الجناح اللى بيركب على الشنطه من ورا بتاع العربيات السبق

[Ahmed_Elkhateb]

الجناح اللى بيركب على الشنطه من ورا بتاع العربيات السبق اجيبو منين ويعمل كااااااااااام ولو فى منو انواع ياريت اعرفها بس مش الفبر لاء اللى هو بيبقى ححديد ده ولا معرفش ايه عمال زى بتاع العربيات السبق اجيبو منيييييييييييين وبكاااااااااااام

[Mohamed_Ibiza]

بص يا سيدي المحترم اللي حضرتك تقصده ده عموما اسمه سبويلر

والصراحة انا في مصر مشوفتش اسبويلر يحمل معنة كلمة اسبويلر ولكنة مجرد شكل مش اكتر

ومعظم اللي موجودين في مصر بيبقو فيبر وممكن تعملو عمولة عند بتاع الفيبر او بتجيبو جاهز من موديلات عنده هو بيكون عاملها او بتجيبه جاهز لموديل عربيتك لو عربيتك بينزل منها بسبويلر

[Ahmed_Elkhateb]

لالالالالاء انا مش اقصد الفبر انا اقصد زى اللى راكب فى العربيه ديه

[KoDaK_Gti]

سعره بيبدأ من 300 جنيه

[Ahmed_Elkhateb]

منين يا كوداك اجيبو منيييييييييييييييين

[Sameh]

شوف التوفيقية ، متهيألى شوفتوا هناك

[KoDaK_Gti]

موجود فى التوفيقية وفى محلات الاكسسوارات الكبيرة فى اى مكان بس اسعارهم متفاوتة كتير وخامات كتيرة

[KOLIU2002]

ده اسمه اسبويلير فلير كيت ده عادتا بيبقى فى الهوندات والعربيات السيدان انا كنت مركبه عندى فى عربيه لانسر قديمه 93 كوبيه وكان بيتحرك وبيزيد حجمه عند 120 بس المرور كان مطلع عينى
كان من بورسعيد من عند احمد رزق زكان اول ما نزل عامل 1500 مش عارف هو بصراحه كام دلوقتى كان نوعه زيندر المانى

[wael_adel31]

ده اسمه اسبويلير فلير كيت ده عادتا بيبقى فى الهوندات والعربيات السيدان انا كنت مركبه عندى فى عربيه لانسر قديمه 93 كوبيه وكان بيتحرك وبيزيد حجمه عند 120 بس المرور كان مطلع عينى
كان من بورسعيد من عند احمد رزق زكان اول ما نزل عامل 1500 مش عارف هو بصراحه كام دلوقتى كان نوعه زيندر المانى

100000000000000000+
مش من السهل دلوقتى انك تلاقيه جدا فكل الناس بتستسهل وبتعملو فايبر فى الحرفيين وأرشحلك (بســــــــــــــــام) وهيكلفك حوالى من 450 ل 600 الميزة الوحيدة ان بيكون على مقاس العربية بالضبط بس نصيحة قبل متركبه على الشنطة شوف الوزن الأول لأنة ساعات بيكون تقيل وبيطبق الشنطة وكمان تيقى تلزق استيك أوتحط دبل فيس بين القاعدة بتاعته والشنطة عشان الميه بتترسبش تحت القاعدة وتعملك بارومة.
وبالتوفيق بس اعمل حسابك ان المرور مانعه وبيسمو طيارة :k41:

[Michael_Lanos]

يا شباب ال سبويلرده بيعمل داون فورس للعربيه يعنى بيهدي من سرعتها فى عربيات السباق علشان الليونه والثبات مش للمنظره يا شباب

[shady_love]

انا من راى انك ماتفكرش فيه اولا عشان المرور بتعنا ميش هيسيبك فى حالك لان انا كنت مركبو و شيلتو و عموما اسعاره لو عموله و داه بيبقى فيبر من 200 الى 250 ميش ازيد واما لو كان الحديد و ماركة هيبتدى من 600 او 700 و دا كمان الى ميش اوى فبلاش احسن لان فعلن بيعمل زى ما الاستاذ ميكل قال انو بيعمل داون فورس فبتالى بياثر على المساعدين الى ورا لان دا ميش بتركب كدا و خلاص دا لزم تكون العربية منخفضة جدا و لازم تكون مظبط طبعا عفشة رياضية يعنى بتبقى محتاجة شغل عشان تبقى مركبها صح و ليها استخدام و نصحتى ليك بلاش

[kemo_snoopy]

انا عندى يا مان اسبويلارات بتبدء من 650 جنيه