لمبة صالون للسيارة 128

[مستر الديزل]

ازيكم

انا كنت عايز اجيب لمبة صالون للسيارة 128

وعايز اعرف هي لمبة الصالون بتتوصل بكهربة البطارية في العربية ولازم كهربائي سيارات يوصلها ولا بتبقي بطارية لوحدها واي حد يركبها ؟

وايه اسعارها

[مستر الديزل]

هو محدش بيعبرنا ليه -_-

[Abo_Mazen]

لو حضرتك هتجيب لمبة الفبريكه ..أو لمبة زي اللمبة اللي كانت راكبه فيها أصلا زي الفبريكة ..يبقى كل اللي حضرتك هتعمله إنك هتجيب اللمبة وتفك الوش بتاعها وتركب عادي ..ده بفرضية إن الوصلات سليمة عشان هي ليها وصلة من الضفيرة بتاعة العربية ..لو حضرتك هتجيب لمبة بليدات ..بتبقى كده كارتة صغيره قد نص الكف بتتباع وفيها ليدات بيضاء أو زرقا ..زي ما أنت عايز ..يبقى هتضطر تاخد السلكة اللي كانت واصله للمبة الفبريكه وتقوم موصلها بكارتة الليدات ..وتقوم مثبتها مثلا بحزام بلاستيك كده على القاعدة بتاعة اللمبة القديمه ..دول الإحتمالين ..هي مش واصلة بالبطارية دايركت ولا ليها بطارية لوحدها ..هي ليها واصلة من الضفيره بتاعة العربية ..ولو حصل فيها قافله تعملك مشكلة في العربية كلها ..زيها زي لمبة الفانوس الأمامي ولمبة الفانوس الخلفي

[مستر الديزل]

شكرا للاهتمام ياغالي