إعـــــــلان

Collapse

.

,
See more
See less

تجربة تركيب جهاز تتبع tk106 بالسيارة بالتفاصيل

Collapse
X
 
  • Filter
  • الوقت
  • Show
Clear All
new posts

  • تجربة تركيب جهاز تتبع tk106 بالسيارة بالتفاصيل

    السلام عليكم

    انا انهاردة هحكى عن تجربتى الشخصية فى تركيب جهاز تتبع و تحكم فى العربية بالكامل لمنع السرقة لا قدر الله واللى للاسف ظاهرة كترت قوى

    جهاز صينى عالى الجودة موديل TK106 , وهو نفسه TK103 , واكيد فيه انواع تانية تشبهله بس مش بنفس الجودة
    الجهاز دة من احسن واشهر الاجهزة فى السوق اللى شوفتها من حيث الكفاءة والامكانيات والسعر المعقول
    الجهاز كما هو مبين فى الصورة والكرتونة بتاعته يحتوى على 8 قطع من اليمين كما يلى :

    1-مايكروفون : (اختيارى لو عايز تسمع)
    يتم توصيلة بالجهاز وده بيديلك خاصية انك تقدر تسمع ما بداخل سيارتك و الغرض منه مش التجسس , المفروض ان دى عربيتى بس ببساطة لو اتسرقت هتبقى محتاج تكلم رقم العربية عشان تسمع اللى سرقها كخطوة من خطوات المراقبة. يتم تركيبة فى الجهاز الاساسى قطعة رقم 6

    2-حامل شريحة رقم السيارة :
    دى مهمة جدا وصغيرة جدا لانها لو ضاعت مش هتعرف تحط شريحة الموبايل وبالتالى الموضوع هيبوظ. دى البلاستيك الصغير بتضع الشريحة جواها وبعدين بتحطها فى الجهاز باتجاه صحيح للتركيب فى الجهاز الاساسى رقم 6

    3- Relay جهاز الابدال : (اختيارى لو عايز تفصل العربية)
    ده الريلاى عبارة عن جهاز بسيط يتم التحكم فيه لفصل دائرة البنزين او الكهرباء واعادة توصيلها تانى على حسب الطلب و النوع ده مقفول بطبيعته بمعنى ان الدائرة البنزين مقفولة ( يعنى واصلة والعربية شغالة) لو عايز تفصل العربية بتبعتله رسالة. بتم تركيبه بدايرة البنزين او الكهرباء و ايضا بالجهاز الاساسى للتتبع قطعة 6
    الجهاز مفيهوش لعب فى ضفيرة العربية يطلع العربية من الضمان بس طبعا التوكيلات ممكن تتلكك عشان يريحوا دماغهم او يركبهولك هو باسعارهم
    فيه 5 سلوك كالتالى :
    واحد احمر لا يستخدم ممكن تغطيه
    اتنين اخضر هتوصلهم على التوالى بدائرة الكهرباء او البنزين
    واحد ابيض يتم توصيله بكهرباء 12 فولت من البطارية
    واحد اصفر يتم توصيله بالسلك الاصفر فى ضفيرة السلوك

    4-زرار مساعدة الطوارئ: (اختيارى)
    ده زرار الطوارئ او ما يسمى ب sos وده عشان لو عايز مساعدة تقدر تدوس عليه يبعت رسائل للارقام المعرفة داخل الجهاز بموقع العربية وسرعتها .يتم تركيبها فى الجهاز الاساسى رقم 6 من خلال الضفيرة رقم 5

    5-ضفيرة سلوك التوصيل الاساسى :
    دى فيها فيشة يتم تركيبها فى الجهاز الاساسى رقم 6 و الناحية التانية سلوك لتوصيل باقى قطع الجهاز.
    السلك الاحمر بتم توصيله بكهرباء 12 فولت ثابت
    الاسود بجانبه بالارضى
    السلك الازرق بالسك الاحمر فى زرار المساعدة (اختيارى)
    السلك الاسود فى الاسود فى زرار المساعدة (اختيارى)
    تختار حاجة من الاتنين يا السلك الاصفر يتم توصيله بالاصفر اللى فى الريلاى لو انت عاوز تفصل دائرة البنزين ,,,,, او السلك الابيض يتم توصيله بالابيض اللى فى الريلاى لو انت عاوز تفصل دائرة الكهرباء

