تظبيط هيونداى اكسنت الشكل القديم

[loay2008]

السلام عليكو
ده تانى موضوع اكتبو بعد فشل الاول وعدم وجود رد واحد فيه عن الفوانيس الزينون

المهم انا بعد ما اخدت درس قاسى فى طقم الصوت الى كلفنى 2000 جنيه واثبت فشل زريع ومن الاخر كده اكتشفت انى اتنصب عليا

عايز دلوقتى انفخ العربيه فعايز اعرف تعديل الاكصدام الامامى والخلفى بيتكلف فى حدود كام وفى ناس تقولى عدل فى الاكصدام الاساسى بتاع العربيه ايه هو الافضل
اغير ولا اعدل وبخصوص العتب فى حدود كام برضو وهل ده مخالف للمرور يعنى عليه مخالفات لو فى كمين وهل بيقلل من ثمن العربيه عند البيع مع ملا حظة ان الاكسنت الشكل القديم مش الجديد ولكم جزيل الشكر وبصراحه انا حبيت المنتدى من الناس الى بتشارك وبتفيد بكل صراحه اخوكم لؤى

[sherif_m72]

انا رايى الشخصى انك لا تعدل ولا تغير ولا حتى تحط فيها ستيكرات
العربيه بتكون ارقى واشيك بدون الكعبله اللى بتملاها
انت اللى تحطه فيها سبويلر وجنوط متكونش عريضه وماتكونش شبه بتوع التاكسى وبس ومن جوه فرش جلد نضيف وتحافظ على نضافه العربيه من جوه وبرة وتأكد انها هتكون كده اشيك 100 مرة من اللى انت عاوز تعمله وحتى في سعر اعادة البيع هتعرف تبيعها لانها هتكون مش متهانه لكن اما تعمل مهرجانات وحركات سعرها بينزل شويه لان كل الناس بتفتكر انها مهلوكه في الامريكانى والسرعات
والعينه بينه واتفرج؟؟

[loay2008]

مشكور يا برنس بس المشكله ان العربيه كده شكلها وحش
وفعلا شبه التكسيات ودى الى عملالى ازمه ده الموتسكل دلوقتى فيه زينون يا برنس
واصحابى بيعيرونى يا عم فعايز اظبطها بحيث تبقا مختلفه فهمنى ومشكور على ردك

[Hossam.Hamdy]

بص يا باشا بلاش تنفيخ والحوارات دهانت تعمل الاتى:
-جنط نضيف وكويس لايق غلى الكار
-تعديل بسيط فى الاكصدامات بسيط خالص عشان الاوفر وحش
-راى بلاش كساحات جانبيه عشان بتتبهدل بس ممكن تركب كساحات مش قريبه قوى من الارض
-بلاش زينون عشان المرور
-احسن واحد دلوقتى بتاع فايبر وكويس قوى بسام فى الحرفيين

ممكن تبص بصه على موضوع محلات التعديل فى توقيعى ان شاء الله يفيدك...

ولو عايز تعدل فى الفانوس الخلفى عندك محل انزو فى هشام لبيب خلف اولاد رجب مصطفى النحاس...

[loay2008]

شكرا يا باشا بس التعديل البسيط ده مش هيدهن برضو وياريت تقولى تقريبا هيكلف كام مشوار التعديل ده وتمن الكساحات الجانبيه برضو وتعديل الفوانيس مش عايز اتفق مع حد الا لما اعرف الحدود اصل الى يتقرص من الشربه ينفخ فى المنتدى

[Hossam.Hamdy]

انت بتقوله عايز تعمل ايه بالضبط وايه اللى فلى دماغك ويقولك الكوست....انا بصراحه معرفش التكلفه ايه....هى على حسب الشغل

[m.3abdel3al]

بص انت لو نزلت بورسعيد هتلاقي واحد هناك بتاع فبر مشهور مووووووووت كل بورسعيد بتعمل عند هتلاقي جنب محل اسمه الزقازيقي الكبير ودا كل الناس الي في بورسعيد عرفاه انا عملت عندو الهيونداي اكسنت بتاعتي قبل ما ابعها

و هو في قدامك حاجتين :

1.اما تركب زوايد ودي حتت فبر صغيره تحت الاكصدامين قدام وورا ب 200 الواحده ودي من وجه نظري فكسانة
2.تخليه يعملك اكصدامين فبر جداد دي باه جامده موتتت هتلاقي عنده كميت اشكال وكتالوجات وهمية و بتختار الي انت عايزه و كلهم بسعر واحد 400 للواحد يعني الاكصدامين 800 بالعتب 900 او 1000



بس جامدين مووووووت والعربية بتاخد حوالي 48 ساعة بس

[loay2008]

الف شكر ليك يا محمد انتى وحسام وكويس انو فى بورسعيد لانى اصلا من دمياط بس اليومين دول لازم اسيب العربيه عندو ولا اروح وارجع اروح ورجع وهل الالف جنيه دول هيبئا شغل حلو قوى ولا يعنى شغال وهل الشغل الى هيتعمل ده مخالف للمرور البضين بتاعنا ولا عادى والفحص وكده وهل الاكصدام ده بيستحمل خبطات زى العادى ولا ميستحملش خالص والف شكر ليكو للمتابعه

[loay2008]

وعايز اعرف الجنوط الى فى المتوسط فى دود كام وهل الصينى شضغال بس على فكره انا بسافر كتير جدا جدا هل هيستحمل السفر انا بصراحه من ساعت مجبت العربيه ماشى هلى الجنط العادى حتى من غير طاسات لانى بخاف ينكسرو من السفر وكده

[m.3abdel3al]

الف شكر ليك يا محمد انتى وحسام وكويس انو فى بورسعيد لانى اصلا من دمياط بس اليومين دول لازم اسيب العربيه عندو ولا اروح وارجع اروح ورجع وهل الالف جنيه دول هيبئا شغل حلو قوى ولا يعنى شغال وهل الشغل الى هيتعمل ده مخالف للمرور البضين بتاعنا ولا عادى والفحص وكده وهل الاكصدام ده بيستحمل خبطات زى العادى ولا ميستحملش خالص والف شكر ليكو للمتابعه

هتسبها هناك وتروح تبص عليها علشان تضمن انوا شغال و الشغل هيفرق كتيييييييييييييييررررررررر اويييييييييييي و هيباه جامد بس انت اختار الشكل المناسب لعربيتك

و بالنسبه للجنط انك لو معاك من 2500 - 3000 هتجيب حاجة عالية اويييييي

[loay2008]

thankis ya man thank youuuuuuuuu

[OZYDREAMS]

ياباشا انا زيك من دمياط وشغل التعديل ده موجود عندنا عند واحد مشهور بيعموا عنده لو عاوز ادلك عليه وحتى اروحلك معاه انا فى الخدمه

[loay2008]

يا محمد اعتقد ان انتا بتتكلم عن الراجل الى جنب المصريه للسيارات بس اعتقد نو غالى شويه وشغلو مش حلو والمشكله الاكبر اعتقد انو معندوش حاجه جديده اكيد بتنزل راس البر وبتشوف حاجات غريبه مش لايقه على بعض فاهمنى اعتقد بورسعيد ارخص واحسن بمتير ومش هتفرق ولا ايه رايك يهمنى والله