هل الفيميه يمنع الحرارة فعلا ؟

[kamantas]

السلام عليكم

سؤال بدائي شوية عن الفيميه و تأثيره على الحرارة فهل بيقلل فعلا من حرارة الشمس داخل الصالون ؟ يعني لو ركبت اول درجة اللي هي افتح حاجة هتقلل السخونية بنسبة كام مثلا ؟

[J A G U A R]

انا مركب فيميه درجته مش فاتحه ولا غامقه يعنى وسط وبتخفف اشعه الشمس بنسبه 50 %

[Ahmed.Essam]

لو حطيت فيميه حراري دجة متوسطة زي عندي اضمنلك انه بيخفف درجة الحرارة جدا
بس متفتكرش ان الحرارة هتتعزل نهائي كل الموضوع ان التكييف بيسقع بسرعة وادائه افضل ولو حطيت ايدك على الازاز من جوه هتلاقيه ابرد من حرارته برة

[kamantas]

لو حطيت فيميه حراري دجة متوسطة زي عندي اضمنلك انه بيخفف درجة الحرارة جدا
بس متفتكرش ان الحرارة هتتعزل نهائي كل الموضوع ان التكييف بيسقع بسرعة وادائه افضل ولو حطيت ايدك على الازاز من جوه هتلاقيه ابرد من حرارته برة

شكرا
ايه الفيميه الحراري ده ؟ زي ال V kool كده و لا مختلف ؟

[kamantas]

حد جرب فيميه عزل حراري من اوتوسبا اللي في المعادي ؟

[Ahmed.Essam]

شكرا
ايه الفيميه الحراري ده ؟ زي ال v kool كده و لا مختلف ؟

لا بصراحة معرفش اسماء للانواع بس اعرف ان فيه كوري وأمريكي وكده
وورقة الفيميه الحراري هتحسها انضف بكتير من العادي ومش بتتخدش زي العادي ده غير انه بيخفف الحرارة

[kamantas]

لا بصراحة معرفش اسماء للانواع بس اعرف ان فيه كوري وأمريكي وكده
وورقة الفيميه الحراري هتحسها انضف بكتير من العادي ومش بتتخدش زي العادي ده غير انه بيخفف الحرارة

طب عندك فكرة الاسعار في حدود كام ؟

[Ahmed.Essam]

طب عندك فكرة الاسعار في حدود كام ؟

مفيش سعر ثابت لان كل واحد بيحط عر من دماغه ممكن تلاقي واحد يعملك العربية كلها بـ 300 او 350 جنيه وده طبعا هيفضل يشكرلك في الحراري كأنه جاي من السما بس هو هيعتمد على نقطة انك مش عارفه او مجربتوش قبل كده
خلي في دماغك ان قطعة الفيميه للاربع شبابك مثلا 100 او 150 والازاز الخلفي 50 كمان
ده المتوسط يعني

[NightmarE84]

طيب ورخامة المرور ؟
ايه ظروفها

[al_manara]

مركب اول درجة فامية .
ميزيتها وانت قافل الزجاج الشمس مش بتلسع
وتقريبا محدش بياخد باله منها في المرور خالص

[bahgatabasery]

متابع وفين اقدر اركب الفامية الحرارى فى عين شمس او المناطق المحيطة

[Beeso]

متابع

هل فعلا حد يعرف ازاي اثبت الفيميه في الرخصه وازاي اعمله في الافراج لو مش مكتوب

[islamabady1980]

متابع

[ashouhdy]

الفيمية العادى مش بيمنع الحرارة

هو بيغمق الاضاءة بس ذى نضارات الشمس المضروبة


الحرارة اشعة ir انفرا ريد الاشعة التحت الحمراء

ودى بتحتاج لافلام خاصة ذى ال v-kool and 3m لمنعها.

[midooo_119]

انا مركب فاميه عادى اول درجه و فرق فاشعه الشمس معايا بنسبه اكتر من 80 % و ماينفعش تثبت الفاميه عالرخصه مادام مش جايه بيه