كماليات كورولا 2007

[Karim_Monir]

متابع باهتمام
ايمن باشا
ماتنسانيش في الفلتر اللي قالك علية ممدوح باشا
فلتر بالكيت كامل يعمل كام ليا يا باشا
-------------------------
استاذ احمد سرحان
الاسبويلر انا جايبة التايواني الاصلي بالستوب بالفيشة الاصلية ب 500 بدون رش واترش ب 150
ده الاصلي بيبان في تقفيلة وتقلة والتقفيل بتاعة
الجنوط خليك في ال 15 احسن على 195-60
شوارع مصر وحشة قوي

الدفيدي بيكون موجود عند عرفة جابر او في التوكيل او العالمية ب 3500
وده بتاع تويتا الجيل التاسع وبيكتب تويوتا اول ما بيفتح على طول وانا مفضلتوش وفضلت دفيدي ومنيتور منفصلين

[badblood]

حاجاتك موجودة عند محل هاي لاين في شارع دمشق وكمان في خصم 15 %
وده صورة الفانوس الخلفي


وان شاء الله انا رايح بكرة لو لاقيت الفوانيس الامامي هقولك على طووول

[AhmedSarhan]

كريم باشا : شكرا جزيلا لمعلوماتك و افادتك بس فى ناس قالولى الاسبويلر مش هيبين الستوب لايت اللى فى نصف الزجاج الخلفى
فكنت عاوز أسأل حضرتك بيعمل فرق فى الاداء ولا لأ ؟
عشان أنا مش عاوزو يبقى منظر و خلاص

بالنسبة للجنوط التويوتا الأصلى اللى بتنزل مع ال Excutive 1800
يا ترى حضرتك تعرف الاقيها فين ؟

بالنسبة لل DVD الصينى فهو برضو بيكتب تويوتا أول ما بيفتح فهل كدا يبقى كويس ولا ايه ؟
CD-MP3-BT-DVD-GPS-SD Reader-7'' TFT
LCD Touch Screen-TV-RADIO
و حاجات تانية كتير High output 50W x 4
دا على النت يتراوح بين 300 الى 345 $ فسعره تقريبا نصف السعر اللى حضرتك قايل عليه

Badblood باشا : شكرا جزيلا يا أخى الفاضل على اهتمامك بس الفانوس اللى حضرتك حاطه انا شايف فيه لمبة الReverse و موديل 2007 لمبة Reverse لوحدها جنب النمر مش جوا الفانوس فهل كدا يبقى مضبوط ولا فى نقطة أنا اللى مش فاهمها ؟

[Karim_Monir]

استاذ احمد مانا بقول لحضرتك ان الاسبويلر بالستوب بالفيشة الاصلية
ودي طبعا بتغني عن الاستوب اللي في الزجاج الخلفي عشان كدة بتشيل الفيشة الاصلية بتاعت الاستوب بتاع الازاز وبتكتفي الاستوب بتاع الاسبويلر فقط
الجنط بتاع الاكزيكيوتيف صعب تلاقية في مصر خاصة انه 16
ال 15 بتاع ال 1600 موجود عند العالمية وعرفة جابر بحوالي 4500

الدفيدي الصيني اللي حضرتك بتقول علية ده تمنه برة في الصين
شوف هاتكلفة كام شحن جوي وجمارك وحد يروح يخلصهولك او لو مشترك في خدمة بيرد سريع كله بتمنة وطبعا من غير ضمان
لكن اللي بقولك علية ده تمنة هنا في مصر الحاجة موجودة قدامك وبضمان سنة وطبعا لازم يحط هامش ربح
ولما تقارنة باقل حاجة ماركة كويسة زي كينود او الباين بيكون تمنهم 6 الالاف وانت طالع

على فكرة بالنسبة للفانوس ده بتاع 2004 وبيركب على الموديل بتاعنا وبيبقي عندك لمبتين رفيرس ومش هاتلاقي فاتوس ليدات من غير لمبة ريفيرس فيه

