اضاءه ١٠٠٪ زياده

[Abdo Taha]

بصو يا رجالة اللمض مع الموديول زي ما horas باشا قال هى d1s او d2s هل ينفع تركب عندي مكان اللمض ال H7 و بالنسبة لعندك يا مهند باشا لازم تفك اللمبة و هتلاقي مكتوب عليها ده بالنسبة للفوجات اما لمض الواطي اعتقد انهم H7 زي الفيكترا عندي .

[horas3000]

ابقى طمنا يا عبدو باشا فى الاخر وصلت لايه لما يجيلك الموديول بالسلامه

اما بالنسبه لحورس باشا خادم الكل،،،،كنت عاوز اسال سيادتك،،،،لمبات الفوج لايت بتبقى h7 ولا h11 !? وهل بتفرق من عربيه لعربيه ،،،يعنى انا بدور مثلاً على لمبات تبقى اضائتها ابيض تلجى لفوانيس الفوج فى الانسيجنيا،،،،فدى نظامها ايه وهل بتبقى plug and play ولا فيها تعقيدات !؟؟

وتصحيح معلومه،،،اعتقد ان الفيليبس extream viosion اضائتها ابيض تلجى قريب للزينون مش صفراء وبيدى اضاءه ١٠٠٪ زياده

لمبات الفوج عادة بتبقي يا h8 يا h11
و طبعا لازم تشوف عندك ايه و هتلاقي مكتوب الكلام ده علي الفانوس نفسه او تجيبه من المانوال بتاع العربيه

و لو هتجيب لمبات طالما نفس الوات و الفولت زي الفيليبس او الاورسام هتبقي plug and play
عايز تعلي او تركب زنون هيبقي في كتاوت و الزنون لازم يكون canbus كالعاده

و ال xtreme vision مش ابيض تلجي ابدا لان اضائتها 3600K يعني اصفر
هي افتح شويه من الستوك بس مش ابيض

و دي صوره بتوضح الكلام ده

بصو يا رجالة اللمض مع الموديول زي ما horas باشا قال هى d1s او d2s هل ينفع تركب عندي مكان اللمض ال H7 و بالنسبة لعندك يا مهند باشا لازم تفك اللمبة و هتلاقي مكتوب عليها ده بالنسبة للفوجات اما لمض الواطي اعتقد انهم H7 زي الفيكترا عندي .

الاول لازم تشوف اللمبه ال d2s او d1s هتنفع تبات عندك في الفانوس كويس و لا لا
و الفكره ان اللمبات دي بتركب في الموديول دايركت مش بسلك زي ال aftermarket لان الموديول بيكون جوه الفانوس
فلازم طريقه كويسه تركبها بيهم بحيث تعرف تثبت الموديول و المبه كويس
و معرفش اذا في طريقه تانيه يتركبوا بيهم في دي اللي هتركب عنده الاطقم او اللي شاريه منه ممكن يفيدك اكتر


و بالنسبه للاسترا لازم يتاكد لان اخونا محمود اللي كان معاه الاسترا ال GTC قالي اللمبه عنده كانت H4 يعني لمبه واحده للعالي و الواطي

[Abdo Taha]

تم بحمد الله تركيب الزينون عند صابر بسم الله ما شاء الله افضل كثير كثير و طبعا بما انها لمض و مكنة بي ام اصلي فالنور ظابط صح و الزينون بيسخن بسرعة جدا و طبعا مش عايز اقلكوا على شكل العربية اختلف تماما بقى ليها هيبة مختلفة تماما ، بشكر horas باشا على مساعدته ليا قبل التركيب و المعلومات اللي افادني بيها .

[horas3000]

تم بحمد الله تركيب الزينون عند صابر بسم الله ما شاء الله افضل كثير كثير و طبعا بما انها لمض و مكنة بي ام اصلي فالنور ظابط صح و الزينون بيسخن بسرعة جدا و طبعا مش عايز اقلكوا على شكل العربية اختلف تماما بقى ليها هيبة مختلفة تماما ، بشكر horas باشا على مساعدته ليا قبل التركيب و المعلومات اللي افادني بيها .

طب الحمد لله
و العفو يا باشا علي ايه الناس لبعضيها
و الف مبروك و الزنون بيفرق طبعا سواء كاضائه او منظر