إعـــــــلان

Collapse

.

,
See more
See less

تلفيات في عربية زيرو بواسطة سبير كار

Collapse
X
 
  • Filter
  • الوقت
  • Show
Clear All
new posts

  • تلفيات في عربية زيرو بواسطة سبير كار

    أول مرة أشتكي من خدمة. بس الصدمة فعلاً كبيرة. و التعامل كان سيئ للغاية.
    اشتريت عربية جديدة استلمتها الصبح و ذهبت مباشرة إلى محل سبير كار في التجمع - شارع مجمع البنوك - قابلني موظف مبيعات شيك و أسلوبه كويس جداً اسمه محمد. اخترت معاه الفرش و الكسوة الجلد للأرضية و جراب لسارة الدركسيون. و نزلت العربية الجراج و قالولي هتاخد ٣ ساعات شغل. لحد هنا مفيش مشكلة.
    روحت اتغديت انا ووالدي و رجعت استلم العربية لقيت خرابيش في بلاستيك عتب الباب و البلاستيك اللي بين الكرسيين جنب الفيتيس و فرامل اليد. سألت فين المسئول و ندهولي واحد اسمه تامر. قالي ٥ دقايق بالظبط و كل حاجة هترجع زي ما كانت وطلب مني انتظر فوق في الاستراحة. انتظرت خمس دقايق فوق في الاستراحة ونزلت لقيت الوضع أسوأ بعد استخدام ملمع و البقع انتشرت في العربية كلّها زي ما باين في الصور. قفلت العربية و طلعت فوق أدور على حد اشتكيله قالولي مدير الفرع الاستاذ أمير نازل يبص على العربية. انزل قابله تحت.
    نزلت تحت عند العربية والأستاذ أمير لقيته بيشرب سجاير جوا العربية (مع ان التدخين ممنوع في المكان كله وانا اخترت العربية دي عشان صديقة للبيئة ومفيهاش طفاية سجاير ولا ولاعة).
    المهم قالي انا هحل المشكلة دي خلاي ١٠ دقايق. قولتله ايه الحل بتاع حضرتك؟؟ قالي هستخدم سنفرة.
    قولتله لا شكراً انا عايز ٥٠٠ جنية تعويض و انا هعالج المشكلة دي بنفسي. قالي لا طبعاً مفيش الكلام دة. و الصنايعي ميقصدش.
    قولتله انا جاي مكان محترم و كبير وأسعاره أغلى من بره عشان ألاقي عامل محترف. مش عشان اسمع اعذار من النوع ده.
    قالي هو الحل اللي عندي استخدام الصنفرة.
    وصلت هنا لقمة حرقة الدم و صعبان عليا فلوسي اللي دفعتها في العربية و هي لسا حتى معلقتش نمر. قمت شايط قرطاس مصنوع من الكاوتشوك لقيته قدامي.
    طبعا الاستاذ أمير اتلكك على أي غلطة ليا ( وانا فعلاً غلطت اني عملت كدا طبعاً) و قالي انت جاي تكسرلي الورشة و قعد يخبط على كبوت العربية بقوة و جرحة ( مش عارف الساعة اللي جرحته ولا الخاتم اللي في أيده). وقالهم أقفلوا الجراج العربية دي مش هتخرج من هنا. و طبعا بيتحامى في العمال اللي معاه ( حوالي ١٠٠ عامل)
    هنا أتدخل بعض الناس اللي واقفه و هدوا الموقف لحد ما عرفت أمشي بعربيتي.
    أنا مش عارف أخد حقي ازاي.
    #سبير_كار حسبي الله ونعم الوكيل

    انا مش عارف آخذ حقي ازاي.
    آسف على الاطالة و الأسلوب لان فعلاً أعصابي تعبانة من ساعتها و مش قادر اركز.

  • #2
    اولا كان لازم يقدر الحالة اللي انت فيها بدل مايزود تلفيات عربيتك وانت لية مطلعتش علي القسم اية يعني لما ضربت برجلك قرطاس كاوتش واية شغل البلطجة اللي حصل معاك دة بصراحة كدة كتير لما يكونو غلطانين كان لازم يمتصو غضبك ويحافظو علي سمعة المكان

    Comment


    • #3
      بكرة مش رايح

      انا كنت اتصلت بنفس الفرع ده لتركيب فرش ارضية و شنطة و مش رايح ليهم حتى لو كان مفيش حد يركب غيرهم, بس للاسف هو اتلكك لك و ضيع حقك يا ريت حضرتك تشير الموضوع ده علشان شغل البلطجة اللى بيحصل فاضل حاجو واحدة لو حد له صلة بالفرع ده يبلغهم علشان حق الرد و عملا بسماع الراى الاخر كى لا نظلم احد

      Comment


      • #4
        طبعا موضوع انة مش عندة زوق .. وبيستهبل ومش مقتنع انةهم غلطانين .. وووو كل دة ماشى .. انما يعمل بلطجى .. ويقول العربية دى مش ح تخرج من الجراج .... دة بجد بلطجة .. وان شاء الله احنا لازم نعمل دعوة لمقاطعة سبير كار .. فرع التجمع خصوصا .. على بلكجية الاستاذ (شوف احنا بنحترمة ازاى ) المدعو امير ... وكفاية السمعة الهباب اللى ح ننقلها عنهم .. ونعرف الناس اخلاقهم الزفت دى

