مسدس غسيل السياره

[devil_storm]

يا شباب فين الاقي مسدس غسيل السياره اللي ممكن اوصله علي خرطوم المياه مباشرتا ؟؟؟ بيتباع فين في القاهره؟؟؟
مسدس بس و ليس مغسله سياره كارشر لانها مكلفه جدا

حاجه ذي اللي في الموقع ده

حسناء ارتفاع الضغط غسل السيارات أنابيب المياه المنزلية 15 مدفع المياه متر السيارة مسدس ماء النحاس مضخة رئيس

او ده

ارتفاع ضغط المياه فوهة خرطوم النحاس السيارات الماء يغسل رأسه بندقية غسيل السيارات للمنزل

او ده

النحاس مسدس ماء مدفع المياه بندقية رش السامية غسل السيارات بندقية سقي رئيس ضبط بندقية

[abb]

ب 33ج ف هايبر وان

[devil_storm]

ب 33ج ف هايبر وان

متشكر يا باشا ... متقدرش تحط صوره ليه؟؟

[abb]

للاسف معنديش صوره ليه بس هوا بلاستك مش نحاس وبيخرج 8 اشكال للمياه وسعره من 33 للصينى لغايه 235 للالمانى وف سوق كوم معروض عليه خصم

[devil_storm]

للاسف معنديش صوره ليه بس هوا بلاستك مش نحاس وبيخرج 8 اشكال للمياه وسعره من 33 للصينى لغايه 235 للالمانى وف سوق كوم معروض عليه خصم

طب انا دخلت علي سوق كوم دورت و مش لاقيه ... ممكن تحطلي لنك الصفحه اللي فيها المسدس

[medosalah]

يا باشا ممكن تجيب الرشاش او الشطاف بتاع الحمام من اي محل سباكه ب 10 جنيه وهيبقي تمام التمام

[abb]

بيع شراء الكترونيات ، هواتف، كمبيوتر، ملابس ، أحذية و المزيدصفقة اليوم

[devil_storm]

بيع شراء الكترونيات ، هواتف، كمبيوتر، ملابس ، أحذية و المزيدصفقة اليوم

شوفته اللي ب ٥٩ جنيه ... متشكر لحضرتك

[akmm]

يا باشا ممكن تجيب الرشاش او الشطاف بتاع الحمام من اي محل سباكه ب 10 جنيه وهيبقي تمام التمام

ايوه ولكنه ضعيف .............. اللى في العرض افضل .

[Mohamed Mousta]

شوفته اللي ب ٥٩ جنيه ... متشكر لحضرتك

دا الضغط بتاعو هيكون كويس ولا ضعيف؟

[aboomar22]

حتى اللى فى العرض ده ضعيف هو رشاش حدائق اقولك فكرة روح لخراط قولة عايز اعمل بوز للخرطوم هيخرط حته نحاس على مقاس الخرطوم وهيعملها بوز حسب فتحة الخروج المطلوبة وممكن تعمل مقاسين مختلفين ومش هتتكلف كتير وعمرها ماتبوظ ابدا

[JAM]

انا عندى الألمانى وكنت شاريه من حوالى سنتين من هايبر.. ماركة جاردينيا بتاع الحدائق.. هوا بصراحة من وجهة نظرى أكثر من رائع لإنى بتحكم فى شكل المياه الخارجة وكمان ضغطها والأجمل إنه على شكل مسدس.. يعنى أقفل المياه وأنا واقف.. مش شرط أجرى على حنفية المياه علشان أقفل المياه.. عيبه الوحيد إنه مكلف

[elsherif_2000]

حتى اللى فى العرض ده ضعيف هو رشاش حدائق اقولك فكرة روح لخراط قولة عايز اعمل بوز للخرطوم هيخرط حته نحاس على مقاس الخرطوم وهيعملها بوز حسب فتحة الخروج المطلوبة وممكن تعمل مقاسين مختلفين ومش هتتكلف كتير وعمرها ماتبوظ ابدا

اللي انت بتقول عليه بيتباع عند بتوع الخراطيم في مدخل منشيه ناصر ال3/4 بوصه ب خمسه جنيه

[م.محمد خاطر]

فيه في شارع الجمهورية ف رمسيس الحاجات دي واكتر وهتلاقيها متنوعة والخراطيم النضيفة كمان اللي بتستحمل الضغط

[devil_storm]

بيع شراء الكترونيات ، هواتف، كمبيوتر، ملابس ، أحذية و المزيدصفقة اليوم

اشتريت المسدس اللي قولتلي عليه من موقع سوق دوت كوم و استلمته و جربته و بصراحه جميل جدا ... متشكر جدا لحضرتك