تركيب فتحة سقف اورابكوم

[moaah5000]

فيه حد يا شباب عندو تجربه تركيب فتحة سقف 6ند ارابكوم مدينة نصر يفيدنا في الموضوع دة شغلهم نضيف وﻻ ﻻ بيدو ضمان في مشكله قابلتكم نوع الفتحة ايه صناعة ايه و اهم حاجة في مشاكل تسريب ميه و اعطال و كدة و في اماكن تانيه بتركب فتحة سقف و بتدي ضمان او شغلهم نضيف عن تجربه و شكرررا

[saddam]

صديقي المواطن
هم للأمانة رغم إنهم غاليين أوي وبيحبوا يشتغلوا فئة معينة من الناس بحكم المنطقة المحيطة بيهم إلا إنهم الوحيدون اللي بيركبوا فتحة سقف كهربا وعليها ضمان وآخر مرة كانت ب 2500 دلوأتي سمعت بيركبوها ب 3500 جنيه وهم بيركبوها بنظافة والفرق بينهم وبين غيرهم إن فتحة السقف يونيفيرسال بس بيشترطوا السقف ميكونش فيه بومبيه جامد إنما محلات تانية بتركبلك فتحة ب 1000 أو 1500 بس بتكون فتحة متشالة من سقف عربية زي لانسر مثلا وبيركبهالك مستعملة ودي راجعة لقوة حرفنة الصنايعي اللي عمل التعديل فبالتالي تخليك مع أرابكوم وإستغلالاتهم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Mr_revenger]

باشا هو فين مكانه فى مدينه نصر هل معاك اى نمر ليهم !؟

[mahmoud_ali]

متابع

[moaah5000]

index

دة الويب سايت بتاعهم فيه ارقام التليفون و العنوانا انا كلمتهم و قالولي مش موجودة دلوقتي و كانت بتتركب ب 3600 بس نسيت اساله علي الضمان و قالي اكلمة كمان شهر اتابع معاة لو جت ولا لسه يا ريت لو حد يكلمهم و يسالهم علي الضمان و يسال هتيجي امتي و ياريت لو حد ركب عندهم يحكيلنا علي تجربتة معاهم و لو فيه مشاكل في الفتحة بعد التركيب و بيعملو ايه علشان موضوع الميه و الباروما و شكرا

[Amro_ON]

متابع

[ABO MALEK]

3500 مش كتير كده ولا ايه؟!!
وهل بيفتح فى السقف مفسه ولا بيغير قشرة للسقف ولا ايه؟

[moaah5000]

هوة 3500 جنيه كتير طبعا بس لو الشغل اللي في بالي يبقي قشطه اهم حاجة انو يكون بيعملها باحترافيه جامدة و بيدي عليها ضمان و مستنيين اصحاب الخبرة هوة بيقطع في السقف علي قد الفاتحة و الفرش كمان و مبيرشش حاجة و برضه في انتظار حد مجرب يفيدنا

[moaah5000]

ايه يا شباب محدش عندو رد او تجارب في الموضوع دة

[moaah5000]

انا رحت ارابكوم امبارح و سالتهم علي فتحة السقف هيا الماني و بيدو عليها ضمان سنة و في منها مقاسين و الفني بص علي العربيه و قالي ينفع تركي عليها الصغيرة و الكبيرة و بتتكلف 3600 جنيه بس المشكله ان الفتحة مش موجودة و قالي انهم لسه هيستوردو و اتابع معاة كمان شهر و نص و سالت عرفت انها مش موجودة بقالهم 8 شهور و عديت علي البري اللي في التجنيد عاندو المانيوالةبس معجبتنيش و نصحني اروح اورابكوم للكهرباء فا من اﻻخر الحل عند ارابكوم و نستني لما يستوردوها بس الفتحة اللي شفتها عندهم تحفة صراحة اللي عاوز يركب فتحة زي حﻻتي يكلمهم و يحسسهم انو فيه ناس كتير عاوزة تركب علشان يستوردو بسرعة

[Yousef.Kamel]

المهم قبل الصيف

[moaah5000]

دة حسب الزن يا جماعة يا ريت كل اللي عاوزين فتحة سقف يكلموهم علشان يعرفو ان فيه ناس كتير عاوزة تركب و يستوردو شحنه في اقرب وقت و لو فيه حد جرب ركب من عندهم يا ريت ميبخلش علينا بتجربتو

[hameedo]

طيب يا ترى الفرش الخاص بالفتحة بيكون نفس اللون فرش السقف ولا بيتصرفه فى الموضوع ده ازاى

[ahmad--ezzat]

كل كلام ارابكوم كده

تسالهم علي حاجه...يقلك نجيبها ف خلال شهر ونص

مره سالت علي سست قالي نفس الكلام....والشهر والناص يجر شهر ونص


سيبك من الحوار ده لان فتحه السقف عذااااب حتي لو اصلي

[أسامه طياره]

مش مستاهل الموضوع كنت بحس فتحة السقف دي اختراع لحد ماجبت بيجو 307 كان فيها فتحة سقف كنت بفتحها واللي بيركب معايا يتوهم بس مش تحس بفرق غير بسبب الحرره في الصيف بتنساها ولازم تقفلها عشان الشمس والتكييف يشتغل حلو وفي الشتا تراب ! اختراع ملوش لازمه اوي في مصر بعد تجربه غير ان العقليات الفذه في مصر اللي بتقول "لازم السقف يكون فابريكه" والهم ده هينزلك من سعر العربيه