[AhmedSarhan]

أولا شكرا جزيلا لاهتمامك يا باشمهندس كريم

بالنسبة للاسبويلر أنا لما كنت بسأل بيفرق فى الأداء كان قصدى بيدى ثبات أكتر على السرعات بعد ال120 مثلا و لا لأ مش موضوع الاضاءة فأنا آسف لو المعنى دا موصلكش فى المرة اللى فاتت

جنوط ال Excutive مش ممكن تكون موجوده عند حماده غزى أو على الأقل يقدر يجيبها ولو من الحرفيين مثلا أو استيراد ؟

أنا تعبتك معايا جدا يا باشمهندس بس عشمى فيك و فى الاخوة الافاضل هنا فى المنتدى كبير

[badblood]

صح كده كلام كريم مظبوط يركب على 2004 و 2007

[Karim_Monir]

ولا يهمك اسال زي مانت عايز
الاسبويلر مش هاتحس بفرق قوي م غير جنط محترم وكاوتش مش اقل 195-60-15
ال 16 حلو وكان نفسي فيه بس شوفت ناس خلعتة من الكرولا لانه بيفقدها اهم ميزة
النعومة في المطبات
الا لو ركبت عفشة سبور وتمشي تحسس على الشوارع بقرفها ومطباتها
انا لفيت في موضوع الجنوط ده كتير في كل حتة مالقتش حد يجيبها لان الاصليه تمنها هايعد ال 6 مستريح
دي لو تويوتا مش براند تاني

[M_Abdallah]

بالنسبة للجنوط كل موديلات الكورولا2005الي 2007 سواء1600 او1800 اللي في الخليج مقاس 15 وليس 16 ورأيي بدل عربيتك 1300 يبأ خليك في15 اضمنلك عشان سحب العربية وميأثرش علي العفشة زي كريم ما قالك .



____________
محمد عبدالله

[AhmedSarhan]

أنا عملت زيارة سريعة لمحل انزو فى مدينة نصر
الناس هناك قابلتنى مقابلة كويسة جدا
كريم سالم و أحمد علاء

و ادونى عروض أسعار فعاوز آخد رأيكم فيها

الفوانيس الامامية المعدلة (لينس+رينج) 1750
الفوانيس الخلفية ليدات 1050
الفوجات التايوانى 375
فلتر K&n بتاع الكورولا 1450

يا ترى الاسعار دى معقولة ولا غالية ؟؟

أنا قلت أنقلكو الاسعار للاستفادة لجميع مالكى الكورولا
و فى نفس الوقت لو حد يعرف مكان ممكن آخد منو أسعار أقل يبقى كتر خيره

[badblood]

الاسعار زي الفل

[Karim_Monir]

التعليق الوحيد على الفلتر اللي اعرف تمنة انه تمنة كدة من غير اي خصم

[AhmedSarhan]

الفلتر لقيته فى موضوع عرض حماده غزى ب 1155 بس

أعتقد دا كدا يبقى بالخصم

بس ملقتش باقى الحاجات و اتأكدت كدا فى نفس الوقت انها غالية شويتين الا لو كان فى خصم بقى لسه مقالوليش عليه

[AhmedSarhan]

يا ريت يا باشمهندس كريم تسيبلى عنوان و تليفونات العالمية و عرفة جابر

[Karim_Monir]

للاسف مش معايا رقم العالمية
ولا رقممحل عرفة ممكن تجيبةمن الدليل
لكن معايا موبيال عرفة جابر شخصيا
ممكن تكلمة وتقولة انكمن طرف كريم منير بتاع نايل موتورز
0123427458

[AhmedSarhan]

تسلم الايادى يا باشمهندس...هكلمو ان شاء الله و اتابع معاكو هنا بالجديد فى الموضوع

ربنا يبارك فيك يا كريم باشا