اعملها بنفسك .. ستارة للزجاج الخلفي بـ 75 قرش.

[Ahmed Metwally]

تسمعوا عن قماش خفيف اوى كده اسمه "بطانة"
ده قماش هتلاقيه عند اى حد بتاع مشمع وارضيات كالتكس
واكيد عند بتوع القماش فى اى حتة فى البلد
قماش خفيف لو شديته جامد هيتقطع فى ايدك

انا كنت عند واحد بتاع مشمع بشترى حاجة ولمحت القماش ده عنده
بكام ياعم .. المتر بـ 3 جنيه
والتوب عرضه 2 متر .. يعنى قطعة المتر عبارة عن 2 متر

انا اول ماشفت القماش ده قلت والله ينفع .. لما نجرب ونشوف مش هنخسر حاجة.

جبت القماش وقطعت حتة ربع متر تقريباً اى ما يساوى 75 قرش.

قعدت بئى افكر ودى هثبتها ازاى
عايز طريقة كويسة علشان ماتفكش على طول
بعد تفكير قلت احاول ازنق القماش بين زجاج العربية وبين الجلد اللى مثبته
وفعلاً العملية نجحت


عيوب الموضوع ده ان الستارة هتفضل ثابته على طول ولو شلتها ممكن تتقطع او تزهق وماتركبهاش تانى
وممكن لو حسيت ان القماش خفيف
تقطع حتة نص متر وتطبقها اتنين هتقفل معاك خالص

المميزات اللى انا شايفها
اولاً دى حاجة ببلاش كده
ثانياً مش محتاجة حرفة فى تركيبها
ثالثاً القماش ده فى منه الوان كتير .. انا شفت اسود وابيض واخضر وازرق

محتاجين بئى الشباب يطوروا فى الحوار ده شوية ويشوفوا لو فى طريقة احسن من كده لتثبيت القماش.

اسيبكم مع الصور

[shiko85]

بس الصور موضحه انها حاجبه الرؤيا خالص

[Ahmed Metwally]

هى حاجبة الرؤية ده حقيقي

بس بالليل انا شايف اى نور اياً كان مصدره
عربية او عمود نور او موتوسيكل
اى نور متشاف كويس

سبب من الأسباب اللى خلتنى اعملها هى انها تحجب الرؤية
مش عايز حد من برة يشوف اللى جوة

بس برضة ممكن حد يجرب يغير نوع القماش
اكيد ممكن تلاقى قماش يكون رخيص ويديلك المميزات اللى انت عايزها

انا عن نفسي مستريح كده جداً

[MoustafaElfaek]

تسمعوا عن قماش خفيف اوى كده اسمه "بطانة"
ده قماش هتلاقيه عند اى حد بتاع مشمع وارضيات كالتكس
واكيد عند بتوع القماش فى اى حتة فى البلد
قماش خفيف لو شديته جامد هيتقطع فى ايدك

انا كنت عند واحد بتاع مشمع بشترى حاجة ولمحت القماش ده عنده
بكام ياعم .. المتر بـ 3 جنيه
والتوب عرضه 2 متر .. يعنى قطعة المتر عبارة عن 2 متر

انا اول ماشفت القماش ده قلت والله ينفع .. لما نجرب ونشوف مش هنخسر حاجة.

جبت القماش وقطعت حتة ربع متر تقريباً اى ما يساوى 75 قرش.

قعدت بئى افكر ودى هثبتها ازاى
عايز طريقة كويسة علشان ماتفكش على طول
بعد تفكير قلت احاول ازنق القماش بين زجاج العربية وبين الجلد اللى مثبته
وفعلاً العملية نجحت


عيوب الموضوع ده ان الستارة هتفضل ثابته على طول ولو شلتها ممكن تتقطع او تزهق وماتركبهاش تانى
وممكن لو حسيت ان القماش خفيف
تقطع حتة نص متر وتطبقها اتنين هتقفل معاك خالص

المميزات اللى انا شايفها
اولاً دى حاجة ببلاش كده
ثانياً مش محتاجة حرفة فى تركيبها
ثالثاً القماش ده فى منه الوان كتير .. انا شفت اسود وابيض واخضر وازرق

محتاجين بئى الشباب يطوروا فى الحوار ده شوية ويشوفوا لو فى طريقة احسن من كده لتثبيت القماش.

