***((( طلب نصيحة لاختيار أفضل نوع كاميرا خلفية و شاشة )))***

[mr.moustafa]

السلام عليكم و رحمة الله و بركاته

لو سمحتم محتاج جدا اعرف رأيكم و اخد نصيحتكم
انا محتاج جدا كاميرا خلفية و شاشة بس فيه شوية مواصفات كده لأن العربية جديدة و في الضمان
العربية كيا سيراتو 2015 ستاندرد و فيها مكان مجهز لتركيب الكاميرا الأصلية بدون تخريم

1- الكاميرا تكون بتركب عند لمبة اللوحات ( يعني تكون بزاوية )
2- الكاميرا ينفع تتشبط كهربتها على فيشة لمبة المارشدير بدون تقشير السلك
3- الشاشة مش لازم تكون بتشغل اغاني او بلوتوث لأنهم موجودين في كاسيت العربية و مش محتاج
4- الشاشة تركب على كهرباء الولاعة
5- الشاشة صغيرة علشان ماتاخدش مساحة او بتركب على المرايا الداخلية
كل اللي فات ده عادي النقطة المهمة بقى
6- الكاميرا تكون بلوتوث مع الشاشة يعني بدون اسلاك بين الكاميرا و الشاشة

ياريت لو تعرفوا اقل سعر ممكن يكون موجود فيه المواصفات ديه
و جزاكم الله خيرا

[omda hassnin]

مــــــ،،ـــــتـــــــ،،ــــــــــابـــــــــــــ، ،ـــــــــــع

[mr.moustafa]

للرفع

[الجنرال]

السلام عليكم و رحمة الله و بركاته

لو سمحتم محتاج جدا اعرف رأيكم و اخد نصيحتكم
انا محتاج جدا كاميرا خلفية و شاشة بس فيه شوية مواصفات كده لأن العربية جديدة و في الضمان
العربية كيا سيراتو 2015 ستاندرد و فيها مكان مجهز لتركيب الكاميرا الأصلية بدون تخريم

1- الكاميرا تكون بتركب عند لمبة اللوحات ( يعني تكون بزاوية )
2- الكاميرا ينفع تتشبط كهربتها على فيشة لمبة المارشدير بدون تقشير السلك
3- الشاشة مش لازم تكون بتشغل اغاني او بلوتوث لأنهم موجودين في كاسيت العربية و مش محتاج
4- الشاشة تركب على كهرباء الولاعة
5- الشاشة صغيرة علشان ماتاخدش مساحة او بتركب على المرايا الداخلية
كل اللي فات ده عادي النقطة المهمة بقى
6- الكاميرا تكون بلوتوث مع الشاشة يعني بدون اسلاك بين الكاميرا و الشاشة

ياريت لو تعرفوا اقل سعر ممكن يكون موجود فيه المواصفات ديه
و جزاكم الله خيرا

انا برضه فى نفس الحيرة وان شاء الله هركب الكاميرا والشاشة

كل طلباتك اللى قلتها سهلة .. المشكلة هي اخر نقطة (الشاشة والكاميرا بلوتوث)

حسب علمي مفيش حاجة كده .. انما في وايرليس .. وكان كريم منير بيبيع منهم هنا على المنتدى لكن للاسف خلصوا .. وانا كنت هشتري واحدة لكن لقيت ان الشاشة صغيره ومش هتفيدني

انا لسه منزلتش التوفيقية .. لكن كنت سألت على الشاشة الوايرليس من فترة (حوالي 6 شهور) وملقيتش حد خالص بيبيع شاشة وكاميرا وايرليس

اللى انا ناوي اعمله هو تركيب الكاميرا .. وشد الاسلاك من تحت الكراسي والعتب لحد الشاشة .. وغالبا ان شاء الله هجيب الشاشة اللى بتركب فوق المرايا

حاجة اخيرة بقه .. انت قلت ان العربية مجهزة بمكان لتركيب الكاميرا .. ممكن معلش تقولي او تصور المكان ده (انا عربيتي سيراتو الشكل الجديد برضه)

وشكرا

[mr.moustafa]

ماهو الوايرلس ده عبارة عن بلوتوث و ده اللي اقصده
بالنسبة لمكان الكاميرا هاصوره و ارفعه إن شاء الله

[Mido Casper]

اه ياريت تقولنا عملت ايه

[الجنرال]

طيب خير .. انا بصيت على مكان لمبات النمر ولقيت فعلا في فتحتين ممكن يتركب فيهم الكاميرا .. والفتحة اللى فى النص دي ممتازة بصراحة وهتكفي الكاميرا تمام

انا ان شاء الله هركب الكاميرا والشاشة اللى فوق المرايا قريبا .. وهقولكوا ايه الاخبار

[mr.moustafa]

الفتحة اللي في النص بتاعة الكاميرا الاصلية و الفتحة الاكبر اللي على اليمين بتاعة زرار الشنطة في الهاي لاين لو حبيت تركب ريموت اصلي

[الجنرال]

رحت النهاردة علشان اركبها وتراجعت فى اخر لحظة

1- الاسعار غالية جدا ومستحرمها بصراحة .. اقل حاجة لقيتها كانت التكلفة الاجمالية 600 جنيه
2- بعد ما وافقت وقلت توكلنا على الله .. الكهربائي قالي مش هينفع .. انا كنت عايز اركبها وتفضل شغالة على طول بدل المراية لاني مش شايف منها حاجة .. قالي الكاميرا هتتحرق وهتضطر تغيرها كل شوية .. قالي اخرها تشتغل فى الرجوع للخلف ولمدة لا تزيد عن 7 دقائق

بس كده

[Mido Casper]

ليه يعني المفروض الكاميرا سليمه وعادي يعني تشتغل دي هي بتنقل بس .. وبعدين انا شوفت ناس كتيره بالهبل مركبينها ومشغلينها علطول

[الجنرال]

والله حسب كلامه (انا مش فاهم فى القصة دي) ان هي بتحتاج كهرباء واحد ونص فولت .. واللى هيجيلها 12 فولت .. وبالتالي تشغيلها اكتر من 5-7 دقائق هيبوظها .. حسب كلامه

ياريت حد يقولنا الكلام ده سليم ولا بيفتي

[Ahmed_Farouk]

الكهربائي ده بيفتي.
طالما عايز تشغلها متواصل، يبقی ممكن توصلها علی حاجة اسمها شاحن تابلوه بتوع محلات الاكسسوارات عارفينه. و ده بيخليك تغذي الشاشة و الكاميرا من ولاعة العربية من غير ما تلعب او تقشر اسلاك و بكده تشغل الكاميرا طول الوقت و تحافظ كمان علی ضمان عربيتك.