حقن السيارة بالمعطر

[MoMohsen]

زيزو باشا شكرا عالشرح بس انا عايز أسأل لما الاسانس ريحته نفاذة كدة وبتغرق العربية (مابالك تى شيرت) وهو المادة الخام من العطر طب ليه محدش بيروح يجيبه يحطه فى ازايز بدل البارفان؟ هو سؤال غبى بس احنا طامعين فى سماحة صدرك (مش اسمها سماحة صدرك برضه ولا ايه؟) .

الايسانس مينفعش يستخدم على الملابس مباشرة لانة مهما كان هو بردة زيت و اكيد هيعمل بقع.ولكن فية بعض الانواع من العطور زى العود و المسك و العنبر و اغلب الانواع الشرقية بتنزل زيت بس و بتكون فى زجاجات صغيرة زى اللى فى الصورة بتاعت دموع كدة و السبب ان الجرام الاصلى منها بيوصل لاثمان فلكية و انة بيتم وضعة على الجسم مباشرة و ليس الملابس.
فكرة ان التركيز كل ما كان اكتر فى البرفان يبقى الرائحة افضل دة مش صحيحة و الدليل انك حتى لو رحت عملت برفان نسبة تركيزة 50% مش هيبقى افضل من البرفان الاصلى و دة لاسباب كتيرة.منها نوع الكحول المستخدم و نوعية الايسانس و درجة المثبت و درجة الفواح و مدة تعتيقة و غيرها من الاسباب الخفية الغير معروفة الا للشركات المصنعة.

[MoToRiZeR]

ميزة الفكرة دي إنها ممكن تتحط في ال cup holder من غير لزق ولا حاجة .. و حتي لو إتشقلبت بالعربية هو في مكانه

انا عامل كدة علي فكرة فيه معطر أسباني زي ده بالزبط أعتقد ده الضرب بتاعه .

[abdelaziz-waleed]

فكرة ان التركيز كل ما كان اكتر فى البرفان يبقى الرائحة افضل دة مش صحيحة و الدليل انك حتى لو رحت عملت برفان نسبة تركيزة 50% مش هيبقى افضل من البرفان الاصلى و دة لاسباب كتيرة.منها نوع الكحول المستخدم و نوعية الايسانس و درجة المثبت و درجة الفواح و مدة تعتيقة و غيرها من الاسباب الخفية الغير معروفة الا للشركات المصنعة.

حضرتك انا ما قولتش ان الرائحة هاتكون افضل. الرائحة واحدة ولكن قوة الرائحة هاتكون اقوى. ممكن حضرتك تقوللي ايه الفرق بين البرفان وماء التواليت وليه البرفان اغلى؟؟؟ الفرق ان تركيز الزيت في البرفان بيكون اعلى
اما بالنسبة للكحول فا مافيش غير نوع واحد بس هو الكحول الايثيلي وتركيزه بيكون 70% وده فائدته انه بيكسر او بيدوب الزيت او الاسانس. ثم انا ما جيبتش سيرة البرفان الاصلي لأنه بالتأكيد هايكون افضل من اي برفان هايتصنع في البيت. انا بتكلم على نوع واحد من الزيت لو عملت منه تركيز عالي وتركيز منخفض انهي واحد هايكون افضل
اما بالنسبة للتعتيق فانا اعتقد ان لو حضرتك سيبت البرفان في التلاجة لمدة 3 ايام ثم وضعته في مكان مظلم لمدة 15 يوم بالكتي هايكون كافي جدا لتفاعل الكحول مع الزيت. مش فاهم انا ايه مدة التعتيق اللي حضرتك بتتكلم عنه ده

والمثبت ممكن تستخدم الجلسرين لأنه اقل تطاير من الكحول

ياريت قبل ما ننقد حاجة نتكلم بإثباتات علمية ونقرا المشاركة كويس

[abdelaziz-waleed]

