بولونيز

[amruzo]

ياريت من خبراء التعديل من غير تريقه لانى بحب عربيتى جدا بس ايه اوجه التعديل المتاحه فى البولونيزوفين ومن غير تحديد تتكلف اد ايه تقريبا وشكرا

[mrghost]

هى اولا عربيه محترمه بكل المقاييس موتور وصاج وعفشه بس ممكن توضح هتعدل الشكل ولا الاداء؟
لو الشكل تركب كساحه اماميه فى الحرفيين بس متكونش كبيره علشان متبوظش شكل العربيه وكذلك واحده فى الاكصدام الخلفى وتلغى الفوانيس الخلفيه خالص وتعمل التعديل اللى فى الصوره ده

وبالنسبه للاداء اولا تركب كاوتش عريض وجنوط عريضه علشان تزود ثبات العربيه وتركب صب وكام سماعه وجى ام
وطبعا فى حاجات كتير ممكن تتعمل وبالتوفيق

[amruzo]

معاك

بالنسبه للجنوط انا مركب 14 وكاوتش معقول والسماعات والجى ام راكبين برضه انا بتكلم بالنسبه لاداء الموتور الصالون مش حابب موضوع الكساحات

[a_hashad]

hi amurozo
check out this link and , it's a polish forum specially the one added by me (Hashad)

http://www.fsoptk.pl/forum2/viewforum.php?f=21

feel free to ask any thing , but please be specific
hope you'll find what you looking at!
yours
hashad

[OZYDREAMS]

هى لو العربيه ايه ؟؟

[noni67]

دى بعض التعديلات للجسم والصالون اتمنى تعجبك

[Ahmed_Elkhateb]

يا جماعه سبحان الله البولنيز ديه مش عارف ليه مش بيليق عليها اى حاجه ليييييييييييه عامة انت اهم حاجه تسأطها شويا علشان العربيه ديه عاليه اووووووى مع الجنوط الشكل هيبقى تحقه مع اكصدمات عموله قدام وورا وتلعف فى الفانوس اللى ورا على اد ما تقدر والفانوس اللى قدام هتخليهم اربعه مدورين فانوسين كبار مدورين واتنين صغيرين وادهن العربيه كلها شكل وااااااااحد بالنسبه للمتور انت ممكن تسقطلها متور احسن مع انى مش بحبز حكاية التسيقيط ديه والعفشه طبعه هتها كونى بالسوست بتعتها وربنا يوفقك يا حوبى

[amruzo]

انا شاكر ليكم جميعا

اولا العربيه لونها بيج وشكرا على السايد بتاع البولو نيز اول مره احس انها عربيه

[a_hashad]

على فكره ممكن تلاقى صور كتير على النت ابحث على Google و هتلاقى حاجات كتير اما بالنسبه للمواتير ممكن تسقط المواتير الاتيه :
1- فيات 132 1800و2000
2- فيات 131 2000 فلوموكس
3- روفر 1400 K-Type أو 2000 M-Type بس ده مشكلته الحراره بس هورس باور معدى 160HP و الـ K-Type 140 HP و تركيبه اسهل و موجود الـ 2000 فى عزبه شلبى بالمطريه و يخلص على 1500 جنيه
بالنسبه لمواتير الفيات لا تحتاج الى تعديل كبير فقط مكان عصايه الفتيس يتفتح علشان الفتيس ارضى موش زى البولونيز بميل و يركب عمود الكردان الجزء الأمامى فيات و الخلفى بولونيز
بالنسبه للشكل انا افضل ان احافظ على نفس شكلها مع تحديد سوك الصاج و دهان كويس و تهبيط موش كتير

[Bubbles]

عندي مشكله في الكرونه ,,,بتون جامد ,, بولونيز89
يصراحه انا بحب البولو و ناوي أزبطها ن سعرها نازل قوي في السوق ف بفكر اسقطلها موتور 131 و كرونه
هل في أي مشاكل او تعديل ميكانيكا حيتعمل و لا مجرد شيل و حط؟؟
شكرا

[a_hashad]

بص كارونه بتون يبقى لازم تغيرها و لو عاوز توفر شويه غير القلب بس (مجموعه التروس) و كرونه البلونيز متوفره و لكن خلى بالك موديل 89 نازل بنوعين كارونه واحده مدوره زى الـ 125 و دى سرعتها بطيئه و تانيه مربع تقريبا زى الشاهيين و الـ 131
بس لو هتركب مكنه اكبر من 2000 سىسى يستحسن تحط كورونه 132 2000 او 1600 GLs ممكن ساعتها تحتاج تغير الأكسات كمان و لكن خلى بالك ان كرونه الـ 132 غاليه يعنى بتعمل بالدفرنسيه حوالى 1700 جنيه
بالنسه لماكنه الـ 131 لا يوجد تعديل الا فى قاعده الفتيس لأن قواعد الموتور واحده و ممكن تغير الوصله الأمامى للكردان لو احتجت بـ وصله الفيات 131

[Bubbles]

باشا ألف شكر
عندك فكره العمليه دي تخشاها في كام
القلب او الكرونه
الموتور 131 مع الفتيس طبعا
اه و الرخصه عادي و لا فيها مشاكل
شكرا مره تانيه

[a_hashad]

كورونا من 250 الى 500
موتور + فتيس 131 من 2500 الى 3000
مصنعيه اعتقد حوالى 300 جنيه
و الأسعار دى موش updated و يفضل ان انت تلف شويه و تقارن لأن كل الحاجات دى مستعمل فلازمن تتانى و انت بتشترى
لما بتغير موتور بتجييب ورق الموتور الجديد معاه و انت بتشترى و بعد كده تروح على المرور و تقلوهم اننت غيرت الموتور بالموتور اللى معاك فبيطلب منك فحص و لذلك يفضل تعملها فى نهايه الترخيص

[amruzo]

تفسير اخر

المواتير الروفر دى فيات ولا ايه ومشكلة الحراره دى ليها حل ولا لاء

[mmmmgogommmm]

سلام عليكم ممنوع دلوقتى تغيير موتور الموديل بموديل اخر وعدم تغيير قواعد الموتور اعتقد هيرفضوا يرخصولك اسال الاول