حد يعرف نوع او اسم القماش بتاع السائر الكبس ؟

[Ahmed Metwally]

عايز اجيب القماش ده .. بس محتاج اعرف اسمه
وياسلام لو حد يعرف مكان بيبيعه
انا كنت هنزل اسأل عليه فى الوكالة
بس محتاج اى معلومات عنه علشان اعرف اسأل.

[ViLMoS]

انا جبت قبل كده القماش ده بس من الشوارع اللي حوالين شارع الازهر بتوع القماش وانا مش عارف اسمه انا اخدت حتة من ستارة قديمة وقعدت ادور لغاية ما واحد طلعلي القماش ده انا بنصحك تروح شارع الازهر احسن

[Ahmed Metwally]

مش فاكر سعره كان كام؟

[ViLMoS]

مش فاكر سعره كان كام؟

تقريبا 4 جنيه بس الكلام ده كان من 3 سنين مش عارف دلوقتي ممكن يعمل كام

[Ahmed Metwally]

طب يعنى فى الرخيص .. حتى لو سعره زاد خلال التلات سنين مش هيبئى حاجة غالية

الف شكر يا باشا

[exact]

يا ترى ايه الاخبار يا ريت تفيدنا

[ahmed_gamal777]

الستارة الكبس بيستخدم فيها انواع قماش متعددة - عموما فين نوعين رائيسين ولكن مشكلتهم انهما بيتباعو بالتوب او بالكيلو - الستان فى حدود 4.5 ج لمتر - الشبك فى حدود 40ج لكيلو واى خدمة