انا جبت لكم الفيرجن الجديد من الاختراع

بس هيتحدث ده فيرجن تجريبى لسا

السفنج
والزيوت انا اشتريت 3 انواع
والعلبه اللى وراء دى فيها اربع علب صغيره ذى اللى فوقها كده لقيتها فى محلات ابو 2.5 هى معطر فيها جل قال معطر قال
امال اللى انا بفتكسه ده ايه :D
ما علينا المهم الاربع علب ب 2.5
العلبه شكلها حلو اهو لا تونه ولا ورنيش :cute: هى من نوع بلاستيك خفيف والغطاء بتاعها مخرم جاهز

وعلى جمب اللزق الدابل فيس عشان الزقها تحت اى حاجه

دى الزيوت الزجاجه الحمرا ده مخلط اماراتى يجنن الجرام ب 3 جنيه
والزجاجه البيضاء دى فيها زيت فراوله ريحته حلوه اووووى الجرام ب .نص جنيه
والزجاجه اللى فيها نصها ده عـــــــــــــــود ملــــــــــــــكى وعشان ملكى الجرام بعشره جنيه

وادى العلبه قصيت السفنج على قدها وحطيته فيها وبكره هقفلها وانزلها العربيه الزقها تحت الكرسى

على فكره الطلب باسبقيه الحجز حتى نفاذ الكميه

طبعا يا دموع انا المعطر بتاعي هايكون مجانا ولا ايه
داحنا دفنينه سوا :D:D

[MoMohsen]

ياريت قبل ما ننقد حاجة نتكلم بإثباتات علمية ونقرا المشاركة كويس

يا فندم انا اكيد مش بنتقد رأى حضرتك و لا بحب حتى اسلوب النقاش يكون فية نقد .هى كل الفكرة انى قلت "فكرة ان التركيز كل ما كان اكتر فى البرفان يبقى الرائحة افضل دة مش صحيحة" و اكيد مش معنى ان الفكرة مش صحيحة يبقى بنتقد صاحبها بالعكس انا افضل ان يكون الرد علمى و مش مجرد خناقة لان الخناق مفيش اهل منه.و على العموم يا فندم حقك عليا لو كان اتفهم كلامى غلط و شكرا.
بالنسبة لفكرة ان الكحول 70% ودة ثابت فدية اختلف معاك فيها لان حتى لو نسبة التكيز واحدة لكن الجودة بتفرق طبعا.

انا بتكلم على نوع واحد من الزيت لو عملت منه تركيز عالي وتركيز منخفض انهي واحد هايكون افضل

اكيد فى النقطة دية انا معاك ورأيك مظبوط.
وبكرر اسفى لو كان اتفهم كلامى خطأ.

[M.Mokhtar]

سعادتك والله اعلم هتكون مش جمب ميمى

هتكون فى بيتهم بالظبط وطبعا واجب الضيافه والزياره الكريمه من محافظه حلوان المستقله الى محافظه الجيزه المحتله واجب كبير

بالترتيب كده من كنتاكى تطلع على ماك وتنزل على هارديز واخر شى تختم بالمالكى والحساب عند ميمى اكيد :D:D:D متقلقش

اكيد طبعا وليد ينورنا بس وانا هقوم بالواجب
وزياده عليهم وجبتين دليفرى ليكى يا دموع
وهقوله الحساب كله عند الهانم :)

على فكره يا ميمى انا تحط جمب اسمى فى المنتدى تاء التأنيث ولو شفتنى بتخانق فى الشارع يتحول اسمى الى جمع مذكرسالم :D:D

ههههههههه
اجدع ناس
بس انا لسه حتى الان ما شوفتكيش فى شارع الهرم
ولا شوفت ياريس بتشد ولا اى حاجة شكلك كده بتشتغلينى وزيك زى كل البنات بتمشى فى حالك

ويا وليد انا لو شوفت دموع اكيد هبعد خالص
انا بخاف امشى جنب اى عربيه بنت سايقاها :)

با سلااااااااام

هو مبقاش فيه غيري اللى بيعمل مشاركات بالعبيط فى المنتدى!!! ولا هو الكحكة فى ايد اليتيم عجبة

خلاص يا استاذ كريم و يا ست دموووع انا مقاطعة موضوعكو خااااااااالص عشان ترتاحو من مشاركاتى اللى بالعبيط
ولا تزعلوووووووو