    6-جهاز التتبع الاساسى:
    ده الجهاز الاساسى للتتبع ومفروض يخبئ داخل السيارة فى اى مكان
    يستحسن بعيد عن الحرارة

    7-اريال نظام الملاحة GPS :
    ده اريال مسئول عن توصيل الجهاز وتحديد موقعه يتم توصيله بالقطعة 6 اللى هو الجهاز الاساسى

    8-اريال شبكة الموبايل GSM :
    ده اريال مسئول عن توصيل الجهاز بشبكة الموبايل للتعامل معاه من خلال المكلامات والرشائل النصية, يتم توصيله بالقطعة 6 اللى هو الجهاز الاساسى

    التركيب سهل جدا هو ممكن ياخد وقت وتفكير بس فى هتركبه فين بس العملية غير معقدة يعنى
    وفيه برضه ناس بتركبه بس انا مركبه بنفسى

    فيه كتيب فيه كل الاوامر للتحكم فى الجهاز
    ممكن تظبطه مع سيرفر على النت عشان من خلاله تتم عملية التتبع بصورة اسهل وباقل تكلفة و يجيبلك مدة فاتت كمان.

    الشركة اللى جبته منها عاملين برنامج على الهواتف الذكية اى فون و اندرويد للتحكم بسهولة اكتر
    وممكن تسالوا على تفاصيل كتر رقمهم :

    تم حذف الرقم بواسطة الادارة لمخالفة القواعد


    ارجو ان اكون افادت الجميع وشكرا
    [CENTER]سبحان الله وبحمده سبحان الله العظيم
    [shfaf1]http://www.himaz.com/H.jpg[/shfaf1]
    :colsmil:هيما[/CENTER]

  • #2
    ألف شكر على التقرير الممتاز
    أنا نفسي أجيبه بس طبعا هخاف من خروج السيارة من الضمان
    السؤال ... هل فعلا التوكيل ممكن يركبه حتى لو بسعر مرتفع ؟؟ ولا تقصد إن أجهزة مماثلة ممكن تكون متوفرة فى التوكيلات بأسعار مرتفعة ؟؟
    [CENTER][rmade]http://nileup.com/up/uploads/nilemotors_13995643141.jpg[/rmade][/CENTER]
    Kingrab ساابقا

    Comment


    • #3
      المشاركة الأصلية كتبت بواسطة kingrab مشاهدة المشاركة
      ألف شكر على التقرير الممتاز
      أنا نفسي أجيبه بس طبعا هخاف من خروج السيارة من الضمان
      السؤال ... هل فعلا التوكيل ممكن يركبه حتى لو بسعر مرتفع ؟؟ ولا تقصد إن أجهزة مماثلة ممكن تكون متوفرة فى التوكيلات بأسعار مرتفعة ؟؟

      العفو يا kingrab
      فيه بعض التوكيلات بتركببه مؤخرا تيوتا باين بس طبعا بيبعلج جهاز تانى و مش عارف هو هو ولا لا بس اكيد اغلى

      انت لو مش فاضل على الضمان كتير ممكن تركبه عادى بدون فصل العربية وكدة ملعبتش فى اى سلوك و اول ما العربية تخرج برة الضمان كمل تركيبه لو حبييت :)
      [CENTER]سبحان الله وبحمده سبحان الله العظيم
      [shfaf1]http://www.himaz.com/H.jpg[/shfaf1]
      :colsmil:هيما[/CENTER]

      Comment


      • #4
        ممكن السعر لوسمحت
        :verygood:

        Comment


        • #5
          السعر لو سمحت

          Comment


          • #6
            التكلفة كانت كام

            Comment


            • #7
              المشاركة الأصلية كتبت بواسطة strikebaby مشاهدة المشاركة
              ممكن السعر لوسمحت
              المشاركة الأصلية كتبت بواسطة mrghost مشاهدة المشاركة
              السعر لو سمحت
              المشاركة الأصلية كتبت بواسطة s o p h o s مشاهدة المشاركة
              التكلفة كانت كام

              اسف يا جماعة على التاخير

              التكلفة من شركة فيمتو كانت : 825 جنيه
              واعتقد لو عدد ممكن يبقى فيه خصم لا حاجة

