استفسار يا اهل الخبره في توصيل كاسيت بايونير

[ahmed elazab]

السلام عليكم
استفسار من اهل الخبره
انا ركبت كاست بايونير 4700 في عربيه لانسر بومه
الكاست فيه بلوتوث و واصل و كله تماام
اكتشفت بعد مركبته و مشيت ان البلوتوث شغال بس لما بتكلم في الموبايل اللى بكلمه يسمعنى ة انا مسمعش على سماعات العربيه
ظبطت الاعدادات و كله تماام بس نفس المشكله
انا مركب 4 سماعات و جى ام بس اكتشفت ان سماعات الابواب مش شغاله
انا شاكك ان ممكن يكون في حاجه في التوصيل مش مظبوطه
مع العلم ان الكاست القديم كانت سماعات الابواب شغاله عادى
فياريت لو حد يقدر يفيدني على مروح للصنايعى اللى ركب الكاست

[Salamonti]

كدة سماعات الأبواب مش متوصلة..
لأن البلوتوث بيطلع الصوت على سماعات الأبواب فقط مش على السماعات الخلفية والجي إم..

ارجع للراجل وخليه يوصل سماعات الأبواب هتلاقي صوت البلوتوث طلع عليها :)

[ahmed elazab]

الف شكر يا سعاده الباشا
فعلا كلامك مظبوط
هو كان موصل ااسماعات بس كان خالف الجاكات بتاعت الجى ام فسماعات الابواب مشتغلتش
بس الحمد لله كله تماام
و شكرا على اهتماامك يا باشا