اسيبكم مع الصور

حبيب هارتى انت جيت

خلى بالك بس عشان ممكن تطلع فيها مخالفة

[ahmedamgad18]

تجربة تشكر عليها .... فكرة حلوة وانا عن نفسى هحاول اجربها

[Ahmed Metwally]

حبيب هارتى انت جيت

خلى بالك بس عشان ممكن تطلع فيها مخالفة

درش .. يا كبير لو فى مشاكل همد ايدي وانزلها فى ثانية :d

[Ahmed Metwally]

تجربة تشكر عليها .... فكرة حلوة وانا عن نفسى هحاول اجربها

تسلم .. بس قبل ماتجرب اعرف انها هتعتم الرؤية
لو مش عايزها تعتم
شوف نوع قماش يكون مخرم
ولو لاقيت حاجة ابقى قولنا على اسمها

[eng.salama93]

قماش الستاير الكبس بيتباع ف الأزهر ب 4 جنيه او 5 جنيه المتر

[J A G U A R]

طب لو فى حاجه ورا العربيه ومرايات الاجناب مش جيباها هاتعمل ايه ..

[rrgrrg]

الصراحة الصور مبينة انو قماش كثافتة مش متوزعة بلتساوي فا شكلو مش مقبول اوي بلنسبالي ... علعمووم هو حل بسيط بس وقتي مفيش افضل من الستاير الكبس :d

[ahmedamgad18]

تسلم .. بس قبل ماتجرب اعرف انها هتعتم الرؤية
لو مش عايزها تعتم
شوف نوع قماش يكون مخرم
ولو لاقيت حاجة ابقى قولنا على اسمها

باذن الله لو وجدت حاجة مناسبة هبقى ابلغكم بيها

[Ahmed Metwally]

طب لو فى حاجه ورا العربيه ومرايات الاجناب مش جيباها هاتعمل ايه ..

نجرب قماش الستاير الكبس نفسه اللى الناس بتقول عليه
انا ماعرفش هل له اسم معين ولا لاء
بس لو لاقيته ادامى هجيبه واجربه

ملحوظة بس صغيرة
انا بشوف عربيات معتمة الزجاج الخلفى تماماً وماشيين عادى
بس مش ده موضوعنا

موضوعنا هو طريقة رخيصة جداً ومش محتاجة صنايعي يعملها ولا يفصلها
حتة قماش (اختار النوع اللى يريحك) وثبته بنفسك :)

[Ahmed Metwally]

الصراحة الصور مبينة انو قماش كثافتة مش متوزعة بلتساوي فا شكلو مش مقبول اوي بلنسبالي ... علعمووم هو حل بسيط بس وقتي مفيش افضل من الستاير الكبس :d

بالظبط كده زى ماحضرتك قلت هو حل بسيط :)

وبالنسبة للقماش الشباب هنا اقترحوا انواع تانية
انا لو لاقيتها هجربها
ولو حد جربها ياريت يقولنا عامله معاه ايه

ولو مش فارق معاك التعتيم من عدمه
القماش ده (البطانة) لو طبقته اتنين بس هتلاقيه بئى كثافة متساوية :)

[shiko85]

ملحوظة بس صغيرة
انا بشوف عربيات معتمة الزجاج الخلفى تماماً وماشيين عادى
بس مش ده موضوعنا

سواء فاميه او ستائر كبس حضرتك مش هتشوف حاجه من بره لكن من جوه العربيه كل حاجه واضحه عادى

[ahmed_gamal777]

موضوع روعة وحضرتك فنان و لو حضرتك محتاج اى حاجة فى طريقة التثبيت - عيونى ليك