مشكلة توقف زجاج السيارة بعد ازالة الفامية

[صابر رجب]

سلام عليكم
انا عندى مشكلة فى النترا 2012 بعد ما شيلت الفامية بمياة وصابون رش خفيف على الفامية اتشال والحمد لله بس الماكينات توقفت تماما عن العمل فممكن يكون ايه السبب او الحل ... لانى لسه شاريها فمش عارف ممكن يكون ايه السبب
وشكرا لاهتمامكم

[فتح الباب]

اذا كانو فاصلين خالص تبقى مشكلة كهرباء وغالببا اللوحه الرئيسيه ناحية السائق ومش عارف اذا انت ممكن تتعامل وتفك كرتونة الباب وبنفسك ولا لا او الاستعانه بكهربائى اما لو تقيل فى الرفع والنزول يبقى اغسل الزجاج ببنزين غسيل جيد لازالة الطبقه اللاصقه المتبقيه من الفاميه

[Abo_Mazen]

إنت فك الفرش وشوف فيه مياه وصابون بيتوا تحت ولا لأ ..وارد يكون في صابون بيتلك تحت

[wessam_star]

يا باشا العيب مش في الكهربا ولا زراير ولا اى حاجه المشكله كلها في الصمغ بتاع الفاميه بعد ما بتشيله بيفضل في صمغ تحت الكاوتش الاسود اللي بيبقي جمب الازاز هوا دا اللي بيخلي الازاز مينزلش .لان الازاز بيبقي فيه بواقي صمغ فاميه فا بيخلي الكاوتش الاسود ده يتنى مع نزول الازاز والازاز بيتحشر