إعـــــــلان

Collapse

.

,
See more
See less

كل ما تحتاجه عربيتك (نظافة - اهتمام - امان)

Collapse
X
 
  • Filter
  • الوقت
  • Show
Clear All
new posts

  • كل ما تحتاجه عربيتك (نظافة - اهتمام - امان)

    السلام عليكم جميعا
    اولا هو الموضوع اجتهاد شخصي وفي نفس الوقت محتاج مشاركتكم عشان تكمل المعلومة كلها
    طبعا كل واحد بيجيب عربية جديدة بيحاول يحافظ عليها من تلات حاجات
    1- التعامل الشخصي من الي هيركب العربية بالنسبة لنظافة العربية
    2- عيون الحاسدين الحاقدين واللي بتبقي نفسك تخزئهالهم
    3- العيال التــــيــــــــــــــــــــــــــــــــــــــــــ ـــــــــت اللي بتعشق تمشي تجرح في العربيات اللي جنبها
    انا حبيت اقول رأيي يمكن يكون فيه الخير
    اولا عايز تبدا مع عربيتك صح لازم تعرف ان العربية ميزانية بيت
    يعني تعمل حسابك انك تهتم بالحاجات اللي هتخافظلك علي عمر العربية ونظافتها
    فرش الكراسي -فرش الارضية دول للحفاظ داخليا
    خارجيا بقا فربنا يعينك يا باشا لو ساكن ف شارع زي حالاتي اول ما اشتريت العربية ومغطيها وتحت البيت اصحي تاني يوم الاقي واحد واخد الغطا بالباب اللي ورا ع اليمين بمسمار ولا مطواة حاجة تنرفز بجد

    بس لو قريب منك جراج احسن واامنلك تحطها فيه بس نصيحة متخليش حد يغسلهالك
    طبعا هتحتاج لمجمموعة مواد التنظيف (شامبو للبودي - مكنسة كهربائية -فوط ميكروفيبر - ملمع زجاج - ملمع تابلوه او فازلين - ملمع كاوتش - شمع تلميع البودي - اسفنجة ) تقريبا كده كويس
    مهم جدا انك لما تبدأ تنضف العربية تبدأ بالماية عشان التراب علي العربية وهي ناشقة هيجرحها
    حاول تغسل العربية وهي بحالتها وياريت تكون العربية باردة وفي مكان ظل وطبعا مش هوصيك اوعي تغسل العربية بصابون سائل او بتاع المواعين هتلاقي لون العربية راح منك بعد كل غسلة عشان كده كنت بقول متخليش حد يغسلهالك وكمان حاول تشتريلها فوط ميكروفايبر مش اي فوط عشان متجرحش عربيتك بنفسك هتلاقيها في البنزينات مش غالية
    حاول كل اسبوعين او تلاته علي حسب ما تقدر تلمع العربية بالشمع دي هتحتاج مكان مقفول عشان التراب ميلزقش مع الشمع هات Armor all wash&wax جميل والناس بتشكر فيه و ِ
    Armor Extreme sheild wax
    بالنسبة لفرش الكراسي دور علي حد ايده محترفة وعنده ضمير عشان انت بتعمل كل ده عشان تحافظ علي شكل وعمر الفرش القديم كمان فتهتم انه يعملك بطانة كويسة والتفصيل يبقي علي تفصيلة الكرسي الاصلي ويا سلام لو عرفت حد يجيبلك الفرش من الجلد اللي مش بيعرق هتبقي عملت الصح
    وطبعا نفس الكلام علي فرش الارضية
    لتلميع التابلوه مش هتحتاج غير فازلين جميل جدا وممكن تستخدمه للفرش الجلد

    نيجي للامان
    هتحتاج لحالات الطوارئ (منفاخ بكشاف ومقياس ضغط -أرقام اوناش معروفة متاخدش اللي في الطريق ابدا لانهم ممكن يكونوا الحرامية - شنطة عدة بسيطة كام مفك علي كام مفتاح -شنطة الاسعافات ..... كملوا انتوا بقا
    بردو حاول تكون حريص متقفش لحد في الطريق الا لو حسيت انك في امان
    اوعي تسيب المفتاح في العربية لاي سبب من الاسباب
    بس يا سيدي حاولت اجمع كل حاجه في موضوع واحد يارب يكون مفيد للكل واتمني تفيدوني بمشاركتكم
    اجعل حياتك منارة لحياة الاخرين تعش ابد الدهر
    :flower4u:

  • #2
    شكرا على النصائح ياباشمهندس
    وبارك الله فيكم
    الحلوة دى بلدى

    Comment


    • #3
      وبلاش حد يسيب الرخصه ف العربيه نهائي
      م/ احمـد عـزت

      Comment


      • #4
        الف شكر يا معلم ومجهود تشكر عليه بصراحه
        بس عندي استفسار
        ممكن تعرفني التشميع ده بيتعمل ازاي
        لك الف شكر

        Comment


        • #5
          جزاك الله خير وربنا يسترها معانا جميعا ان شاء الله

          Comment


          • #6
            تسلم ايدك يا بشمهندس
            [SIGPIC][/SIGPIC]
            [COLOR="Magenta"][/COLOR]

            Comment


            • #7
              موضوع مفيد وجميل

              Comment


              • #8
                أسف يا جماعة علي الانقطاع لكن شكرا لردودكم جميعا
                اجعل حياتك منارة لحياة الاخرين تعش ابد الدهر
                :flower4u:

                Comment


                • #9
                  شكرا على الافادة
                  dr.hany

                  Comment


                  • #10
                    شكراً على الموضوع
                    بس حكاية الفازلين على الكراسى مش هتلم تراب
                    [SIZE="5"]لا اله إلا الله محمدُ رسول الله[/SIZE]

                    Comment


                    • #11
                      طب والعطر

                      Comment


                      • #12
                        مشكور وربنا يجعل هذا العمل فى ميزان حسناتك
                        [CENTER]مايصدر [OVERLINE]عني [/OVERLINE]هو مجرد راي [OVERLINE]ا[B]لشخصي[/B] البحت [/OVERLINE]وقد [OVERLINE][U]اختلف [/U][/OVERLINE]او [OVERLINE][U]اتفق [/U][/OVERLINE]مع الاخرين فى الفكرة ولكني علي استعداد [OVERLINE]لتعلم شئ جديد[/OVERLINE].[/CENTER]

                        Comment

                        Working...
                        X