مساعدة فى شراء كومبريسر هواء

[mohamedvip]

السلام عليكم ورحمة الله وبركاتة
لو سمحتو ياريت تساعدونى فى شراء كومبريسر هواء للسيارة
اولا انا عايز نوع كويس ويكون 2 بستم ويكون شغال على البطارية مش الولاعة
فياريت تنصحونى بنوع كويس انا دورت كتير فى النت لقيت الكل بيشكر فى نوع اسمة الجمل
فلو فى حاجة احسن ياريت اسمها وسعرها كام ولو الجمل هو افضل حاجة ياريت اعرف صناعتة ايه فى ناس بتقول فى منه صينى وفيه صناعة احسن وكمان ياريت اعرف سعره كام دلوقتى .

[pepo2011]

باشا انا معايا واحد كويس جدا شغال طحن هو صيني بس درجة اولي بيشتغل ولاعة وبطارية بس كان جايبهولي واحد صديقي من مستورد تقريبا معرفته كنت جايبه ب 300 عشان المعرفة كمان

هاشوفلك ماركته وبيتباع فين

[Yousef.Kamel]

الجمل عند سبيروكار بس اعتقد انه غير بتاع زمان(مضروب)

[mohamedvip]

ياريت الكل يشاركنا بخبريتة عشان مش عايز اشترى حاجة واندم عليها

[Yousef.Kamel]

فيه نوع صينى ممتاز باشكال وانواع مختلفه عند ابراهيم ش دمشق بس غالى شويه

[mohamedvip]

شكرا لكم جميعا الحمد لله تم شراء كومبريسر 2 بستم من شخص معرفة قالى الجمل مضروب حاليا وقالى فى عندة نوع كويس وممتاز وهو مجربة قلى خده وهيعجبك المهم اتوكلت على الله واشتريتة وجربتة وطلع تمام قمت منيم الفردة على الارض وشغلتة لقيتة بسم الله ما شاء الله قوم الفردة فى اقل من 30 ثانية وهو بيشتغل عن طريق الولاعة وعن طريق البطارية زى مانت تحب وكمان فيه كشاف وبالنسبة لنوعة مكتوب عليه fit وبصراحة عجبنى كتير

[pepo2011]

نوعه ايه ياباشا وبكام ومنين عشان نستفيد مع حضرتك ومبروك عليك

[RamyEskander]

السعر والمكان لو سمحت

[mohamedvip]

الله يبارك فى حضراتكم
بالنسبة لنوعة هو مكتوب علية fit
وانا اشتريتة من واحد معرفة يعنى لو مش كويس كان قلى انه مش كويس وبعد التجربة عجبنى جدا
وبالنسبة لسعرة انا اشتريتة بـ 300 جنية
وبالنسبة للمكان انا من محافظة غير القاهرة لكن اكيد موجود فى التوفيقية او شارع دمشق