              لو حد جابو وعايز يسال اى سؤال فى التركيب انا جاهز للاجابة و كمان انا ركبته بنفسى ببلاش وفاهم الحمد لله الجهاز من الالف الى الياء
              [CENTER]سبحان الله وبحمده سبحان الله العظيم
              [shfaf1]http://www.himaz.com/H.jpg[/shfaf1]
              :colsmil:هيما[/CENTER]

              Comment


              • #8
                هل يوجد اشتراك للسيرفر ؟
                ولو موجود اشتراك بكام

                وهل الشركة ده مضمونة بمعنى ليها مقر ثابت
                لانى لى تجربة سيئة مع شركة اخرى ومش عارف اعثر عليهم
                محمد المصرى

                Comment


                • #9
                  المشاركة الأصلية كتبت بواسطة محمد المصرى مشاهدة المشاركة
                  هل يوجد اشتراك للسيرفر ؟
                  ولو موجود اشتراك بكام

                  وهل الشركة ده مضمونة بمعنى ليها مقر ثابت
                  لانى لى تجربة سيئة مع شركة اخرى ومش عارف اعثر عليهم
                  الجهاز تمام معايا قوى
                  السيرفر انا شغال برضه ومش بدفع حاجة عليه , فغالبا مع الجهاز

                  ممكن تتصل بيهم تسالهم على مقرهم انا جبتته ديلفرى


                  الاهم ان نوعية الجهاز تبقى نضيفة
                  والتركيب يبقى تمام لانه عليه عامل كبير قوى فى تشغيل الجهاز
                  [CENTER]سبحان الله وبحمده سبحان الله العظيم
                  [shfaf1]http://www.himaz.com/H.jpg[/shfaf1]
                  :colsmil:هيما[/CENTER]

                  Comment


                  • #10
                    عموما لو حد محتاج مساعدة فى تركيبه يقدر يسألنى وان شاء الله نفيد الجميع
                    [CENTER]سبحان الله وبحمده سبحان الله العظيم
                    [shfaf1]http://www.himaz.com/H.jpg[/shfaf1]
                    :colsmil:هيما[/CENTER]

                    Comment


                    • #11
                      معلش سوأل ...
                      هو الجهاز ده فى لعب كتير فى العربيه عشان يتركب ؟
                      ليه مجبتش الجهاز بتاع الحكومه و فودافون ؟
                      هل فيه ارخص من كده ؟
                      هل الحرامى ممكن يتغلب على الجهاز ده لو ميكانيكى كويس ولا ده هيعطله بس ؟
                      فى حاله السرقه لا قدر الله ممكن تقولنا السيناريو فى حاله التثبيت و فى حاله ايضا صحيت الصبح مثلا و ملقتهاش ؟
                      شكرا جزيلا

                      Comment


                      • #12
                        ارجو التثبيت بعد اذن الادمن لتعميم الفائدة

                        المشاركة الأصلية كتبت بواسطة japrulez مشاهدة المشاركة
                        معلش سوأل ...
                        هو الجهاز ده فى لعب كتير فى العربيه عشان يتركب ؟
                        ليه مجبتش الجهاز بتاع الحكومه و فودافون ؟
                        هل فيه ارخص من كده ؟
                        هل الحرامى ممكن يتغلب على الجهاز ده لو ميكانيكى كويس ولا ده هيعطله بس ؟
                        فى حاله السرقه لا قدر الله ممكن تقولنا السيناريو فى حاله التثبيت و فى حاله ايضا صحيت الصبح مثلا و ملقتهاش ؟
                        شكرا جزيلا
                        اسئلتك مهمة جدا وان شاء الله اجاوب عليهم كلهم ونفيد حضرتك والناس كلها


                        [overline]هو الجهاز ده فى لعب كتير فى العربيه عشان يتركب ؟[/overline]
                        تركيب الجهاز مفيهوش لعب كتير ولا حاجة . الموضوع بسيط ولو فيه حد بيعقده ممكن لمصلحة شخصية عشان يعملك حوار على الفاضى
                        انا شخصيا ركبته بدون اى مساعدة من كهربائى لانه سهل زى مقلت
                        تركيبه بيتطلب توصيل كهرباء ( موجب و سالب ) من البطارية او من اى مصدر ثابت للكهرباء وان كنت بفضل من البطارية الى الجهاز اللى انت ممكن تخبيه فى اى مكان وبمفروض يكون مختفى بس توصله بسهولة برضة لو انت حبييت

