استفسار مهم عن العفشة والميكانيكا

[محمد كابو]

يا جماعة محتاج مساعدتكم قوى انا عضو جديد فى هذا المنتدى

المفيد وكنت بفكر افتح محل قطع غيار سيارات ربع نقل

يابانى زى الشيفروليه والدبابة والديماكس قطع غيار

جديدة مش مستعمل ولكن انا معنديش الخبرة قوى فى اسماء

قطع الغيار للميكانيكا والعفشة كامل ... ممكن حد يساعدنى

ويقولى اسماء كل قطعة وجزء عشان اعرف اكون المحل

وميكنشى ناقص حاجة... ولكم جزيل الشكر

[Mecha]

تحت امرك يا باشا يا ريت تجيب صور للقطع اللي هتشتغل فيها
ممكن نعرف محل زي دا يكلف كام يعني راسمال قطع الغيار ,وهتجيب من الوكيل ولامستورد ولا تاجر جمله ,وممكن تجيب آجل ولا دفع فوري ,وسعر بيع القطعة الواحدة يتحدد ازاي
وشكرا

[م/أحمد عبد الفتاح]

يستحسن انك تشوف حداد عفشة كويس وتسأله عن القطع بتاعة العفشة لان هو حيدلك على الحاجات اللى عليها سحب لان فيه حاجات بتستهلك على طول وفيه حاجات بتبقى فترة استهلاكها طويلة وكمان السحب عليها قليل لانها مش بتبوظ بسرعة وكمان هو حيوريك شكل الاجزاء علشان لما حد يسالك على حاجه تبقى عارفها .
ونصيحة صغيرة : مافيش حد عنده كل حاجه - يعنى لازم حتلاقى حاجات مش موجودة عندك - الشغل فى السوق هو اللى حيعرفك ايه االى ناقص وايه اللى مالهوش لزمة عندك . فانت حتبدا بالحاجات الاساسية وبعدين واحدة واحدة حتعرف تكمل المطلوب للسوق وبصفة مبأية الحاجات الاساية بتبقى مثلاً زى بلى العجل والمساعدين والمقصات وبيضات الطرف والتياش اليمين والشمال وكاوتشات الميزان والميزان والاكسات والبجات والسوست ( بس دى معمرة شوية ) والصلايب وصلايب دركسيون و طبعاً مسامير وصواميل وورد وتيل مسامير بالهبل
ولسه فيه حاجات تانية كتير حايقولك عليها بتاع العفشة .

[محمد كابو]

تحت امرك يا باشا يا ريت تجيب صور للقطع اللي هتشتغل فيها
ممكن نعرف محل زي دا يكلف كام يعني راسمال قطع الغيار ,وهتجيب من الوكيل ولامستورد ولا تاجر جمله ,وممكن تجيب آجل ولا دفع فوري ,وسعر بيع القطعة الواحدة يتحدد ازاي
وشكرا

والله انا حاططلها فى رنج 100 او 150 الف شامل طبعا تشطيب المحل ... وعايز فى الاول كده اجيب من التجار فى التوفيقية ...بس انا معرفشى حد هناك مستورد كويس يعنى ويدينى سعر حلو عشان اعرف اقف على رجلى جنب الحيتان اللى هنا .. هشتغل فى الحاجات الاصلى طبعا .. ورجلى تاخد على السوق واعرف كل حاجة عن السوق وايه المطلوب وايه اللى اكون مميز فيه عن المحلات اللى هنا .

[محمد كابو]

يستحسن انك تشوف حداد عفشة كويس وتسأله عن القطع بتاعة العفشة لان هو حيدلك على الحاجات اللى عليها سحب لان فيه حاجات بتستهلك على طول وفيه حاجات بتبقى فترة استهلاكها طويلة وكمان السحب عليها قليل لانها مش بتبوظ بسرعة وكمان هو حيوريك شكل الاجزاء علشان لما حد يسالك على حاجه تبقى عارفها .
ونصيحة صغيرة : مافيش حد عنده كل حاجه - يعنى لازم حتلاقى حاجات مش موجودة عندك - الشغل فى السوق هو اللى حيعرفك ايه االى ناقص وايه اللى مالهوش لزمة عندك . فانت حتبدا بالحاجات الاساسية وبعدين واحدة واحدة حتعرف تكمل المطلوب للسوق وبصفة مبأية الحاجات الاساية بتبقى مثلاً زى بلى العجل والمساعدين والمقصات وبيضات الطرف والتياش اليمين والشمال وكاوتشات الميزان والميزان والاكسات والبجات والسوست ( بس دى معمرة شوية ) والصلايب وصلايب دركسيون و طبعاً مسامير وصواميل وورد وتيل مسامير بالهبل
ولسه فيه حاجات تانية كتير حايقولك عليها بتاع العفشة .

كلامك مظبوط ... بس انا طول عمرى تعاملى مع صنايعية الملاكى عشان عربيتى ومعرفشى حد ثقة فى عفشة النصف نقل ...وكنت بفكر انا اشوف توكيل منصور اللى فى المنصورة واخد منه وابقى موزع معتمد يعنى بس ناس قالولى ان عيوبها كتير وهيلزمك بحاجات معينة وبعدين كمان هتحتاج راس مال اعلى

[محمد كابو]

ايه يا جماعة محدش عنده اجابة على سؤالى فى المنتدى ؟؟؟؟؟؟