أنذار للبيكانتو

[mas_shine]

السلام عليكم

ان شاء الله هركب أنذار وسنتر للبيكانتو خلال الاسبوع ده

ممكن حد يقولى نوع أنواع الانذار الكويسه و الأسعار

وفى حاجة تانية كنت عاوزة الغطا الوتر بروف للعربية حد يعرف سعره فى حدود كام

ياريت تسعدونى

[mas_shine]

:( :( :( :(

[NaderNabil]

بالنسبة للإنذار :

أفضل حاجة Wolf...فيه منه كذا شكل للريموت و عليه ضمان 5 سنين...و الصنايعية كلهم بيشكروا فيه

هو في التوفيقية سعره 155...و التركيب حوالي 50 جنيه

بالنسبة للسنتر ...معرفش بصراحة ايه نظامه عشان أخر مره ركبت كان من 5 سنين
بس أكيد فيه ناس هنا عارفين

الغطاء الوتر برووف أعتقد بحوالي 180 جنيه...بس مش عارف منين بالظبط

[mas_shine]

الحمد لله ان فى حد عبرنى

جزاك الله خيرا يانادر ........معلش أكيد زهقتك .... بس الدنيا صغيرة هنعمل أيه :)
طيب لو ركبته فى أدريان هيكون نفس السعر ولا أيه.......أصلى صعب اوى حكاية التوفيقية دى ........دنا حتى معرفش هى فيييييييين :k15:

طيب ممكن أقلاقى الغطا فى كرفور؟؟؟؟؟؟

ياريت محدش يطنشنى

:( :( :(

[YaSSerwIN]

بالنسبة للغطا الوتر بروف ممكن تلاقيه فى شارع دمشق فى حدود ال 150 جنية

[mas_shine]

بالنسبة للغطا الوتر بروف ممكن تلاقيه فى شارع دمشق فى حدود ال 150 جنية

جزاك الله خير........
بس معلش فين شارع دمشق ؟؟؟؟؟؟؟؟؟؟؟؟؟

[A.Saad]

يا باشا التوفيقية فى شارع رمسيس امام سنترال رمسيس
شارعين عموديين على شارع رمسيس طبعا مع شوية محلات مستخبية فى الشواع الجانبية
طبعا مش هتروح بالمترو لان العربية لازم تبقى معاك
لكن هى فى محطة جمال عبد الناصر
لو جاى من شارع الجلاء
تعتبر امام مؤسسة الاهرام للصحافة من شارع رمسيس
اغلب المحلات مغلقة الاحد
شارع دمشق
فى منطقة جامعة الدول عند شارع سوريا و شارع شهاب

[YaSSerwIN]

شارع دمشق فى مصر الجديد أمتداد ميدان الجامع