                        تانى حاجة وده المهم انك هتركب كتاوت اللى جاى مع الجهاز فى دائرة الكهرباء الاساسية او الكهرباء المغذية لطرمبة البنزين ود مش صعب الوصول اليه , ( تقدر تشوف فين الطرمبة وبعدين تحدد اسلاك الكهرباء و تقطع واحد منهم توصله بالكتاوت بتاعتك )
                        الموضوغ غير مقلق لان الكتاوت دى نوعها موصلة بطبيعتها من غير اى تشغيل
                        الكتاوت او الريلاى ده بتوصله اربع اسلاك
                        2 للدائرة المقطوعة ليتم توصيلها
                        و 2 تانين بالجهاز التتبع
                        لو فيه حاجة مش واضحة انا هبقى سعيد اوضح ان شاء الله على قد ماقدر


                        [overline] ليه مجبتش الجهاز بتاع الحكومه و فودافون ؟ [/overline]
                        لان ببساطة حكومتنا كالعادة عاملة شركة واحدة لاحتكار الموضوع ده فى مصر وده مغلى سعر الجهاز جدا تقريبا نفس المواصفات دى ب 1600 او اكتر و كمان بقولك فيه اشتراك شهرى 75 جنيه تقريبا يعنى 900 فى السنة وده تكلفة عالية جدا معتقدشى واحد بيفكر يدفعها ابدا .
                        بالعربى تدفع سعر عالى للجهاز وكمان اشتراك سنوى 900 جنيه
                        انما الجهاز ده ارخص تقريبا النصف ّ825 ومفيش اشتراك شهرى
                        حاجة كمان انا شايفها مهمة جدا : عامل الامان من ناحية انك شركة الحكومة مع فودافون هيبقوا عندهم كافة المعلومات عن سيارتك ونوعها ومتركب ازاى فى العربية وفين وبتروح فين وبتيجى منين وكمان طبعا رقم الشريحة اللى هما هيركبوها . يعنى بالعربى انت هتبقى مراقب من جهة بدون اى داعى وطبعا المعلومات دى لو اتسربت او انت كان عليك عين من حد فى الحكومة هيبقى سهل قوى يسرقوا العربية لانه هو اللى مركب وعارف نوع عربيتك كمان
                        الجهاز التانى ده انت اللى بتركب ومخبيه فى اى مكان فى العربية( ولا انصح بكهربائى لنفس سبب المان اللى ذكرته من شوية )
                        وكمان انت اللى بتشترى خط عادى وممكن تغيره لو حبييت فمحدش عارف الرقم ده لايه. كمان التحكم بالسيارة هيبقى من خلال ارقام سرية انت اللى محددها وده بيزود عامل الامان برضه جدا


                        [overline] هل فيه ارخص من كده ؟[/overline]

                        فى مصر سالت كتير اقل حاجة فى الاجهزة النضيفة اللى بتفصل العربية كدة حوالى 1000 جنيه
                        اينعم الاجهزة ديه صينى بس فيص صينى يفرق كتير عن صينى تانى
                        الصين بتعمل اى حاجة باى تكلفة و ده بياثر على الكفاءة طبعا
                        ادريان سالت بيبيع ب حوالى 1250 وامكانيات اقل كمان ( والكفاءة معرفشى لاننى مجربتش )


                        [overline] هل الحرامى ممكن يتغلب على الجهاز ده لو ميكانيكى كويس ولا ده هيعطله بس ؟[/overline]
                        طبعا كل شىء قداء وقدر و لو مكتوبلك حاجة هتشوفها بس طبعا لازم ناخذ بالاسباب ونامن نفسنا على قد منقدر.

                        من الناجية دى اطمن لان الحرامى عادة معندوش المعلومات ديه وحتى لو عنده هيعرف فين مكان الجهاز الا لو انت قايله او هو بنفسه اللى مركبه :)
                        انت ممكن تخبى الجهاز فى مكان والكتاوت فى مكان تانى وده هيصعب عليه المهمة , بل مستحيلة
                        وكمان ميعرفشى رقم الشريحة ولوعارفة معهوش الارقام السرية
                        اللى بسرق بيبقى جبان جدا , وبيراقب ويسرق بسرعة , لو اخذ وقت بطلع يجرى
                        الجهاز فيه امكانيات عالية قوى منها انك توصله بجهاز الانذار بتاع العربية او الباب فه بدل ما النذار يعمل دوشة ملهاش اى 30 لزمة يبعتلك رسالة , وممكن لو العربة اتحركت من مكانها يبعتلك رسالة فورا بانها اتحركت ومكانها وسرعتها و حاجات تانية كتير موجدة بالمانوال بتاع الجهاز هحاول الاقيه على النت و ارفقه هنا

