هوك سحب للعربية اجيبه منين ؟

[NightmarE84]

السلام عليكم

اولا كل عام وحضراتكم بخير

هوك القطرة بتاع ال406 اجيبه منين ؟؟ اللى بيتربط فى القلاووظ بتاع القطر فى الخلف او الامامى اجيبه استيراد ولا جديد واجيبه منين ؟
ويعمل كام تقريبا؟

وعايز اعرف اجيب منين الخطاف ده اللى فى الحبل الاصفر بحيث اركبه على واير لقطر سيارة

[akmm]

متابع ..............................

[NightmarE84]

هل من متابع؟

[عمرولبيب]

كل دا عند بتوع الكماليات .. ومتجبش استيراد نادر لما هتلاقيه

[akmm]

كل دا عند بتوع الكماليات .. ومتجبش استيراد نادر لما هتلاقيه

مشفتش حد من بتوع الكماليات او الاكسسوارات عنده الهوك ده ابدا ........... والهوك اللى في الصوره التانيه موجود في التوفيقيه ولكن مربوط في الحبل وصاحب الموضوع طالبه من غير الحبل يعنى فردى وانا مشفتوش ايضا بيباع فردى عند حد ........ لو حضرتك شفتهما عند اى اى حد بتاع اكسسوارات ممكن تدلنا وفين مكانه واسمه ايه مع الشكر .

[عمرولبيب]

لازم الهوك دا بالذات !!!!
فيه اشكال تانيه للهوك ويمكنك عمله بطريقه سهله جدا اى سمكرى هيعملهولك او مخرطه فى اقل من دقايق وترشه بإسبراي
بالنسبه للخطاف الفردى موجود عندى فى المنصوره .. عند اى ناس من اللى بتبيع سلوك الواير والسلاسل الموضوع مش صعب للدرجه دى

[NightmarE84]

لازم الهوك دا بالذات !!!!
فيه اشكال تانيه للهوك ويمكنك عمله بطريقه سهله جدا اى سمكرى هيعملهولك او مخرطه فى اقل من دقايق وترشه بإسبراي
بالنسبه للخطاف الفردى موجود عندى فى المنصوره .. عند اى ناس من اللى بتبيع سلوك الواير والسلاسل الموضوع مش صعب للدرجه دى

طيب حد يعرف حد بيبع سلوك الواير فى القاهرة ؟؟؟

[عمرولبيب]

معرفش فى القاهره الصراحه
بس ممكن تشوف فى وكاله البلح او اى ناس من بتوع الخردوات الحدايد

[رامي مصطفى]

الهوك الثاني ايللي هوا واير السحب موجود في هايبر وان وكارفور الشروق ب 35ج ومنه بدل الحبل الاصفر واير حديد ب 45ج تقريبا انا جايبه من هايبر وشوفتهم الاثنين في كارفور الشروق

[NightmarE84]

الهوك الثاني ايللي هوا واير السحب موجود في هايبر وان وكارفور الشروق ب 35ج ومنه بدل الحبل الاصفر واير حديد ب 45ج تقريبا انا جايبه من هايبر وشوفتهم الاثنين في كارفور الشروق

انا جبته قبل كده واتقطع على طول الواير اللى فى كارفور مستحملش وكمان كانت العربية اللى شاددها فاضية مش فيها حد

وانا حصل معايا موقف وانا مسافر ومعايا العيلة وعربية اخوياه ولكن مكنش معايا واير زى الناس وكان موقف ما يعلم بيه الاى ربنا وكمان الهوك مكنش موجود فى العربية لانى لسه شاريها :(

[رامي مصطفى]

ايللي اتقطع وما استحملش ايللي في الصوره ولا الواير الحديد؟

[amz2011]

باشا شارع الجمهوريه مليان اشكال من الهوكات كتير و كل هوك بيستحمل وزن معين

[NightmarE84]

ايللي اتقطع وما استحملش ايللي في الصوره ولا الواير الحديد؟

الواير الحديد :(

باشا شارع الجمهوريه مليان اشكال من الهوكات كتير و كل هوك بيستحمل وزن معين

سلك ولا قماش زى اللى فوق ؟؟

انا عايز سلك دوبل مش زى السلك الورق اللى بيتباع فى كارفور والتوفيقية