عاوزة طاسات شيك

[عصير قصب]

السلام عليكم ورحمة الله وبركاته

انا اشتريت طاسات دايو لانوس طلعت هاى كوبى
طاسات كبس بتركب والعجلة راكبة عادي وتربطها بأفيز
المشكله بقى انى مكنتش اعرف ان الكبس دى حاجه تفقع كده بصراحه
كل شويه متلخلخه وعاوزة تقع وشكل الافيز وهو رابطها بلددددددى اوى
عاوزة اسئلكم بقه عن الطاسات ايلى بتتركب بمسامير فى العجل نفسه
عشان ما تقعش ويبقى شكلها شيك
وعاوزة طاسات سبور

عشان اكنى مركبة جنط سبور
الاقى الكلام ده فين بليز
والطاسات ايلى بتتركب بمسامير دى اسمها ايه
واعرف الاصلى من الكوبى ازاى

[eng_amg]

نفس المشكلة عندي. الطاسات الجديدة الي في السوق مش كويسة ومش بتثبت كويس غير بالعافيا.
نصيحة .. خليها كدا لغاية ميعاد تغيير الكاوتش ولما تفيري الكاوتش إشتري جنوط 14 سبور ويبقى حليتي مشكلة الشكل وعملتي في نفسك وعربيتك جميلة كبيرة. لأن مقاس 14 هو المفضل لللانوس وحيساعد كتير في الإتزان والفرامل.

[J A G U A R]

على فكره الطاسات الاصلى بتقع برضه والمفروض تتربط
قبل كده جيبت طاسه للاوبترا من التوكيل كانت ب 120 جنيه اول ما وصلت البيت ملقيتهاش
ركبى 2 افيز لونهم ابيض على الطاسه الواحد وهايبقو كويسين

[عصير قصب]

شكرا يا جماعه
الحل هو الجنط فعلا
قدامى والله جنط مقاس 14 بس بالكاوتش بتاعه استيراد
المشكلة الكاوتش لسه جديد بقاله سنه

[pepo2011]

اظن حضرتك مش بتجري اوي عال هاي واي فمش هاتحسي بمشاكل الجنط 13 --
فلو المشكلة في الشكل بس والمنظر الجمالي يبقي ممكن تجيبي طقم طاسات دلوقتي وهي انواع علي فكرة حسب المستورد في منها رخيص ومنها غالي وتربطيهم ب 2 تاي راب او افيز يبقي كده حضرتك حليتي مشكلتك لحد معاد تغيير الكاوتشتبقي تجيبي جنط 14 اسبور مع 4 فرد كاوتش وخلاص

[عصير قصب]

اظن حضرتك مش بتجري اوي عال هاي واي فمش هاتحسي بمشاكل الجنط 13 --
فلو المشكلة في الشكل بس والمنظر الجمالي يبقي ممكن تجيبي طقم طاسات دلوقتي وهي انواع علي فكرة حسب المستورد في منها رخيص ومنها غالي وتربطيهم ب 2 تاي راب او افيز يبقي كده حضرتك حليتي مشكلتك لحد معاد تغيير الكاوتشتبقي تجيبي جنط 14 اسبور مع 4 فرد كاوتش وخلاص

[م أحمد]

طريقة ربط الافيز بس هى المشكلة

يعنى لون الافيز يكون ابيض و الزيادة تتقص

و بالنسبة للطاسات اللى بتركب بمسامير العجل موجودة فى التوفيقية وسط البلد فى القاهرة و اشكالها زى الجنوط الاسبور و رانج 150 او اكتر او اقل