                        [overline] فى حاله السرقه لا قدر الله ممكن تقولنا السيناريو فى حاله التثبيت و فى حاله ايضا صحيت الصبح مثلا و ملقتهاش ؟ [/overline]

                        ربنا يبعد عننا ولاد الحرام امين
                        لا قدر الله فى حالة السرقة لو انت مظبط الجهاز يبعتلك رسالة لو اتحركت او مع جهاز الانذار او الباب فى الحالة دى هتعرف فى ساعتها وبالتالى هتتصرف اسرع وافضل
                        لو مش مظبط واكتشفت متاخر شوية هتتابع مكان العربة عن طريق تتبعها على ال موقع السيرفر او حتى بالتليفون و ساعتها فى الوقت المناسب والمكان المناسب ( اللى تكون انت قريب منه طبعا ) وتكون العربية واقفة او ماشية بسرعة خفيفة تفصل العربية . الحرامى هيضب لخمة و يخلع تيجى تاخد العربية وكان شىء لم يحدث
                        فى حالة التثبيت اولا موقف صعب طبعا ولو تهرب منه ياريت بس تكون متاكد , لو شاك : فيه كذا حاجة ممكن تدوس على زرار الاستغاثة ساعتها الجهاز تلقائى هيبعت رسالة استغاثة للارقام المسجلة فى الجهاز ( اصحاب , اقارب . الخ )
                        تانى حاجة ممكن تسيبله العربية بدون اى عنف للحفاظ على سلامتك و سلامة الركاب و تسيبه يمشه بيها و بعدين فى اقرب فرصة و فى مكان امين تقدر تفصل العربية و ساعتها هيسيبها فى مكانها برضه ويمشى

                        فى حالة انه فصل البطارية وده صعب لانه مش هيعرف يمشى بالعربية , الجهاز بداخله بطارية هتشتفل لمدة تقدر تلحق العربية فيها او فى حالة فصل الجهاز نفسه هيبعتلك رسالة بقطع الكهرباء عنه لانه هيكمل بالبطارية
                        فى حالة اكتشاف المكان الجهاز وده صعب جدا و فصله بعد ما العربية تكون فصلتها , برضه مالهاش لازمة لان الكتاوت فى مكان تانى و ده اللى ماسك الكنترول ساعتها


                        عموما لو حد محتاج مساعدة فى تركيبه يقدر يسألنى وان شاء الله نفيد الجميع

                        ارجو التثبيت بعد اذن الادمن لتعميم الفائدة

                        مستعد لشرح تفاصيل اكتر لو مطلوب منى اى تفاصيل اخرى
                        [CENTER]سبحان الله وبحمده سبحان الله العظيم
                        [shfaf1]http://www.himaz.com/H.jpg[/shfaf1]
                        :colsmil:هيما[/CENTER]

                        Comment


                        • #13
                          انا بفكر جديا في الموضوع ده وخصوصا اني مش هجدد التامين الشهر ده بعد ما غلوا الريت قوي...فياريت لو حد زي نجمع نفسنا
                          Theprofessiona سابقًا

                          Comment


                          • #14
                            المشاركة الأصلية كتبت بواسطة amro_on مشاهدة المشاركة
                            انا بفكر جديا في الموضوع ده وخصوصا اني مش هجدد التامين الشهر ده بعد ما غلوا الريت قوي...فياريت لو حد زي نجمع نفسنا

                            هو التامين بيغطى سرقة العربية ؟ انا لا اعتقد
                            [CENTER]سبحان الله وبحمده سبحان الله العظيم
                            [shfaf1]http://www.himaz.com/H.jpg[/shfaf1]
                            :colsmil:هيما[/CENTER]

                            Comment


                            • #15
                              المشاركة الأصلية كتبت بواسطة himaz مشاهدة المشاركة
                              هو التامين بيغطى سرقة العربية ؟ انا لا اعتقد
                              ايوه بيغطي بنسبة 75% من قيمة العربيه
                              Theprofessiona سابقًا

                              Comment

                              Working...
                              X