تنظيف فرش العربيه الجلد

[دموع الثلج]

الفرش عندى جلد بيج فاتح (( كريمى ))

انا بستخدم شاور جل اى نوع شاور جل مضروب الرخيص يعنى

بحط شويه صغيره على الفرش الجلد وبفوطه مبلوله بدعكه كويس وبنشششششششششفه بفوطه نظيفه مبلوله

بيبقى انظف من اول ما ركبته كمان وريحته حلوه من الشاور جل

[MoToRiZeR]

الفرش عندى جلد بيج فاتح (( كريمى ))

انا بستخدم شاور جل اى نوع شاور جل مضروب الرخيص يعنى

بحط شويه صغيره على الفرش الجلد وبفوطه مبلوله بدعكه كويس وبنشششششششششفه بفوطه نظيفه مبلوله

بيبقى انظف من اول ما ركبته كمان وريحته حلوه من الشاور جل

طب من فضلك يا دموع أصل انا كنت بفكر أركب فرش بيج فا كنت عايز اسألك كام سؤال

هل بيحتفظ برونقه بعد كدة من الإستهلاك ولا بيظهر فيه كرمشة و تجعيدات و كدة و بتبان عليه ؟
بيتوسخ بسرعة أوي فعلا ؟ حتي لو قافل إزاز العربية علي طول مثلا ؟
هل بيسخن جامد في الشمس و يبقي لا يحتمل زي الجلد الأسود ؟

و شكرا ليكي مقدماَ :)

[دموع الثلج]

بص يا موتريزر

انا مركبه الفرش من 6 شهور وبسم الله ماشاء الله ولا كانى استخدمته اصلا

ذى ماهو مشدود ولا كرمش ولا حاجه


لا مش بيتوسخ بسرعه ولا حاجه انا بغسله هقولك ليه لما بلبس اسود مثلا وفيه ملابس الصبغه اللى فيها سيئه اللون بيطلع مثلا
فى الصيف مع الحر ممكن تلاقى لون الظهر اغمق من اللبس الاسود بروح ذى ما قولت لك بشويه شاور جل وفوطه يرجع لونه الاصلى حتى لو غسلته بعد شهر

بعدين اشتريت عراقه لونها بيج برضوا على الكرسى واتحلت كل المشاكل السخونيه وتغير اللون
بالنسبه للسخونه فى الصيف هو بيسخن طبعا بش مش ذى الاسود نهااااااااااااااااااااااااائيا هقولك ليه 10% من الاسود
لما بركن فى الشمس وبجى اركب العربيه عادى بقدر اقعد على الكرسى لكن مقدرش المس الدريكسيون الا بفوطه مبلوله والله او ناشفه من كثر حرارته

[Moh.Fahmy]

افضل حاجة يا جماعة اسبراي و فوم مخصص للجلد امريكي اسمه Stp و فيه منع ملمع كاوتش رهيب جدا
الامريكان هما عمد الكار كير و الحاجات دي بتخضع لتجارب و اختبارات عديدة قبل ما يعتمدوها لان فيه حاجات صناعية اخري تكون ضارة بصحة الانسان خصوصا و انك بتكون قافل العربية دايما و مشغل التكييف
مع احترامي لكل الافكار السابقة

محمد فهمي

[AhmedSarhan]

ArmorAll Leather Care بيتباع فين وبكام يا شباب ؟

[Ahmed Selim]

ArmorAll Leather Care بيتباع فين وبكام يا شباب ؟

عادةً هتلاقيه فى On The Run وكمان ممكن تلاقيه فى كارفور أو سبينيز

[AhmedSarhan]

تسلم ايديك على الرد يا باشا

[Ahmed Selim]

العفو يا باشا....أنت تأمر :d

[dieseldash]

يا تري يا شباب حد عنده خلفيه ازاي ننضف فرش العربيه الجلد لانه عندي مترب ومش عارف اعمل ايه بالظبط علشان انظفه كويس والمعه .

بص انا لسه مركب فرش جلد عموله و الراجل قال لى امسحه بفازليين عشان مش بس ينضف لا و يفضل طرى على طول

[MoToRiZeR]

بص يا موتريزر

انا مركبه الفرش من 6 شهور وبسم الله ماشاء الله ولا كانى استخدمته اصلا

ذى ماهو مشدود ولا كرمش ولا حاجه

لا مش بيتوسخ بسرعه ولا حاجه انا بغسله هقولك ليه لما بلبس اسود مثلا وفيه ملابس الصبغه اللى فيها سيئه اللون بيطلع مثلا
فى الصيف مع الحر ممكن تلاقى لون الظهر اغمق من اللبس الاسود بروح ذى ما قولت لك بشويه شاور جل وفوطه يرجع لونه الاصلى حتى لو غسلته بعد شهر

بعدين اشتريت عراقه لونها بيج برضوا على الكرسى واتحلت كل المشاكل السخونيه وتغير اللون
بالنسبه للسخونه فى الصيف هو بيسخن طبعا بش مش ذى الاسود نهااااااااااااااااااااااااائيا هقولك ليه 10% من الاسود

لما بركن فى الشمس وبجى اركب العربيه عادى بقدر اقعد على الكرسى لكن مقدرش المس الدريكسيون الا بفوطه مبلوله والله او ناشفه من كثر حرارته

شكرا علي الرد يا دموع :k38:

[pegpus]

لم تحدد شامبو للقشره ولا العادي ونوعه ايه المصري ينفع ارجو التحديد لذيادة المعرفه

[ابوهاشم]

حد جرب موضوع الفازلين ده قبل كده