        Comment


        • #5
          مفيش جديد في الموضوع؟

          Comment


          • #6
            مفيش أي جديد

            Comment


            • #7
              حد جرب مرجان الي في مصر الجديدة وهل الفينش بتاعو كويس ولا لاء

              Comment


              • #8
                حسبي الله ونعم الوكيل
                حقك عند ربنا

                Comment


                • #9
                  اعتقد الامانه المهنيه كانت تقتضي من الاستاذ احمد نشر الاتي

                  عتذار رسمى
                  بناء على طلب العميل الأستاذ / أحمد نجدى بعد أخر مكالمة تليفونية تمت بينه وبين أحد المسئولين بشركة سبير كار بتاريخ 21 / 8 / 2015 الساعة 3.20 عصراً
                  تعتذر الشركة رسمياً عن الأضرار التى حدثت وتقرر الأتى بناء على طلب العميل
                  - دفع مبلغ تعويض وقيمته 500 جنيه مصرى
                  - رد مبلغ 1125 جنيه قيمة ما تم تركيبه فى السيارة
                  - إعتذار رسمى على مواقع التواصل الإجتماعى
                  تعتذر الشركة لجميع عملائها الكرام وبالأخص الأستاذ / أحمد نجدى ونود أن نحيط سيادتكم بأنه تم إتخاذ الإجراءات القانونية تجاة فريق العمل المتسبب فى الأضرار
                  لقد أسمعت لو ناديت حيا ولكن لا حياة لمن تنادي
                  ولو نار نفخت بها أضاءت ولكن أنت تنفخ في رماد!!
                  م.معماري/ تامر احمد

                  Comment


                  • #10
                    المشاركة الأصلية كتبت بواسطة tamer_a7 مشاهدة المشاركة
                    اعتقد الامانه المهنيه كانت تقتضي من الاستاذ احمد نشر الاتي

                    عتذار رسمى
                    بناء على طلب العميل الأستاذ / أحمد نجدى بعد أخر مكالمة تليفونية تمت بينه وبين أحد المسئولين بشركة سبير كار بتاريخ 21 / 8 / 2015 الساعة 3.20 عصراً
                    تعتذر الشركة رسمياً عن الأضرار التى حدثت وتقرر الأتى بناء على طلب العميل
                    - دفع مبلغ تعويض وقيمته 500 جنيه مصرى
                    - رد مبلغ 1125 جنيه قيمة ما تم تركيبه فى السيارة
                    - إعتذار رسمى على مواقع التواصل الإجتماعى
                    تعتذر الشركة لجميع عملائها الكرام وبالأخص الأستاذ / أحمد نجدى ونود أن نحيط سيادتكم بأنه تم إتخاذ الإجراءات القانونية تجاة فريق العمل المتسبب فى الأضرار
                    اعتقد ان الاستاذ احمد انكر السيناريو اللي حصل ده ومحدش كلمه ولا في تعويضات اندفعت ولما طالبنا اداره سبير كار نشر ايصال استلام مبلغ التعويض لاثبات ما يقولونه تم حذف كافه التعليقات وكذلك المدينه لهم من صفحتهم

                    Comment


                    • #11
                      حضرتك يا فندم كان ممكن تسحل الاستاذ امير علي القسم و تاخد تعويض مادام في شهود ، انا عارف ان الشرطة عودتنا ناخد حقنا بأدينا عشان مبتشتغلش بس مدام في شهود و اثبات حالة حقق موجود .

                      بالنسبة للبديل في جينز كار في مدينة نصر انضف شغل شفتوا في موضوع الفرش الجلد ، بس بيستهبل في اسعاره ، يعني مثلاً فرش عربيتي كان ٢٨٠٠ قبل الفصال و بعد الفصال ٢١٠٠ .

                      Comment


                      • #12
                        طالما جينز كار كويس يبقى تمام حتى لو غالى شوية بس احسن من ان حد يبلطج عليك

                        Comment


                        • #13
                          عفوا يا حضرات الموضوع نرفزني وحابب اقول رايي

                          احنا كمصريين معقول وصلنا لكده؟
                          - مش عارفين نركّب حاجة او نفكها بشكل سليم؟
                          -مش عارفين نصلح حاجة بدون ما نخرب حاجة جمبها ؟

                          ايه اللي فالحين فيه؟
                          - بنعرف ناكل وندخل الحمام كويس.
                          - بنكره بعض اوي و ننم كويس اوي .
                          - بقينا بنفهم في السياسة.
                          - بنجادل في اللي مبنفهمش فيه .

                          صاحب الموضوع !! معقول مخدتش بالك ان مصر كلها مفهاش صنايعية تثق فيهم ؟ ازاي غادرت المكان بدون عربيتك وتركتها ليهم ؟
                          ببساطة .. من 18 سنة و لغاية الان وقت دخولي اي بنزينة عشان امون العربية لازم اكون واقف مع العامل قدام تانك البنزين لاني على علم تام اننا كمصريين فاشلين في كل شيء.

                          يا جماعه احنا حتى مش عارفين نسوق العربيات .
                          احنا مبنعرفش نعمل اي حاجة .

                          افتكرت حاجة بنعرف نعملها كويس اوي .. بنعرف نهرج ونقل في أدبنا

                          Comment


                          • #14
                            الصنايعية كلها مفيش امانة عندهم انا عن نفسى لو روحت اعمل اى حاجة فى العربية مبسبهاش وامشى على شان الحجات دى لو فضلت اليوم كلة واقفة جنب الصنايعى بقف على شان دول ناس معمولة من ثلج واغلبهم معندهمش ضمير
                            [SIZE=4][SIZE=4]( [/SIZE]اذا لم تجد اى طريق الى النجاح[/SIZE] . [I][SIZE=4]فصنع انت الطريق[/SIZE][/I] )

                            Comment

                            Working...
                            X