ماتقوليش كده يا نهى
احنا كلنا هنا بنخنق على بعض مش اكتر :)
شكلك كده نفسك قصير :D

لا تصدق انت كده اقنعتني يا استاذ وليد:D

لا خلاص ان شاء الله هابتدي احوش في علب التونة

و ان شاء الله ابقي ازين بيها العربية كلها عشان الناس تعرف اني غنية

و بلا معطر بلا بتاع بقي خلاص:k18:

كفاية الناس تشوف علب التونة في العربيه :k48:

ده لوحده فخر

حطى اللوجو بتاع التونه على الزجاج الخلفى من بره
هيعمل شغل جامد
بس خلى بالك من القطط :)

انا جبت لكم الفيرجن الجديد من الاختراع

على فكره الطلب باسبقيه الحجز حتى نفاذ الكميه

طبعا انا حاجز من زمان واول واحد

وبما انك دبستينى مع وليد يبقى اعملى حسابك فى 3

واحده ليا وواحد لوليد وواحده للزمن :)

[دموع الثلج]

أضيف على أسئلة رضا الازازة دى كام جرام؟ وأحط منها قد ايه على السفنجة الرفيعة دى (غالبا يابو حميد الحاجات دى من عند محلات كل شىء اللى أى حاجة فيها ب 2.5 ) وأحط قد ايه يقعد معايا قد ايه؟ وكل ما يخلص أحط على نفس السفنجة والا اجيب واحدة غيرها؟.

معلش يا دموع ياريتى تجاوبى على سؤال سؤال وتعملى ريفرنس كدة Faq :D

===
زيزو باشا شكرا عالشرح بس انا عايز أسأل لما الاسانس ريحته نفاذة كدة وبتغرق العربية (مابالك تى شيرت) وهو المادة الخام من العطر طب ليه محدش بيروح يجيبه يحطه فى ازايز بدل البارفان؟ هو سؤال غبى بس احنا طامعين فى سماحة صدرك (مش اسمها سماحة صدرك برضه ولا ايه؟) .

هقولك يا سيدى محلات 2.5 دى منتشره وفيها كل حاجه انا اشتريت

اللزقه الدابل فيس من هناك
والاسفنجه كمان تلاقى فى قسم الميكب اب اسفنج بتاع البودر
وكمان العلبه اللى حطيت فيها برضوا من نفس المحل اربع علب 2.5 فضيت اللى فيهم وهعمل كل واحده بعطر مختلف

القزازه ااقل حجم 2 جرام وفيه لحد 12 جرام المهم ده مش هيفرق معاك فى شى
القزازه البيضاء دى 8 جرام ب 2 جنيه زيت ريحه الفراووله
انا هحطها ثلاث ارباعها على السفنجه والجزء الباقى هحطه فى زجاجه ببخاخ وازودها مياه وارشها على الموكيت اللى فى الارضيه والجلد

بالنسبه للعطور الخليجى من دهـن العود بانواعه المختلفه والمخلــط بانواعه دى بتستخدم فى الاصل زيوت
مش بتتخفف بسبرتوا يعنى تاخذ نقطه من الزيت وتمسحها مكان الساعه فى اليد لكن مش بتححط على الهدوم خالص هتبقع

لاننا ساعات بنحطه على البخور ونقفل عليه الدولاب ونسيبها ساعه تطلع ريحه هدومك كلها عود

[دموع الثلج]

اختراع جااااااااااااامد يا دموع و الله العظيم


بس قوليلي

طبعا مش هتحطي كل الايسنسز مع بعض صح؟


و الا هيبقي ريحتها غريبة اوي

لا يا روحى

مش هحط كلهم على بعض طبعا كل واحد فى علبه ثانيه مره لوحده

mimyshecklesاقتباس:


اكيد طبعا وليد ينورنا بس وانا هقوم بالواجب
وزياده عليهم وجبتين دليفرى ليكى يا دموع
وهقوله الحساب كله عند الهانم :)

تقدر تقول فى الحاله ولا اعرفكم :D:D

بس انا لسه حتى الان ما شوفتكيش فى شارع الهرم
ولا شوفت ياريس بتشد ولا اى حاجة شكلك كده بتشتغلينى وزيك زى كل البنات بتمشى فى حالك

