غطاء سيارة

[Bassel]

السلام عليكم
الحمد لله ربنا كرمني وجبت عربية جديدة
فكنت عايز استشارة
منين اجيب غطاء سيارة نضيف وشيك وبستحمل؟
وبيكون في حدود كام؟؟؟
وشكرا

[civilpharaoh]

اولا الف مبروك علي العربية
ثانيا انصحك (بناء عن تجربة) ابعد عن الغطاء البلاستيك او النايلون الي بيقولو عليه water proof علشان هو خفيف جدا وممكن يطير من علي العربية ولو جي علية عقب سيجارة يبقي كل سنة و انت طيب وكمان بيبقي مطمع للسرقة . فخليك احسن في الغطاء القماش وده ممكن تجيبة من امبابة او وكالة البلح وياريت كمان يكون شكلة مش اد كده علشان مايبقاش مطمع للسرقة

[Bassel]

شكرا يا اخي علي النصيحة
في انتظار مشاركة باقي الاعضاء

[morabet79]

القماش بيحمي العربيه من التراب والشمس

لو حضرتك ساكن في الإسكندرية أو مكان فيه مطر مش هيفيدك ، عشان هيخلي الميه على العربيه

فيه نوع water proof بس بيبقى تقيل شويه وليه بطانه ، سعره حسب المقاس ، المقاس الكبير في حدود 170 جنيه

[y_omran]

انا اشتريت القماش من شارع التوفيقية تقيل و متين ب 65 جنية و مبروك العربية

[Bassel]

انا اشتريت القماش من شارع التوفيقية تقيل و متين ب 65 جنية و مبروك العربية

الله يبارك فيك
وشكرا علي المعلومات
بس انا كان نفسي حد يوصفلي حد في شارع دمشق

[Bassel]

القماش بيحمي العربيه من التراب والشمس

لو حضرتك ساكن في الإسكندرية أو مكان فيه مطر مش هيفيدك ، عشان هيخلي الميه على العربيه

فيه نوع water proof بس بيبقى تقيل شويه وليه بطانه ، سعره حسب المقاس ، المقاس الكبير في حدود 170 جنيه

الف شكر علي المعلومات

[جمال]

القماش بيحمي العربيه من التراب والشمس

لو حضرتك ساكن في الإسكندرية أو مكان فيه مطر مش هيفيدك ، عشان هيخلي الميه على العربيه

فيه نوع water proof بس بيبقى تقيل شويه وليه بطانه ، سعره حسب المقاس ، المقاس الكبير في حدود 170 جنيه

انا اعرف من المنتدى ( موضوع قديم ) ان فيه شركة بالاسكندرية بتتصل بيهم و ييجى مندوب لقياس السيارة و عمل غطاء من هذا النوع و يرسله لك حتى عنوانك
انا فى الاسكندرية و محتاج - زيك - لغطاء من هذا النوع
ياريت حد يكتب عنوان و تليفون الشركة للاتصال بها وكمان اعرف ان لهم سايت على الانترنت
برجاء المساعدة لانى مش عارف اوصل لهذا الموضوع القديم

[Bassel]

المشكلة ان انا مش في اسكندرية

[morabet79]

انا من بورسعيد

النوع إلي بقول عليه صيني مش تفصيل مصري

بس فيه نوع خفيف وفيه نوع تقيل شويه وليه بطانه ، وفيه أنواع تانيه ليها أربطه بعرض السيارة ومن الأمام والخلف

إسأل عن محلات الفرش والأكسسوارات

[جمال]

انا اعرف من المنتدى ( موضوع قديم ) ان فيه شركة بالاسكندرية بتتصل بيهم و ييجى مندوب لقياس السيارة و عمل غطاء من هذا النوع و يرسله لك حتى عنوانك
انا فى الاسكندرية و محتاج - زيك - لغطاء من هذا النوع
ياريت حد يكتب عنوان و تليفون الشركة للاتصال بها وكمان اعرف ان لهم سايت على الانترنت
برجاء المساعدة لانى مش عارف اوصل لهذا الموضوع القديم

رجاء المساعدة من الاعضاء و شكرا مقدما

[mahmoudzaied]

ممكن اسال سؤال
معلش فضول بقى
هوا حضرتك معاك توكيل Bmw ؟

[جمال]

ممكن اسال سؤال
معلش فضول بقى
هوا حضرتك معاك توكيل Bmw ؟

معرفش انت بتسألنى انا ام صاحب الموضوع
اذا كان السؤال موجه لى فالاجابه بالنفى
وشكرا على حسن الظن

[Bassel]

ممكن اسال سؤال
معلش فضول بقى
هوا حضرتك معاك توكيل Bmw ؟

لأ معيش التوكيل
بس كعائلة احنا من عشاق الماركة
شكرا علي مرورك
مستني ردود باقي الاعضاء

[جمال]

اخيرا وجدت عنوان مصنع الاغطية على الانترنت
www.topcoveregypt.com

وبه كل المعلومات المطلوبة و هو بحلوان و ليس الاسكندرية
لو اى حد عنده معلومات اخرى او مكان آخر ياريت يفيدنا