ويا وليد انا لو شوفت دموع اكيد هبعد خالص
انا بخاف امشى جنب اى عربيه بنت سايقاها :)

يعنى تفتكر هنزل شارع العريش اشد ده المشى على الرجل فيه معضله لوحدها
لما تركب 1300 سى سى ابقى قولى هشد معاك اكثر من 1300 اسفه مقدرش احرج عربيتى:D:D

طبعا انا حاجز من زمان واول واحد

وبما انك دبستينى مع وليد يبقى اعملى حسابك فى 3

واحده ليا وواحد لوليد وواحده للزمن :)

انت تؤمر بجد لو تحب اسيبلك واحده جاهزه عند محل العطور تروح تاخدها

abdelaziz-waleedاقتباس:


طبعا يا دموع انا المعطر بتاعي هايكون مجانا ولا ايه
داحنا دفنينه سوا :D:D

اعتبره وصل يا فندم بس انت تورط ميمى فى العزومه وانا ابعتلك المعطر دليفرى:D احنا نحب نخدم بس

MoToRiZeRميزة الفكرة دي إنها ممكن تتحط في ال cup holder من غير لزق ولا حاجة .. و حتي لو إتشقلبت بالعربية هو في مكانه

انا عامل كدة علي فكرة فيه معطر أسباني زي ده بالزبط أعتقد ده الضرب بتاعه .

صح يا موتوريز الكاب هولدر فى الياريس اللى فى الكونسول ممكانه تحفه ومناسب

[abdelaziz-waleed]

يا فندم انا اكيد مش بنتقد رأى حضرتك و لا بحب حتى اسلوب النقاش يكون فية نقد .هى كل الفكرة انى قلت "فكرة ان التركيز كل ما كان اكتر فى البرفان يبقى الرائحة افضل دة مش صحيحة" و اكيد مش معنى ان الفكرة مش صحيحة يبقى بنتقد صاحبها بالعكس انا افضل ان يكون الرد علمى و مش مجرد خناقة لان الخناق مفيش اهل منه.و على العموم يا فندم حقك عليا لو كان اتفهم كلامى غلط و شكرا.
بالنسبة لفكرة ان الكحول 70% ودة ثابت فدية اختلف معاك فيها لان حتى لو نسبة التكيز واحدة لكن الجودة بتفرق طبعا.

اكيد فى النقطة دية انا معاك ورأيك مظبوط.
وبكرر اسفى لو كان اتفهم كلامى خطأ.

يا فندم ربنا ما يجيب خناق. احنا هنا كلنا اخوات والاختلاف في الرأي لا يفسد للود قضية
الموضوع كله ان حضرتك قولت على فكرة مش صحيحة وانا اصلا ما قولتهاش فا كنت عاوز حضرتك تقرا المشاركة كويس بس

اما بالنسبة للكحول فانا اقصد النوع هو اللي ثابت اللي هو الكحول الايثيلي مش الجودة لأن كل حاجة في الدنيا ليها درجات في الجودة واعتقد ان حضرتك في الاول قولت نوع الكحول وليس جودة الكحول

عموما يافندم انا اللي اسف وحضرتك اخ عزيز وتقبل اسفي ان كنت ضايقت حضرتك

[abdelaziz-waleed]

لا تصدق انت كده اقنعتني يا استاذ وليد:D

لا خلاص ان شاء الله هابتدي احوش في علب التونة

و ان شاء الله ابقي ازين بيها العربية كلها عشان الناس تعرف اني غنية

و بلا معطر بلا بتاع بقي خلاص:k18:

كفاية الناس تشوف علب التونة في العربيه :k48:

ده لوحده فخر

:k48::k48::k48::k48:
اي خدمة يا بوسي.

[abdelaziz-waleed]

اكيد طبعا وليد ينورنا بس وانا هقوم بالواجب
وزياده عليهم وجبتين دليفرى ليكى يا دموع
وهقوله الحساب كله عند الهانم :)

ياباشا دا من ذوقك بس
هية ديه شهامة عصابة الاوبل

اك
ويا وليد انا لو شوفت دموع اكيد هبعد خالص
انا بخاف امشى جنب اى عربيه بنت سايقاها :)

يا حمادة بلاش احسن احنا مش قدهم

[Bossy_Fadl]

ويا وليد انا لو شوفت دموع اكيد هبعد خالص
انا بخاف امشى جنب اى عربيه بنت سايقاها :)

مش فاهمه حضرتك قصدك ايه يا بشمهندس ميمي

شكلك نفسك يحصل انقلاب في المنتدي

حطى اللوجو بتاع التونه على الزجاج الخلفى من بره
هيعمل شغل جامد
بس خلى بالك من القطط :)

بس ياريت قبلها تقولولي علي احسن نوع تونة عشان برستيجي برضه

انا لا اقبل باقل من صان شاين:K13:

فلو في احسن منها اكسبو فيا ثواب عشان ماشمتش فيا العزال

بالنسبة للقطط يا ميمي فأنا اساسا مش هاركب معايا غير قطط

هو انت معتقد في حد ممكن يرضي يركب معايا بعد السكوندال اللي هتحصل دي؟:k48:

[M.Mokhtar]

تقدر تقول فى الحاله ولا اعرفكم :D:D

طول عمرك راجل يا دموع :)

يعنى تفتكر هنزل شارع العريش اشد ده المشى على الرجل فيه معضله لوحدها
لما تركب 1300 سى سى ابقى قولى هشد معاك اكثر من 1300 اسفه مقدرش احرج عربيتى:D:D

اعتقد انا لو ركبت 1300 بعد العربيه اللى معايا دى ممكن اروح فيا :(

انت تؤمر بجد لو تحب اسيبلك واحده جاهزه عند محل العطور تروح تاخدها

ده بجد ولا عزومه مركبيه :)

اعتبره وصل يا فندم بس انت تورط ميمى فى العزومه وانا ابعتلك المعطر دليفرى:D احنا نحب نخدم بس

وتحبى تدبسى غيرك كمان

ياباشا دا من ذوقك بس
هية ديه شهامة عصابة الاوبل

ربنا يخليك يا وليد باشا
عصابه اوبل مسيطره على الموقف

يا حمادة بلاش احسن احنا مش قدهم

مهو عشان كده بنسحب من جنبهم :)
ladies first

مش فاهمه حضرتك قصدك ايه يا بشمهندس ميمي
شكلك نفسك يحصل انقلاب في المنتدي

لا لا لا
مش انا خالص
ده انا فى حالى ومسالم
ثانيا انتوا صحاب المكان واحنا اللى ضيوف :)

هو انت معتقد في حد ممكن يرضي يركب معايا بعد السكوندال اللي هتحصل دي؟:k48:

ايه سكو نداله ده :)
هو فى كلام نزل جديد وانا معرفش؟

[Bossy_Fadl]

لا لا لا
مش انا خالص
ده انا فى حالى ومسالم
ثانيا انتوا صحاب المكان واحنا اللى ضيوف :)

ايوه كده

الاعتراف بالحق فضيلة:D

ايه سكو نداله ده :)
هو فى كلام نزل جديد وانا معرفش؟

اه في كلام جديد نزل موديل 2009:D

و لمعلوماتك الشخصية

Scandale = Scandal = فضيحة

في كورسات حلوة اوي في ال AUC ممكن تفيدك

و ممكن تستني لما افتح المركز بتاعي ان شاء الله هابقي اعلم لحضرتك خصم :D:D

[M.Mokhtar]

ايوه كده

الاعتراف بالحق فضيلة:D

اه في كلام جديد نزل موديل 2009:D

و لمعلوماتك الشخصية

Scandale = Scandal = فضيحة

في كورسات حلوة اوي في ال AUC ممكن تفيدك

و ممكن تستني لما افتح المركز بتاعي ان شاء الله هابقي اعلم لحضرتك خصم :D:D

ااااه سكاندال مش سكوندال
طيب كده يبقى شغال

بس انا يوم ورا يوم بحب المنتدى ده اكتر
بيجى من وراه فوائد كتير

دموع هتجيبلى 3 علب بالعطر بتاعهم وانتى هتعمليلى خصم على الكورسات

محدش عايز يدينى حاجة تانى :)